وأنا اضم صووووتي لصووووت الاخ سيف حقيقة ضررهم اكثر من فوائدهم .................... لكن بصفة عامه الشعب السعودي لا يفكر يقلد كتقليد الاعمى الجيران عندهم خدامه والله لنطق لنا بوحده مثلهم ليش اهم احسن منا ..... هههههه صدق شر البلية ما يضحك

لا واللي يمشي ورا مرته اقرو عليه السلام مع احترامي للمراة لكن حقيقة مشكلة تضر بالمراة قبل الرجل .........

نسال الله الهداية للجميع .............. اعذروني على الاطالة وشكرا للجميع

والله يا ابو الطيب انا قريت الموضوع كذا مره وبغيت ارد بس ما قدرت لأني بصراحه ما فهمت وش تبغى تقول انت في البدايه كنت تدافع عنهم
بعدين الظاهر انك كنت تكتب وانت مسرح وقلت او انك تمزح

!
بس تداركت نفسك في الاخير

بعدين بديت تغلط على الحريم لو انك خصيت حريم معينه تهون بس كلامك كان معم

وبعدين قمت وقلت كلام سخيف وكان عام بعد

الحين ارد على أيه والا أيه بس دامك طلبت رأي وانا متأكده 100% انه ماراح تتراجع قيد انمله راح اقول رأي
انا ما أنكر انه في عوائل تعامل الخادمات بشكل سيء بس قله وانا دايماً اقول ان الخادمات شر لابد منه مو معنى كلامي انه لازم وجودها بلعكس انا اعارض اللي تستقدم خدامه وهي مو محتاجه , بعدين انت تقول الاسلام حرر العبيد اي الإماء والجواري والإمه والجاريه غير الخادمه وانا ما اتوقع واحد مثلك مايعرف وش الفرق بينهم!!
واذا مو عارف الفرق انا اقولك الإمه والجاريه كانو يشترونهم مثلهم مثل اي بضاعه او غرض وتخدم عندهم لين يعتقونها او تموت اما الخادمات فتره محدده .
ثاني شي انا انصدمت لنا قلت خادمات سعوديات امانه تجاوب بصراحه تقدر تجيب خادمه في بيت سعوديه اسأل زوجتك وقلها وشوف وش تقول امانه تقول ردها بعد , بعدين انت قلت:
(( لاعيب في ذلك فجميع الدول حتى تلك العظمى والمتوسطة وماكان يسمى بالامبراطوريات العاملات في المنازل من نفس البلد )
الدول العظمى والمتوسطه و..... و....... كيف الاسلام عندهم ؟
بس ماراح اكمل على النقطه هاذي.

ثالث شي انت هنا تقول نسائنا معليش لا تعمم بتعميمك هذا يعني امك (مع احترامي الشديد للوالده) وخواتك وزوجتك كلهم تكبرو واذا انت حظك في نساء مايطبخون حظ غيرك احسن منك بعدين مافي شي اسمه تكبر اذا الوحده تبغى تتعلم راح تتعلم ما تبغى بمزاجها ولا تنسى ان الاكلات الشعبيه كانت في يوم ما اسمها وجبه اساسيه وما اطلق عليها شعبيه او اكلات قديمه لأن كل شي تغير الدنيا تغيرت والتغير حتى بالالكل وطريقة طبخه واطريقة اكله قبل كانو مجموعه يشربو من زبديه واحده اليوم في كاسات امس الاكل باليد اليوم ملعقه وشوكه وسكين , وعلى فكره في بنات صغار بالسن وتلقى خبزة النار هذا الحلى عندهم يعني اسهل شي وترى الطبخ مزاج مثلك بالعمل اذا انت رايق وسعيد بتدي واذا انت متضايق وتعبان شغل يمشي الحال .
رابع شي انت قلت :
(
إلا أن مسألة الخادمة في بيوتنا مزعجة فعلاً ( إلا لضرورة وعن احتياج فعلي ) .. فمن أحد سلبيات جراء وجودهن العبثي هذا الترهل الذي أصاب أجساد نسائنا حيث أضحت إحداهن بين نارين نار السمنة ونار رغبة الرجل في أن تكون كعود الخيزرانه .. ناهيك عن رواج أندية التخسيس .. وبرامج الطبخ المتلفزة .. والأكلات الجاهزة حيث المرض بعينه .. وظهور جيل من بناتنا بليدات في الطبخ والنفخ الشعبي والحديث .. والقادم مذهل أكثر !!)
وانا اقول بسم الله يا ارض اتهدي ماعليك قدنا(الرجال) وش الجسم وش اللياقه والا العضلات مافي سعودي الا وعضلاته شاقه ثيابه ما نشوف غير الكرش متر قدام وشايف نفسه وبعدين الله يخلي السواقين والله لو مو السواقين كان شفنا شي عدل بس الواحد ماتجيه شده الا لأصحابه وبس اما امه وخواته وزوجته (ساعه بس فاهمين انا عندي مباره , انا مواعد اصحابي , انا وانا وانا) على الاقل الوحده لما تسمن تروح النادي تهتم بعدين السمنه اسبابها حمل مو كل الحريم , او وراثه بس انتو يال الرجال من فين يطلع الكرش والا مسانده معنويه لحرمته لما تحمل عشان ما يحسسها بالفرق على الاقل بعد الوالده الحرمه تنحف تروح الكرش بس الرجال لمتى بيكون كذا؟؟؟؟؟؟؟

