البقا أخوي ناصر

ويشهد الله انك لست قريب من القلب فحسب بل قطعة منه .. ولا يهون بقية الأخوه والأخوات .

لكن سوالك هذا .... الحكايه الوحده فيه عمر .. مايكفيه السيرفر ياابا محمد ..

الله يالدنيا..

المدرسه السعوديه .. تقع في مدينة الرياض على شارع الريل .. وكانت عباره عن مبنى من طابقين يتوسطه حوش صغير جدا للفسحه وفي ركنه الجنوبي الغربي مقصف المدرسه .. وكان
مدير المدرسه اسمه عبدالله الشعيل .. و ملعب الرياضه فوق السطح !! تحت المدرسه على الشارع .. بقاله في الركن ومصلح اديترات وباب المدرسه بنهم .. اذا كان المدير راضي عن صاحب البقاله .. اخرجنا الفسحه في الشارع واذا ظاق عليه قفل علينا في المدرسه ولا معنا غير الحوش والا الفصل .. والمدرسين يدورون كل واحد بعصاته ولايتهرجون مع الطلبه الا بتياك العصاه ..
كنا نجي في الصبح وندخل الفصول وننتظر دخول المدرس .. طبعا غلبه وخلافه .. الين يقول واحد الاستاذ جا .. هجده ولانفس .. من يدخل نوقف باحترام .. ويختار له واحد والا اثنين يجلدهم وبعدين يبدا الدرس وبعده التفتيش على الواجب .. كل زله بكف وكل خطا بعصا الين يرن الجرس ( اقوى من جرس الطوارئ في الدفاع المدني ) وبقية الحصص كذلك مرورا بالفسحه الموصوفه سابقا حتى وقت الخروج وكانو يسمونها ( الطلعه ) تقول مساجين وفكو لهم الباب .. بس بصراحه كان التعليم قوي جدا برغم قلة الإمكانيات والموارد ..

من القديم يعني ..... طيب

كنا ساكنين في شارع الريل اول مابدو يسفلتون الشوارع .. وكان عندنا في الحاره مسجد والبقالات حوله وقدامه برحه صغيره لمواقف السيارات .. وموقع تجمع الشباب ..
كانوا عمال السفلته يخلون الشيولات وباقي المعدات محلها ويعودون اليوم الثاني ويكملون شغلهم .. وعمدتنا في الخي اسمه أبو النقيز وبيته عند المسجد .. عموما .. واحد من أولاد الحاره نسميه البطران بعد صلاة العشا ركب في واحد من الشيولات الكبار .. الا أكبرها .. ومادرينا الا يوم صارت الحاره تهتز من صوته .. اثر خوينا شغله .. كيف مايدري .. احنا على طول غيرنا محلنا ورحنا عند أبعد بقال عن الشيول وخليناه شغال .. براءه .. العمده ياحبيبي طلع زي المجنون وعلوله وعلى صاحب بقاله في الحاره (الجاسوس حقه ) اسمه عبدالواحد .. اذا مااشترينا منه ينقنق عند العمده .. المهم يوم وصل العمده عند البقال كان فيه يمني في سننا دوبه جاي من اليمن .. سمع هروجهم وجا يعلمنا بها واول ما وصل عندنا قال .. البطرن شغل مسمو والعمده سقل اسمو سارح واقي لابو النقيز يتخابروا على مطفاية المسمو .. هو قال لنا كذا وتعال امسكنا من الضحك .

الله يسعدك ويخليك .




