|
ابوالطيب الظاهر تبي العيد بدري مستعجل هالمرة .............. ياجماعة صلو على النبي .....
ويا mns ((اوعدك وعد امرأه ما راح تشوف ليه رد على اي موضوع )) اذا نفذتي هذا الكلام فهذا دلاله على ان مافي احد بالمنتدى الا انتي وابو الطيب واحنا البقية الظاهر مالنا قيمة بهالمنتدى... وابي انبهك على شي وهو ان الاخ ابوالطيب ليس بوكيل على بقية اعضاء المنتدى ...... هذا رايه هو خاص به فليس لك الحق بالامتناع عن الرد في اي موضوع بسبب غلطة ارتكبها شخص واحد (( هذا اذا فيه غلط بالموضوع طبعا )) فارجو لبقية الاعضاء الامتناع عن الرد في هذا الموضوع اذا بيسبب ضرر او خصومة بين الاعضاء من الافضل الغاء الموضوع من اساسه ولا نخسر اي عضو ........ والحقيقة كنت ساضيف رد على الموضوع لانه فيه نقاط كبيرة خرجت عن مستوى الاخلاق ولكن لما رايت الوضع مزري امتنعت عن الرد لكي لا يزيد الموضوع اكثر تعقيدا والابتعاد عن العنصرية في الردود .......... لي رجاء خاص للاخ ابو الطيب الاختصار في الرد والتفكير العميق والتدقيق الممل قبل الرد ....... وايضا لي رجاء خاااااص للاخت mns التفكير ايضا العميق جدا بمسالة الرجوع عن الوعد في مسالة الرد على المواضيع ..... وانا عارف طبعا مو من عاداتك التراجع عن اي كلمة تقوليها لكن بليييييييز اعتبري هالطلب شي استثنائي وانشالله ماتخيبي ظني !! هذا طلب من اخوكم الصغير وانا متفائل بردودكم ..................... الله يهدي الجميع ......... |
[align=justify:44f2189c39]شكراً يا أخت mns على تفضلك بالتعليق وهذا يدل على رغبتك الصادقة في إثراء الحوار ، وثقي أن خسارتك في التعليق على أي موضوع لن اسامح نفسي عليها ، فآمل من كل قلبي أن لايبقى في خاطرك أي شيء تجاه أخيك .. كما آمل أن تعيدي قراءة ماكتبت كرأي يحتمل الصواب والخطأ ، وأن لا تجعلي من ذلك موقف شخصي ، من حيث يجب أن يكون الهدف الحق والحقيقة وإن كانت لدى الطرف الآخر ، فأنا لم أزعم الإمساك بناصيتها يوماً ما !!
وأعدك أن لا أتوقف عن الكتابة حول مايهم المرأة لا لأنه ليس لديها القدره على التعبير عن رأيها . بل لكي تعرف أن هناك من يقف إلى جوارها يشد من أزرها ويؤمن بحقها في الحياة الكريمة متى عز المعين بين البشر . ملحوظة : للعلم هناك أرملة لديها أطفال لم تجد من يقف إلى جوارها بعد الله تعالى سوى العمل لدى أسرة سعودية !! مع علمي أن الفكرة غير مقبولة لدى النساء السعوديات كما ذكرتي يا أختي الكريمة . ومع ذلك تظل وجهات النظر محترمة والواقع هو الحكم .[/align:44f2189c39] |
إيه هين إلحين الوحده ماتزوج إلا وشغاله سابقتها البيت
الخادمه صارت هي الحل والمشكله في وقت واحد الله يطول في أعمار أمهاتنا جميعا ويرحم من توفى لا كان فيه شغاله ولا حاجه |
احم احم بسم الله وشفيك يابو الطيب عسى ماشر فيه مشكلة بين زوجتك والخادمة؟؟؟؟ ولا بين الوالدة والخادمة؟؟؟
