|
مشاعل بعد ماانهت الغدا ,,, رفضت كل شخص يحاول يساعدها علشان توصل للمكان الي تبيه كانت تبي تعتمد ع نفسها ,,, كانت تمشي وتمشي وتصدم احيانا بشي واحيانا تسمع تحذير اخوانها انها تنتبه لان قدامها شي ,,, وصلت للغرفه الي تقظي معظم وقتها فيها ,,, غرفه الرسم دخلت فيها وسكرت الباب ,,, حاولت توصل للفرش وعلب الالوان واوراق الرسم ,, مسكت الفرشه وحاولت ترسم ,,, كانت ترسم خطوط متعرجه مالها اي دخل لابالفن ولا حتى بالذوق ,,, جلست ع الارض تبكي بحسره وتضرب بيدها ع الارض من القهر الي حست فيه ,, نامت ع الارض ,,, ودموعها تنزل بغزاره ,, هوايتها الوحيده الرسم,, تحب الرسم بجنون ,, رجعت بذاكرتها لايام الثانوي كانت نسبتها حلوه وتدخلها الطب لو تبي ,, وكان ابوها واخوانها يحاولوا يقنعوها تدخل طب اسنان بس هي رغم نسبتها العاليه وذكائها بالدراسه ,,, دخلت القسم الي احب لقلبها ,, الرسم والحين هي محرومه منه 000000000000000 في سياره صالح الكامري صالح: اف انتن يالحريم لو ربي ماخلقكن كان احنا بخير ام فهده: لو احنا مانخلقنا شلون جيت يالفالح صالح: الله ياخذكن ومشاويركن الي ماتخلص فهده: تكفى سوق وانت ساكت صالح: اسمعوا عاد والله ان جت الساعه 7 وانتن ماطلعتن بمشي وبخليكن ام فهده: وانشالله من يرجعنا صالح: ارجعن بليموزين فهده تبي تقهره: لا يمه نخلي سواق مشاعل يرجعنا صالح التفت ع فهده الي راكبه ورى : وانتي تبين سواق صديقتس يرجعكن عشان تاخذين راحتس فهده خافت انهم يصدمون لانه مايطالع الطريق كان يطالعها: تكفى انتبه للطريق ,, بعدين انت تقول ارجعوا بليموزين ,, يعني اليموزين عادي بس سواق ميشو لا صالح: وش ميشو ذي؟؟؟ فهده طفشت: هذي مشاعل ,, وبعدين انت شكلك سواق ,, الي بيشوفنا راح يظنك سواق صالح عصبت: يالكلبه سواق بعينك ,,, شايفتني هندي والا فلبيني فهده: عشانك مركبني انا وامي ورا وحظرتك قدام لحالك ,, ماحد يجلس لحاله قدام الا السواقين صالح: بعد بعد تبيني اركب حرمه جنبي قدام عشان يضحكوا علي الناس,, دقمن يدقمكن صالح كان معقد مره وعنده افكار غريبه,, وكان جالس بالسياره ورافع رجل ع الشبك والرجل الثانيه ع الفرامل ,,, وكان لابس طاقيه طويله ((حقت العرابجه))ومرجعها ع وراء ,,, وحاط فوق الطاقيه عقال ,, اما الشماغ فكان ع كتوفه((عربجي بمعنى الكلمه)) 00000000000000000000000 ماتدري كم صار لها تبكي ,, ماتدري ان الشمس راحت والا توها ,,, ماكانت تدري كم الساعه ,,, ماتدري كم صار لها نايمه,, صحتها الخدامه تقول لها ان فيه ثنتين يسالوا عنها قامت وغسلت وجهها ولبست بسرعه ونزلت عند فهده وام فهده فهده تبكي : هلا والله ميشو وحشتيني((وضمتها)) مشاعل منصدمه لانها عارفه فهده مستحيل اهلها يرضوا يخلوها تطلع لبيت اي وحده من صاحباتها لوحدها ام فهده: هلا بنيتي شلونتس الحين مشاعل عرفت ان هذي ام فهده وعرفت شلون قدرت تجي فهده: بخير ياخالتي الله يسلمك شلونك انتي؟؟؟؟ ام فهده: الحمدلله فهده: ميشو احكي ايش صار؟؟؟ مشاعل كانت تتحاشى تتكلم بالموضوع ماتبي تتذكر الي صار ,, وخاصه شلون بتتكلم عند ام فهده مشاعل: موضوع طويل بعدين اشرح لك ,, تعالي ماقلتي لي ,, ايش اخبار الاستعداد للزواج فهده بدت تسترسل بتفاصيل زواجها ,, رغم انها تحذف اشياء كثيره عشان امها ماتسمع فهده بتردد: ميشو انا عارفه انك تعبانه واذا ماتبي تحظري زواجــــ... قاطعتها مشاعل: بس ولاكلمه والله لو انا في السرير مقدر اتحرك بجي انا وسريري مستحيل افوت زواجك ياخبله فهده صاحت ,, تدري ان مشاعل متضايقه ومع كذا راح تجي: ميشو انتي ملاك سمعوا صوت يقاطعهم كان صوت ساره الي جايه تركض ساره: الحقيني ميشو الحقيني شفت واحـــ... سكتت لما شافت فهده وامها مشاعل : هلا سارونه تفضلي ساره ارتبكت : هلا خالتي شلونك ام فهده تطالعها بعين شريه لانها سمعتها تقول شفت واحد : بخير ساره: هلا ميشو هلا فهوده مشاعل وفهده : هلا ساره: اممممممم شفت واحد برا معاه كامري ,, اخوك يافهده فهده بخبث: ايه ليش عاجبك اشوفك جايه تركضي ومنجنه ترى اعزب هههههههههه ام فهده تطالع ساره بتفحص: ايه وترى وليدي مايدخن ساره : ههههههههه لا بس انا حسيته يشبه فهده كلهم حسوا ان ساره تخبي شي مو معقوله كل هالحماس عشان بس اخوها يشبهها ,,, اكيد فيه سر ام فهده: قومي فهده لايصول علينا اخوتس ويروح ويخلينا فهده: لاتخافي يمه هو تلقيه ماراح لما نزلنا,,, يخاف نطلع من دون علمه تعرفين ولدك شكاك ام فهده قفلت معاها كانت تبي تزين صوره ولدها عند ساره ع امل انها تخطبها له هنا دخلت ام سلطان,, وطالعت فهده وامها باحتقار ,, كانوا من عائله متواضعه ,, ومبين ع ام فهده انها من الطبقه المتوسطه ,, وام سلطان تحتقر اي شخص ماينتمي لطبقتها ام فهده قامت لام سلطان تسلم ,, مدت يدها ,, بس ام سلطان مامدت يدها منقرفه: هلا وكملت كلامها : ميشو ودي ضيوفك لغرفتك لان صاحباتي بيجوا عندي مشاعل قفلت معاها اهانت ام فهدهوهي ببيتها : ام سلطان انقلعي لاي مكان انتي وصاحباتك الخمه قبل لاقوم واعلمك قدرك يالحافيه المنتفه((كانت مشاعل قويه من اول ماصار الي صار ,, بس اظاهر كان الهدوء الي يسبق العاصفه,,, والظاهر العاصفه كانت بوجه ام سلطان)) ام سلطان انصدمت من كلامها ,, اول مره تهينها قدام الناس ام فهده هنا تدخلت والمفروض تكحلها اعمتها: كفو يامشاعل والله انتس مره ,, ايه علمي هالشهباء اللهباء قدرها يوم انها ماتمد يدها لي وسيعه الوجه,, هي وهالصبغه الصفراء الي ع راسها كنها جني مروع ام سلطان صار وجهها احمر وصار فوق راسها مثل الدخان الي يطلع من القطار مثل افلام كرتون لوووووووووووووووووووووول فهده: يمه يله نروح صالح برا يستنانا مشاعل تصارخ: ماراح تطلعوا اي مكان ,, خلي هالحشره تطلع هذا بيتي مو بيتها ,, مشكله الملحطات اذا شافوا فلوس فجاءه ينغرو ,, نست نفسها من تكون ام سلطان طلعت من الغرفه تبكي فهده : اسفين والله ماكنا نبي نسوي لك مشاكل ام فهده: ايش مشاكله ماشفتي ايش تقول ,,الا تستاهل ,, ليتس يامشاعل خليتيني عليها اادبها هالعجوز المتصابيه مشاعل : خليها تستاهل عشان تعرف تحترم ضيوفي 000000000000000000000 حسين كان يفكر بجنون ساره معقوله كانت تبي تحط لطلال حشيش بسيارته ,, حتى لو كان طلال حقير بس