الزبده لا تغلط على الحريم مره ثانيه ممكن :!:

هاذي ردي على كلامك حبه حبه اما على الموضوع كامل :
انا فعلاً اكره وجود الخادمه بالمنزل بس للضروره احكام والخادمه اولاً واخيراً بشر بس الضروف خلت منها تجمع رزقها من هنا وهناك يكفي تركت عيالها وتغربت وتذوق المر ألوان بس اكيد اصابعك مو مثل بعض فيهم البطاله وفيهم الصالحه .
اخيراً سؤال شخصي على كلامك(موضوع الرسالة:
تعليق لم يصبنا منه أي شظيه ولله الحمد .. أما كوني عزوبي أم متزوج فأحمد الله تعالى أهلي أصروا علي أن أتزوج قبل أن تحل بنا كارثة الخادمات والسائق الخاص والمربية والطباخة و .... وسلسلة طويلة من الوظائف التي أسهمت في حل البطالة لدى بعض الدول بينما تسببت لبطالة يبدو أن البعض لم يستشعر معها معنى أن لايكون لديك دخل شريف !! ) يعني تقصد بكلامك ان اهلك زوجك عشان تستفيدو من زوجتك كخدامه ؟؟
الكلمه قويه الزوجه زوجه والخادمه خادمه اذا تفكيرك كذا ؟؟؟؟؟؟؟؟؟ بصراحه ما دري وش اقول :!:

مع العلم ان اكثر الاراء بالاستغناء عن الخادمة وللأسف الشديد لا يستطيع تطبيق ذلك في الوقت الحالى لماذا
1- الخادمة يتم تحميلها مسئولية البيت كاملة.
2- الخادمة مسئولة مسئولية كاملة عن اختصاصات العائلة .
3- الخادمة مثل مفتاح المستر كي في اي مكان توجد .
4- هناك من الخادمات يستطعن كسب عطفك .
5- الخادمات لا يسيرو الا حسب توجيهاتك .
6- الخادمة سوف تكون مسئولة عن توصيل المدارس بالسيارةولكم الشكر :roll: :roll: :roll: :twisted: :twisted: :twisted: :evil: :evil: :evil:

طيب وش تسمي هذا

انت بديت بالسخريه والتسفيه والسخريه وما تبغاني اتضايق بعدين انا ماقلت ان الحريم كلهم مثاليات بالعكس اما ياليت مارديت مشكور ويجي منك اكثر واذا تعليقي غير مرتب ورأي غير مهم رجاءً لاتطلب مني التعليق انا احترمت وجهة نظرك وكمان ايدتك انه الخادمه احياناً مالها داعي واذ ردي مو مرتب انت موضوعك مشتت ما عرفنا انت تتكلم عن الخاده او عن اكل المطاعم
ودام الموضوع المفروض يكون انه خاص بالنساء ياليت ما تكتب شي بها المواضيع ولا تدخل (عصك بشي ما يخصك )

انا لما قلت انه السعوديات ماينفع يشتغلو في البيوت مو عشان كرامه او سي من هالقبيل اصلاً الفكره مرفوضه من النساء وعشان كذا قلت للك اسأل زوجتك بعدين انا لما سألتك كيف الاسلام عندهم قصدت شوف واقراء عن وجود خادمات بالبيت من نفس البلد هما عندخم عادي الوحده تكشف وجها مثل مصر والكويت والبحرين وقطر والمغرب و تونس وووو بس حنا ماعندنا انا الحريم يكشفون لأنه مايجوز مو عشان العادات والتقاليد مثل ما يزعم بعض التافهين اذا السعوديه راحت اشتغلت في بيت غيه عيال كبار غير الزوج كيف تشتغل بالعابيه ؟ او تقوم صاحبة المنزل بأخراج الزوج والأولاد لين ينتهي عمل المرأه الاجنبيه هذا كان قصدي مو انه حنا عشان الاسلام عندنا صح نكون افضل من الغير او في القمه بالعكس الاسلام عاد غريب الامن رحم ربي .
ما راح اطول واتكلم دام ردي مو مهم وغير مرتب ومثل ما قلت بس اوعدك وعد امرأه ما راح تشوف ليه رد على اي موضوع الا اذا كان سهواً مني وراح اكون جاهده اني ما انسى , الحين بكيفك رد مثل ما تبغى .