ولا الظاهر الخادمات يهربون من بيتك والسبب تعاملك السيئ مع الحريم اكيد انك تتعامل معاهم بشكل سيئ اذا انت هذا حالك بالمنتدى... ومو كل الخادمات يهربون حسب التعامل واحنا الحمدالله ديننا امرنا نتعامل معهم باحسن مايمكن وطبعا فبه حريم الله يهديهم يعاملونهم كنهم حيوانات ولكن هذي الظاهرة نسبتها قليلة... ومن ناحية الخادمة السعودية هذا مايعتبر من ديننا ولامذهبنا( يافاهم) اذا احنا مانروح مكان الا مع محرم كيف تبغى امراة سعودية تروح بيت وتشتغل عند ناس وتدخل عند رجال وتقدم الاكل وهم لامحرم لها ولامايحزنون وكيف تشتغل اذا هي ماراح تكشف عليهم لانه حرام وطبعا انا ماقول ان الخادمات اللي يجوننا غير مسلمات لكن مذهبهم واعتقاداتهم تختلف عن مذاهبنا وانا احب اسالك ياأخ فيلسوف اذا انتم كانت حالتكم مزرية جدا بتخلي وحدة من خواتك ولا الوالدة ولا زوجتك تروح بيت ناس تخدم فيه وانت ماتدري مين يدخل عليهم ولاتدري اذا كانوا رجالهم اولاد حلال ولا لأ؟؟؟؟ وبعدين انت ليش تكلمت عن موضوع الخادمة ليه ماتكلمت عن موضوع السواق؟؟؟ ليه ماقلت المفروض يصيرون السواقين سعوديين والبطالة عندنا بازدياد والحمدالله الاسلام جعل من المراة مكرمة والرجل اللي ينفق عليها يعني مو المراة اللي تروح تجيب الرزق للبيت واذا الخادمات اضطروا يتركون بيتهم ارجع واقول مذهبهم او افكارهم تختلف عنا ولو كانوا مسلمين واتوقع يااخ انك ماتكلمت عن السواق السعودي لانك ماترضاها لنفسك انك تكون سواق عند ناس وتغسل سيارات وتنظف الحوش وتهتم بالزرع واتوقع انك مافتحت الموضوع هذا لانك ماترضى انك تجيب لاهلك سواق سعودي ويروحون ويجون معاه حتى لو كان معاهم محرم سواء اخ او ولد... والدول العظمى والمتوسطة اللي انت شاد فيهم الظهر روح شوف ايش ديانتهم بعدين تعال تكلم... ومن ناحية الكسل احب اقول لك ان مافيه امرأة ماتشتغل في بيتها حتى اللي عايشة بعز ودلال لابد انها تقوم بشئ من واجبات البيت لانها ماراح تتكل على الخادمة اتكال تام لانها لوشافت شي يبغاله ترتيب تقوم وترتبه ماراح تستنى الخادمة لانه في الاخير بيتها واتوقع ان الحريم هم اللي يقومون بواجبات ازواجهم واولادهم المهمة لان في هذا الشي خصوصا لايجب ان الخادمة اللي تتولاها وطبعا فيه حريم الله يهديهم مايدرون وين ربي حاطهم متكلين على الخادمة مااقول مية بالمية لكن اقول 85% وطبعا هذا غلط وبرضوا احب اكد ان نسبتهم قليلة..يعني انتم يارجال ترجعون من الدوام وتتسدحون عند tv وتكون الحرمة مخلصة شغلها عشان تقعد معكم وتقولون انها كسلانة والله انتم اللي كسالى تاكلون وتنسدحون وتحسبون ان الحرمة زيكم والا من وين جت كرشكم هذي؟؟؟؟تشوفون نفسكم ماتتحركون وتجمعون الحرمة معكم عشان ماتنحرجون..... يعني انا عن نفسي متربية فيه بيت فيه خادمتين بحكم كبر البيت وتقدر تقول مدلعة لان ماحد يفرض علي اني اقوم باي شغلة لكن لمن يوصل الموضوع لغرفتي فالوالدة الله يجزاها خير تحب تعودني على الشغل تقول قومي وساعديهم او بالاحرى هم يساعدونك لانه هي نفسها تساعدهم في شغل البيت حتى الطبخ مع انه عندنا طباخة(طبعا الوالدة اللي معلمتها الطبخ كله) نادرا ماتخليها تطبخ يعني اذا كانت تعبانة بس او جاي ناس وتكون الوالدة مشغولة بشي ثاني.. وعلى قولة الاخت mns يمكن انت ربي بلاك بحريم مايطبخون ومن