تحياتي

الله يعافيك اخوي ابو عمر

الحقيقه ان مامر به والدي رحمه الله كثير جدا حاله حال أبناء جيله ..
فقد توفى والده وهو صغير السن .. وعندما اشتد عوده سافر الى الحبشه وامتلك مطعم هناك ..
تعلم القراءه والكتابه بنفسه ( وهذه لها حكايه ) بعد ان عاد من تغربه في الحبشه تنقل في بعض الاعمال الحرفيه والتحق بعدها بوزارة الماليه في جده وانتقل معها الى مدينة الرياض .. واستمر في العمل الى ان احيل على التقاعد وهو في المرتبة التاسعه .. انتقل بعدها الى الديره و عمل مؤذن في مسجد الشيخ عبدالوهاب ( وهذه لها حكاية أيضا ) رحمهم الله جميعا الى أن توفاه الله .
كان رحمه الله مثال الوالد المتدين من غير تشدد والمتسامح بغير منه والبشوش في قمة الهم .. كان صبورا وقورا ومتحدثا جيدا يستمع له .. لايقحم نفسه في المهاترات ولايقبل الضيم .. وأفخر وأفتخر وأزيد فخرا كوني أحد أبناءه .. رحمه الله رحمة واسعه واسكنه فسيح جناته وامواتنا وامواتكم واموات المسلمين أجمعين .

أرجو أن يكون الإيجاز مناسبا .

وللجميع أطيب تحيه

سلام للجميغ

بما أن الأسئله شحيحه ..

ولم يتبقى على استضافتي سوى يوم واحد .. اليكم هذه ( مجالسي ) من انتاجي القديم .. وهي تحكي عن تكاتف أهل القريه وتعاونهم في المحن .. تقول


صاح صايح حبال وقلت يالله بحبلك نستعين
ثم غطرفن من فوق الطنايف حراير مستكنه
وانقلب حالنا ياسامعينا كما غبر السنين

التقطت الرشا لوفه وجنبيتي بيدي اليمين
واحتزم ذا معي بالبندقه والمعابر شوقنه
وانفلتنا معا باقي الجماعه نشوف الصايحين

قال ذا صاح انا ريتوه يلعص كما الفرخ الدجين
جا هريفه من المسراب في ظنتي مشعاب صنه
يوم خطرى بجنب البير كلت وحن متفازعين

مادرينا ولن البير في جوفها متشرعين
قد تزاقو وحدحدنا لهم بارشيتنا دون منه
ماحلا يوم ايادينا معا بعضها وحده تبين

واخترجناه باقي حي لنه كما الهيشه سمين
غير ماينعرف من كثر ماقد حقن مقدار سنه
قحم والا من التبعان ذا لحمها ماهو ظنين

وانتها شورنا نتقاسمه في محله محتسين
لايليل علينا الليل وانحن على بير المظنه
قسمة الليل خافني بشكك بها يالحاضرين

قسمة الليل خافني بشكك بها يالحاضرين

أرجو أن تكون قد حازت على رضاكم .

مع أطيب تحيه للجميع

الله يعطيك العافيه أبو عمر

ولكن أنا لااسمي نفسي شاعر .. بل هاوي لديه بعض المحاولات .. ويالله علم خير .. ذب يصيحون لي بنخرج ذلحين وما باتأخر بعود قوام والين اعود .. لك وللاخوه الإختيار بين ..

1- مجالسي

2- نبطي

3- فصيح


وللجميع أطيب تحيه

ابشر لعيناك

وهذي مجالسي .. أقول فيها

يالله اني طلبتك يالولي قف باطرافه ركيب
المعاميل فوقه والمحاحيل والغرب الموثق
تحتها بير سبعه روس من جوفها للما تجيب

والركيب الذي في راس بير الهنا حده يغيب
مد عينك على كل اتجاهات شوفك ذا محقق
ملكها عنونه باسمي الهي وصارت لي نصيب

ثم يالله طلبتك يعتلي بيت جنبه يالحبيب
ينشغر من تلمح في طنايفه عليته وشنق
ذا كما المسقوي حوشه وباقيه يبخصه الحسيب

يلحق الحوش هضبه في طرفها جبل دونه شعيب
مابقص فيه من كل الفواكه وشي مايصدق
والينابيع محلا مايها والعذوبه شي عجيب

وشبكم ياجماعه حندرتكم ولا كني طليب
آتحلم ولا بيحت حلمي وذاك اللي تشدق
يقل الحق تحوق طيننا ياعريفتنا هليب

قلت يالله تهبله مثل ماهبتلي يامستجيب
والعريفه كمانا والجماعه وذا عندك توفق
في جنانك طلبناها ويالله رجانا مايخيب

في جنانك طلبناها ويالله رجانا مايخيب


مع أطيب تحيه