مجالس منتدى قرية المصنعة الرسمى

اقتباس:

المشاركة الأصلية كتبت بواسطة صاحب المقال (المشاركة 181214)

يا كحيلان الفرق كبير جداً بين السفان اللي ذكرتهم وبين الاطفال اللي انا شاهدتهم !! اشبه بالكناري في الوادي..ولا تنسى ان الاطفال لهم اسلوب راقي على مستوى حياتهم اليومية فهو يقوم من نومه متجهاً للحمام يتروش ويفرش اسنانه ويطلع من الحمام تستقبله المربية بالمنشفه وتصبح عليه يروح يغير ملابسه

وياخذ شنطته وينزل لغرفة الطعام ويصبح على امه وابوه واحلىىىى

بوسه ياخذها منهم ويفطر ذاك الفطور طبعا عباره عن كورن فليكس

وحبة بيضه مسلوقة بس!! وكاس عصير وشويت زبده مع العسل

على خبزه .

بعدين يقوم يغسل فمه ويودع الماما والبابا ويتوجه للسياره يلقى قدامه

السواق مبتسم ويفتح له الباب ويوديه لمدرسته الخاصه

بعكس سفان النبالات اللي ذكرتهم أنت فأنهم يقومون الصبح بعد ما يطلع عين اهله منه عشان يصحوه وكل واحد وطريقته:

الاب:قم قامة قيامتك ) :

الأم:قم قمة تقملك الأخ: والله اذا ما تقوم لافقع وجهك ) :

أخته: < تسوي نفسها بتدلعه؟؟؟؟ يالله قوم وأعطيك من فلوسي ..و بعد ما يقوم يمر الحمام على السريع ويغسل وجه بس !!

وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ

انهم ما حطوه؟؟

بعد ما يجي الفطور وهو كالعاده : فول خلوفة و شكشوكه بوفيه الريف و تميس الافغاني عشان ما لحق على السرى في خلوفة + حليب بالزنجبيل عشان يفك الحناجر

يبدأ بالأكل وشوي الا وهو حاذف أخوه بعلبة الهندسه؟؟؟ ( :

عشانه سحب صحن الفول من عنده<مسكين ما يطوله؟؟؟؟ أبوه يتكلم معهم يا سفان اهجدوا ادخلوا في الخلق : انت ما تشوف دحوم وش يسوي ( :

المهم بعد ما يخلص الفلم اليومي بصحن الفول الممسوح على قفى كل واحد يروح المدرسة وهو مورم تحت عينه ...

الله يهديك أنت من بدأ حكاية الصباح ..أليس الكلام السابق لك....وأنا أكملت بعدك.

اقتباس:

المشاركة الأصلية كتبت بواسطة كحيلان (المشاركة 181218)

لماذا هربت من الإجابة على الفرق بين السفان والأطفال كمرحلة عمرية إلى عادة تربيويه بعضها طبيعي وبعضها مكتسب؟؟
فأنا متأكد بأن الأطفال الذين وصفتهم بالعادات التي وصفتها والمثالية التي هم عليها أنت قبلي تعرف أنها إلى الخيال أقرب منها إلى الحقيقة , مثلما هو وصفك للسفان الذي يتضاربون بصحن الفول.
(ولكن دعني أثبت لك أن هذا أيضاً ملعبي)
لنخرج معهم من البيت وسأكمل التصوير:
الأطفال تفتح لهم المربية السيارة التي هي داخل القراش طبعا , يسلمون على أبوهم وينشدون له تحية الصباح (سوق يابا سوق بكره الدنيا تروق) وتتحرك البانوراما.
والسفان الأب يصيح من الشارع وينك يا سعيد وينك يا صالح وينك يا....يا....يا..تأخرت عن دوامي بقعى تصوع عدوكم ....يخرج السفان وهم على نقرة السلف بعرضه...يا به دخيلك أطلب الله وصم وصم ..ويصيح الشيبه من الغمارتين ..هيا خلوا العرضه في الفسحه فالمدرسه .
يتضاربون من يركب منهم جنب أبوه سعيد المذعف وآخوه صالح الهيل علشان هم كبار والصغار يتفرجون ويندر عليهم الشيبه ويحرم ما يركبون إلا في الحوض وهم حمير ويركبون مساكين في ذاك الصماط .
نعود للبانوراما تسير متهادية وفي السوق عند حلقة الخضار في زحمة الصبح يسقط عليه واحد معه ونيت غماره مصدومه من كل مكان ..كلمه من هنا وسبّه من هناك ويحضر الشيطان ويتناشبون ويندرون يتضاربون ويشتل راعي الونيت راعي البانوراما ويمدده في الحيلة وسفانه من البانوراما يصيحون ويبكون (يا متوحش يا شرير وبعضهم يسب بالأنقليزي ..أوه باد قاي ... وواحد بالفرنسي...أوه سوفاج) يلتم الناس يفارعون وتنتهي المعركه و ينظر الأطفال إلى أبوهم و يلقط وجه.

نعود للغمارتين ما شي آبوهم مسرع وعند نزلة الصقاع يسقط الشيبه على واحد وقبل أن ينزل الأب من السياره قد نزل سفانه وأخرجوا الرجال من سيارته وفين ما يوجعك اللي يضرب واللي يرفس وآبو هم يصح (كان يا سفان كان آنا الغلطان ما هو بهو) .
بذمتك أنت والقراء أي الأولاد تفضلون الأطفال أم السفان؟؟؟؟

على كل حال لأختم مشاركاتي في الموضوع فالثماله ما عرفناها مقعد .. ووضح لك أبو عمر بالصورة حتى من غير كلام .
وفي الغالب الثمايل تكون في الشمس فالأحسن أنك تقعد في الفيّه.
ولا يوجد فرق بين السفان والأطفال إلا في أسلوب التربيه.
وأن لايكون هناك إفراط في الدلال .
ولا تفريط في الجهال.
هذا ما فيها وفي يمّها والتوالي لها والي.