ناحية الاكل الشعبي ماصار ينأكل كثير حتى انتم يالرجال ماهمكم الا الكبسة اللي تنفخ كروشكم واتوقع لو انكم طلبتم اكلة شعبية من الحرمة ماراح تقصر والحرمة ماتتكبر بس لان كل الاكلات الشعبية متعبة واتوقع انك لوتسوي اكلة شعبية بتعرف ليش زوجتك ماتسويها اذا هي مو مجبورة لانها تكسر اليد والكتف والظهر كمان... عموما يااخ فيلسوف احب اقول انك انت انسان متنااااااااااااااقض جدا في موضوعك مرة مع ومرة ضد !!!!!!!!!!! ماندري ايش تبغى بالضبط واحب اقول الله يعين زوجتك اتوقع شوي وتهج من البيت... |
والله لو اجيب المطافي كلها ماعتقد راح تنطفي هالنااااااااااااار :evil:
يالله يابو الطيب استلم ....... وبعد اذنك يا اخت a7la_2t مسالة السواقين موجودة بس انتي اشري لاي لموزين وبتعرفي :wink: ملحوووووووظة لك :: ياليت ماتعممي في ردك :? اعذرني اخوووووووي ابو الطيب مابي ازيد الطين بلة ....... اترك الرد لك لوحدك وياليت ماتلخبط في الكلام اوزن قبل ماتكتب وخذها نصيحة من محاميك ((سابقا :mrgreen: )) |
ياأخ سعيد انا اتكلم عن السواقين اللي يشتغلون في بيت زي مانستقدم سواق من بلده ويقعد سنتين لان الاخ ابو الطيب يبغى السعوديات يصيرون زي الخادمات بس الفرق انك تستقدمهم من بلدك
انا مااتكلم عن سواقين التاكسي.. واذا كان فيه سواقين تاكسي سعودين فهذا شي حلو بدال ماهم قاعدين بالبيت ويقولون مافيه وظايف لكن انا الحمدالله بحياتي ماركبت تاكسي عشان اعرف اذا فيه سعوديين ولا لأ...وشكرا على المعلومة.. |
الحمد الله جل في علاه أن وهبنا ملكة التفكير فيما يدور حولنا ، وكم هو جميل أن يكون ذلك التفكير على هدي من الدين ومكارم الأخلاق والثقافة السوية .. أختي العزيزة a7la_2t لم أكتب هذا الموضوع لمشكلة شخصية فأنا ولله الحمد في خدمة أهلي لاحرمني الله هذا الشرف .. ولم أطرحه للتهكم أو السخرية منها .. طرحته بنية صافية .. هناك مشكلة تعاني المرأة منها ( متى عز من يعينها ويقوم عليها كما يجب ) تأملي يارعاك الله مابين القوسين .. طرحته لكي لايساء فهمنا تجاه المرأة المسلمة .. فالغيرة والمحرم كل لايتجزأ .. واعتقد أنني دعوت الله جل في علاه كما أدعوه الآن أن لا تحتاج فتاة أو إمرأة من بلادي إلى أن تكون خادمة .. طرحته وكم أتمنى أن يكون هناك حلول لاتدفعها للعمل حيث يرغب من يريد بها شراً !!
ملحوظة : الرجل والشاب في بلادي يحاول أن ينتزع العمل في القطاع الخاص كما تسعى الدولة راعاها الله لمساعدته حتى يكون هو القائم بالعمل في كل مرفق وخدمة شريفة . عموماً جميل أيضاً أن يكشف لنا مثل هذا الموضوع أن الأختلاف لايفسد للود قضية .. وهو كذلك بالنسبة لي . بإذن الله تعالى . ودام ودكم وملحوظاتكم .. وقوموا مانكتب فلست منزهاً ولا شيطاناً . |
اقتباس:
طيب السواقييييين اللي يشتغلوو عند الامراء هااااااااااااااااااااه .... لا تقولي مو سعودييين !!!! :wink: :wink: :wink: :wink: :wink: :D |
| الساعة الآن 07:37 PM. |
Powered by vBulletin® Version 3.8.9
Copyright ©2000 - 2025, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