مايستاهل انها تسوي فيه كذا ,,, حاول ينسى هالموضوع رجع يدق ع خويته العنود الي مختفيه من زمان ,, ولما يتصل عليها يرد اخوها حاتم ,,حسين ارسل مشاعل تكلم اخو العنود حاتم ع شان تعرف منه اي شي عن العنود بس لاحياه لمن تنادي ,,, حاتم ماكان يتكلم عن اخته لما كانت مشاعل تكلمه ,, حاولت تسحب منه الكلام بس هو كان كتوم لما مشاعل فقدت الامل انه تعرف اي شي عن العنود ارسلت رساله لحاتم تقول فيها ان ضروفها صعبه ولايدق عليها وقالت له انه يستناها لحد ماتهدا الضروف ولايدق ,, كانت تتهرب منه لان ماعنده ريحه الكرامه ,, ولانها مثل ماقالت لحسين قررت تبتعد عن كل شي يزعل طلال منها ,, عشان كذا ارسلت لحاتم هالرساله والي شافها طلال واثرت في طلال كثير من ناحيت مشاعل تحاشت تقول هالشي لطلال اول شي لانه اكيد راح يزعل ثاني شي لانها انقطعت عن حاتم في بدايه علاقتها بطلال وماله داعي تفتح اشياء قديمه 000000000000000000000000 صالح كان بالسياره يستنى امه واخته ومشغل كسرات ,, كان يفكر بساره الي شافها نازله من سيارتها والي كانت كاشفه ,, اول مره يشوف بنت بجمالها سمع صوت الباب ينفتح ,, ركبت فهده وامها ورى صالح: اقول فهده من هالمزيونه الي دخلت من شوي فهده: هذي ساره صاحبتي صالح: يازينها زيناه ام فهده: اي والله ياوليدي تهبل ,, ودي اخطبها لك فهده: هههههههههههه يمه اخطبوا ناس قدكم ام فهده: وش فيه وليدي هي تطول واحد مثله مشالله جمال ودلال فهده: مره دلال ,,, ولدك مافيه شي زين صالح عصب: ايش قصدك ايش فيني قمر فهده: اول شي انت ماعندك اسلوب ,, ولاوظيفه,,, ولاحتى شهاده,, ولافيك جمال ,,, حتى نظافه مافيك ماتتحمم الا كل اسبوعين لما يخيس جسمك, وحتى فرشه الاسنان ماتعرفها الا بالاسم تبي بنت رقيقه مثل سارونه تتزوجك انت؟؟؟ صالح هنا مشى مليووووووووووووووون لما وصل البيت وكفخ فهده لما زرق جسمها,,, وصارت تبكي,,, حرام زواجها باقي عليه اسبوع ومو معقول بتروح اثار ضرب صالح من جسمها,, ايش راح يقول زوجها عنها 0000000000000000000000 ساره كانت عند مشاعل وكانوا يسولفوا بكل شي,, مشاعل كانت تشكي لساره همومها خاصه ان ساره قريبه منها,, استاذنت ساره من مشاعل بحدود الساعه 9 ونص لما دق عليها وليد كانت مشتاقه تشوفه,, طبعا ساره ولاول مره تخبي عن مشاعل شي ساره كانت في طريقها لكوفي تايم لانها مواعده وليد هناك ,, واليوم كان يوم الاحد انواع الزحمه معروف الاحد والثلاثاء كان يوم طلعت مشاعل وساره لان الشوارع كلها شباب بهاليومين تمنت ان مشاعل معاها وهي بالطريق تذكرت صالح اخو فهده وبخبث" هذا الي ابيه محد يقدر ينفذ خطتي في طلال الا هو ,, مبين عليه عربجي وراعي اجرام ,, واكيد اصحابه كلهم مجرمين ,,, وبينفعني,, لازم اجيب رقمه من فهده" وقفت ساره عند كوفي تايم تنتظر وليد يوقف جنب سيارتها,, قالت خلني اشرب شي لانه يقول عطيني 10 دقايق واكون عندك كان بعيد شوي فتحت الشباك تبي تطلب ,, وطبعا معروفين الي بكوفي تايم عمالهم كثر الرز ,, من اول ماتفتحي الشباك يجونك يتراكضون,,, طلبت فرينش كوفي,, وكانت جالسه تستنى وليد ,, وقفت جنبها سياره ,,, طبعا ساره ع طول طالعه نوع السياره اهم شي عندها ,,, ساره: اممم يعني سياره معقوله لكزس بس صغيره((كامري الشيوخ)) فكرت اخذ رقمه والا لا ؟؟؟ بس شكله ملحط شوي لو انه تاجر كان شرى لكزس 430 مو هذي الصغيره,,, قفلت الستاره حقت السياره مو ناقصه لحط ساره كان معاها كدلك كنكورد قديم شوي,, لان اهل ساره مو اغنياء مره رجعت فتحت الستاره لان القروي ع قولتها راح ,,, كانت مشغوله بدفع حساب الكوفي لما دق عليها وليد وليد: ياهوه التفتي ابي اشوفك ساره التفتت لقت بي ام دبليو جديده واقفه جنبها مضلله كلها والشباك الي قدام كان مفتوح وشافت وليد جالس جنب الي يسوق يبتسم لها ,, كان الي يسوق السياره ماجد,, انقهرت اكيد هذي سياره ماجد ,, الله يستر لاتكون سياره وليد شينه ,, كان هذا همها سياره وليد ,, لان بنظرها ان الشباب الي يركبوا مع اخوياهم دايما تكون سيارتهم شينه ,, عشان كذا يشخصوا مع اخوياهم كانت تبتسم له وليد: فيه واحد معنا ورى معجب فيك مره ساره استغربت وقاحته لو كان صاحبه معجب فيها ليش يقول لها المفروض يزعل ساره حبت تقهره : اوكي خله يفتح الشباك لان السياره مضلله ماشوف شي انفتح الشباك وطلع معروض كبير كان مكتوب فيه رقم ووراه واحد لابس شماغ ساره: طيب خله يبعد هالمعروض ع شان اشوفه وجهه ياليته ماشال المعروض,, كان واحد شيييييييييييييييييييييييييين كان شين مره ,, قبيح,,, شكله غريب, كانه مخلوق فضائي,,, مشوه,,, كان محدد حواجبه ساره بقرف: ابو الرجوله الي يعرفها يحدد حواجبه ايش ترك للبنات هذا وليد مات ضحك: عاد هو يموت فيك ,,, طالعيه زين انتي تعرفيه ساره طالعت الولد زين ,, حست انها اول مره تشوف واحد شين كذا,,, حاولت تدقق بالملامح انصدمت صدمه ماقبلها ولابعدها صدمه ,, عرفت هالشخص زيييييييييييييييييييييين بالجزء 13 راح نعرف مين هالشخص الي راح يكون له تاثير كبير ع حياه ساره للاسوء 000000000000000000000000 |
الجزء الثالث عشر
ساره طالعت الولد زين ,, حست انها اول مره تشوف واحد شين كذا,,, حاولت تدقق بالملامح انصدمت صدمه ماقبلها ولابعدها صدمه ,, عرفت هالشخص زيييييييييييييييييييييين الرجال الي يطالعها ومحدد حواجبه ولابس شماغ مو ولد,,, كان بنت ,,, وبالتحديد كانت صاحبتها منال,, صح ان منال مو مره شينه ,, يعني كان وجهها مقبول نوعا ما ,, بس مو لدرجه هالقبح صاير شكلها يخوف بنت في صوره ولد ساره: وليد يامامي هذي منوله ,, يمه شكلها يخوف ,, لا وطلع لها شنب؟؟؟ وليد مات ضحك ع شكل ساره: ههههههههههههههههههههه , خذيها تبي تكلمك منال بصوت خشن تقلد الشباب: هاي سارونه ساره ميته ضحك: يمامي شكلك مرعب منال: ايش رايك ياقمر تاخذي الرقم((كانت منال تكلمها وهي رافعه المعروض)) ساره: وووووووووع والله لو انك ولد وترفعي رقمك لي انتحر منال:هههههههههههههههههه هاه ايش رايك بالحركه ساره: تجنن يالله ماتوقعت انك مجنونه لهدرجه تطلعي ولابسه ثوب ,, الا تعالي منوله متى ماشالله طلع لك شنب؟؟ منال: هههههههههههه هذي شنب رسمه لي مجودي ساره:ههههههههههههههههههه خطير وسكسوكه بعد ههههههههههه منال:ههههههههه اقول سارونه تعالي معانا والله فله نجيب لك ثوب من ثياب وليد ساره برعب: لا حبيبتي اسفه مابي منال : والله انك خوافه تدري الحين بغير ملابسي والبس جينز وجاكيت وراح نطلع بالدبابات ندور بالعليا ساره: مجنونه واذا احد عرف انك بنت؟؟؟؟ منال: هههههههههههه لا محد راح يدري سويتها مليون مره ساره: انتي دبا شلون مابين جسمك منال بزعل: احترمي نفسك انا ماني دبا وبعدين مجودي يلبسني جاكيت كبير يغطي كل شي وكاني ولد ساره اعجبها هبال منال وتمنت انهم كانوا يطلعوا معاها قبل هي وميشو وفلوها معها منال: اوكي حبيبتي باي قلنا بنمر نستهبل عليك ساره: ههههههههههههههه يله باي 000000000000000000 حاولت تركز اكثر يمكن تتذكر الرساله وين ودتها بس كانت متاكده انها حطتها عند السرير وين راحت الله يستر لو طاحت بيد ام سلطان والله توديها بداهيه,,, توقعت ان اكيد وحده من الخدامات رمتها تذكرت زواج فهده واخوها مشعل كيف راح تشتري فستان وهي ماتشوف ,,, قررت انها تعتمد ع ذوق ساره وتخليها تشتري لها فستانين واحد لزواج فهده والثاني لزواج اخوها مشعل نادت ع الخدامه علشان تدق لها ع ساره من تلفون البيت مشاعل: هلا سارونه شكلك برا صوت ازعاج ساره: ايه حبيبتي مريت اخذ كوفي ,, والحين بروح للبيت تذكرت مشاعل طلعاتها ودورانها والي قطعتهم من بعد علاقتها بطلال ,, وهالشي ضايق ساره لانها تركتها تدور وحيده ومالها الا حنان الي كانت معاها لما عطت طلال الرسمه حقت مشاعل,, ومن هذاك اليوم ماعند حنان سالفه الا طلال وجمال طلال ,, كانت ساره تضطر تطلع مع حنان لان عندها نفس ميول ساره من الغزل والتميلح عن الشباب والدوران ,,, بس كانت تكره فيها شفاحتها ع الشباب ,, خاصه لما تشوف واحد حلو شوي وتنكسر رقبتها ,, اما ساره كانت تكتفي بالسعابيل بس تحب تبين ان الولد مو عاجبها وتحب تتغلى,,, المشكله ان حنان ماتعطي ساره فرصه تاخذ ارقام لانها تكوش عليهم قبل ساره ,, وساره تستحي تقول لها خلي هذا لي انا ابي رقمه عشان كذا قلت طلعاتها معاها مشاعل: طيب سارونه ابي منك طلب ساره: عيوني لك ياميشو امري مشاعل بحزن : لا مابي عيونك الله يخليها لك,,, سارونه اشتريتي فستان لزواج فهده ساره مستغربه: لا وليش اشتري احنا ماراح نروح مشاعل: وليش مانروح مو هي صاحبتنا ,, عيب نخليها بهالوقت وبهالحظات ساره: بس ياميشو انتي تعـ... قاطعتها مشاعل : مافيني الا العافيه وانتي راح تروحي معاي ساره: اوكي عموما ماشريت شي والزواج مابقى عليه الا اسبوع مايمدي مشاعل: سارونه ماعليك يمدينا نشتري شي ساره : لا حبيبتي انشالله تبيني اشتري فستان جاهز ,, مستحيل ,, لازم اروح مصممه مشاعل : طيب حبيبتي مين قال لاتروحي مصممه ساره: اذا رحت مااراح تخلص الفستان الا بعد شهر مشاعل: لا مين قال ,, خلينا نروح للمصممه الي بفانتيل ,, تصاميمها روعه وماتطول ساره: امممممممم طيب ايش رايك نمرها بكره مشاعل: اوكي اتفقنا ,, متى تمريني؟؟؟ ساره :انشالله بعد المغرب مشاعل: اتفقنا مو تنسين ساره: اوكي ميشو ساره كانت بطريقها للبيت ,,, شافت طبعا واحد ورقمها كان معاه مرسيدس (شبح)قديم شكله من 200 سنه قالت خليني اخذ رقمه اضحك عليه وعلى سيارته 000000000000000000000000 نجود: ياقلبي لو اخرنا الزواج شهر زياده ماراح يضرنا,, اختك يامشعل تعبانه مشعل: بس ياقلبي انا مشتاق لك وودي نتزوج اليوم قبل بكره,, وماظن مشاعل راح تتضايق نجود: طيب حبيبي عندي حل يرضينا كلنا مشعل: الحقيني به نجود: نلغي الحفله ويكون زواج عائلي في بيتنا ,, اهلي واهلك مشعل اعجبته الفكره: والله حلو ,,, بس نجود هذي ليله عمرك واكيد ودك تفرحي فيها نجود: لا ياحبيبي اهم شي اني اكون معاك وصدقني لا الحفله ولا الناس ولا صاحباتي الي راح يجوا بيقدروا يسعدوني ,,,, اهم ماعندي انك تكون مبسوط ومرتاح,, واذا الحين ماقدرت ضروفك متى راح اقدرها ,,, عموما لاتهتم لموضوع الزواج لانه مايشكل اهميه بالنسبه لي مشعل ابهره تفكير نجود والي يدل ع عقل كبير وقلب محب ,,, وحمد ربه ع انه ارسل له زوجه صالحه تخاف عليه وتهتم لمشاعره 00000000000000000000000 مشاعل وصت الخدامه تجهز لها بعض ملابسها عشان تنقلها بيت ام مشعل واتجهت لبيت ام مشعل مع الخدامه,, كانت تحس بسعاده لانها بتفارق الشريره ام سلطان دخلت بالصاله ,,, سمعت صوت التلفزيون ,,,بس ماتدري من الي عنده ,,, استحت تسال مين دخلت بهدوء وطلعتها الخدامه بالدرج متجهه لغرفتها,,وهي بنص الدرج ,,,, حس فيها اخيرا الشخص الي كان عند التلفزيون , واضح انه كان منسجم مع الفلم سعود: اهلين ميشو متى دخلتي ماشفتك؟؟؟ مشاعل: من كثر الانسجام بالفلم مشالله عليك سعود : معليش انا طالب فلم ع الشوتايم مره حلو ميشو لايفوتك((تذكر انها ماتقدر تشوفه وسكت)) مشاعل حاولت تبين لسعود انها ماتضايقت وانها متحمسه معه: قول لي ايش اسم الفلم اكيد شفته لاني احس ان افلام الشوتايم كلها شفتها سعود: امريكان ويدينق مشاعل : ههههههههههههههههههه ,,, ايه شفته قبل سنه مررره يجنن سعود: قهر ميشو تتذكري كان معروض بالسينما وقلت لك انتي ومشعل خلونا ندخله شكله حلو ,, قلتوا لا شكله خايس ,, ومارضيتوا ندخل,, والحين تقولي حلو مشاعل توهقت: ايه احيانا المظاهر خداعه سعود : هههههههههههههه صرفيها ,المهم ميشو خلاص راح تنورينا هنا مشاعل: اذا تبي ,, واذا ماتبيني ترى عادي اطلعك واجلس انا ههههههههههه سعود: ايه هذي اختي الي اعرفها وقحه وماتثمن كلامها مشاعل كان ودها تمسكه تنتفه,,, ع الاقل ارتاحت نفسيا لما طلعت من بيت الجنيه ام سلطان 00000000000000000000000000 في بيت منال منال كانت تدخن ,,, وكان عندها ماجد ووليد وليد: منوله ايش قصه صاحبتك هذي مسويه عاقله ,, خليها تطلع معانا منال: والله هالبنت اشك ان فيها حاله نفسيه ,,, لاهي المطوعه الي ماتكلم شباب ولا هي الفري الي تطلع مع شباب,,, بصراحه غريبه وليد: المهم شوفي لها حل ابي اشوفها منال: ماعليك انا بدبرها لك ,,, مالك الا تكون هنا وانت موجود وليد: بس مو تغصبيها او تجبريها ابيها برضاها منال: ههههههههههه ايش رايك انها هي الي راح تدق عليك وتقول لك تعال وليد يضحك : ادري فيك داهيه ومافيه شي بعيد عليك منال: اقول مجودي ترى الاسبوع هذا مابي اشوف خشتك ماجد ترك المعسل الي بفمه: ليش حبيبتي ,,, ايش حصل مني؟؟؟؟؟؟ منال: ماحصل شي بس ماما راح ترجع بكره ماجد بطفش : اف متى انشالله بتسافر مره ثانيه منال: مدري عنها ,,, عادي ليش ماتكون جمعتنا في بيت وليد كانوا يعتبرون منال واحد من الشباب يجوا يسهروا عندها ,,, ومعسل ودخان وطلعات فله ع قولتهم مجانين ,,, يحبوا الاستهبال ,, وكانت منال مهبوله مثلهم تحب الفله وليد : مجنونه لا ياحبيبتي الشايب عندي ,,, وقبل ماينام لازم يدخل مجلسي ,, تخيلي دخل ولقاك ترى صدقتي انك واحد من الشباب منال: اف مليت منكم دايما ضافتكم((نادت الخدامه تجيب لها المعسل حقها)) الخدامه: مافيه كلاص امس انا كلام انتي منال طفشت هذا وقته يخلص منال: ماجدوه قوم جيب لي معسل ماجد: وليد قوم جيب اصغر القوم خادمهم منال: اصغر القوم مين انا اصغركم وليد ضحك: اجل انتي روحي جيبي منال: ياحوش قوموا تحركوا ,,, روح جيب لي معسل تفاح وليد : والله ماروح اذا بطلع من هنا بروح للبيت ماجد: خلاص لاتزنين بروح 0000000000000000000000 ساره كانت تفكر تدق ع الي رقمها اليوم بعد ماقفلت من ميشو ,,,, كان قروي وسيارته قديمه قالت خليني اوسع صدر معاه لحد مايدق احمد عز اقصد وليد ساره بدون نفس: الو القروي: هلا بهالصوت ساره: شلون هلا بهالصوت وانت ماتعرفني ليش انت مشفوح؟؟؟ القروي: انا اقدر الاصوات الحلوه ساره: اقول اخلص ايش اسمك القروي: محسوبك غالي ساره: هههههههههههههههههههههههههههههههههههه غالي قفلت معاه ايش الي يضحكها: ليش تضحكي ساره:ههههههههههههههههههههههههههههههه غالي: بتطولي تضحكي؟؟؟؟ ساره: لابس حسبتك رخيص ,,, اقول ابوك فرعون؟؟؟ غالي مستغرب: ايش دخل فرعون؟؟؟ ساره: لاقلت يمكن ابوك فرعون وشاري لك هالسياره في عهد الفراعنه لاني الحين ماشوف هالسياره انقرضت من ايام الفراعنه ههههههههههههههههههههههههه لا واسمك غالي بما انك غالي ,, بيع نفسك واشتري سياره جديده غالي: ليش تبيني استأجر سيارات وادور بالتحليه عشان البنات يفكوا معاي ساره: محد قال استأجر سياره غالي: لاقلت يمكن مثل خويك الي كان يكلم بالتحليه ,,, ترى ع فكره سيارته مأجره مو تحسبين ان البي ام حقته ساره انصدمت شلون شافه وشلون عرف ان السياره مأجره ساره: كيف شفته؟؟؟ غالي: انا كنت وراك من زمان بس انتي مو معبرتني ساره : وكيف عرفت ان سيارته مستأجره؟؟؟؟؟؟؟؟؟؟؟؟؟؟؟؟؟؟؟؟؟؟؟؟ غالي: معروفه هالسياره عند الشباب يستأجروها ويدوروا فيها لوحتها معروفه ساره انصدمت ليش يستاجروا السياره وانصدمت اكثر ليش ماقالت لها منال قفلت منه ودقت ع منال منال لما دقت ساره عليها كان عندها وليد وقالت له يسكت منال: هلا سارونه حبيبتي ساره:هلا وغلا ,, هاه كيفك بعد الشنب والسكسوكه؟؟؟؟ منال: هههههههههههه والله فاتك ,,, تعالي ايش رايك بكره نطلع انا وياك ناخذ لفه ساره تذكرت انها مواعده ميشو ساره : لاخليها بعد بكره ايش رايك منال: ولا يهمك ساره: منوله كنت بسالك ,,, السياره الي كنت فيها اليوم حقت مين؟؟؟ منال: مستأجره ارتاحت ع الاقل منال ماكذبت عليها ساره: وليش مستأجريها؟؟؟ منال: حبيبتي مجودي ولد ناس ومايبي يدور بسيارته ,,, خايف ع سمعته ساره: اها منال : المهم لاتتهربي ترى وعدنا بعد بكره ساره : اوكي 0000000000000000000000000000000000 تحاول تركز وتحسب عدد الخطوات الي لازم تمشيها ع شان توصل لسريرها تقريبا 7 خطوات ,, ترجع مره ثانيه من السرير للباب ,, نفس الشي 7 خطوات ,,, اما الحمام وانتم بكرامه ماكان عندها فكره كيف توصله ,,, حاولت تركز ع عدد الخطوات والاتجاه الصح الي لازم تسلكه ع شان توصل للحمام ,, ظلت طول الليل تمشي رايحه وراجعه ,,,, تحاول تتعايش مع عالمها الجديد ,, وتحاول تتعرف ع المكان ,,, عشان ماتحتاج لاحد تعبت وحاولت تنام ,,, ولاول مره من اول ماصار لها الموقف مع طلال,,, نامت بدون ماتفكر فيه حست ان طلال بدا يختفي من حياتها والاهم انه بدا يختفي من قـــلــــــــــــبــــهــــــا 0000000000000000000000000 يوم الاثنين بحدود الساعه 2 الضهر كان مشعل بالصاله مع ام مشعل مشعل: يمه نجود مصممه ع ان الزواج يكون عائلي ع شان مشاعل ام مشعل:والله هالبنت كبرت بعيني زود ,,, مشالله عليها صدق حرمه ,,, فعلا امها عرفت تربي مشعل بفخر: ايه والله يمه بصراحه لو لفيت الدنيا كلها ماراح القى مثلها ام مشعل: اكيد ماراح تلقى ,,, مستحيل وحده تستغنى عن حفله زواجها عشان اخت زوجها والله البنت طلعت كفو مشعل: ايه يمه بس اصحي مشاعل تحس بشي ,,, ترى لو درت اكيد بتتضايق ام مشعل: طيب اذا سالتني ليش راح تلغوا الحفله؟؟؟ مشعل: يمه قولي لها اهل نجود مارضوا انصدموا لما سمعوا مشاعل تقول: ومو حرام تكذب يامشعل,, ولاهو حرام تكسر بخاطر نجود عشان سبب انت الي خالقه مشعل ارتبك : اااااا ......... ميشو ........نجود هي الي ........... ماتبي زواج مشاعل: حتى لو ماتبي,,, انا بقول لك كلمه واتمنى تسمعها زين,, لو انلغت الحفله ,, سواء منك او من نجود ,,, اعتبرني مو اختك ,, ولاتفكر حتى انك تكلمني مشعل: بس ميشو خلاص الغــــ قاطعته مشاعل: مشعل خلاص انا قلت لك الي عندي ,, زواجك بعد 3 اسابيع من اليوم واذا ماسويت الحفله انا راح اطلع من بيتكم,,, وارجع لبيت ام سلطان وماراح تشوفني ابد,, ولو شفتني راح اتجنب اتكلم معاك مشعل: طيب اسمعيني مشاعل: الموضوع انتهى ,,, مشعل روح كلم نجود وقول لها لاتسوي شي ولاتلغي شي ,,, اذا تبي رضاي 00000000000000000000 دقيت عليك ابي اتطمن ع ميشو من زمان ماسمعت صوتها ,,, قالها حسين ساره: والله ع حالها مافيه جديد حسين: طيب ماعندها موبايل ودي اسلم عليها ساره: حسين ميشو تغيرت كثير,,, ماصارت تكلم حسين: ايه بس هي تركت طلال ساره: ادري,,, بس هي تقول مابي اغضب ربي ,,, وتقول ان الشباب كلهم كذابين ,,, وانها ملت عيشتها القديمه ومستحيل ترجع لها حسين: يعني مافيه امل اسمع صوتها ساره: لا اكيد فيه امل وحصه بعد حسين تحمس: شلون ساره: بالحلم ياشاطر حسين: اف منك ,,, اقول ماودك ربي يهديك انتي بعد وتتركي هالمغازل,, ترى ريحتك فاحت ساره: اسكت بس ,, قال ايش قال ريحتي فاحت ,, اصلا انا لما اكلم ماعلمهم اسمي الحقيقي حسين: ايه بس انتي تطلعي بسيارتك ,,, وسيارتك باسمك ساره جد راحت عنها هالفكره: اقول مو انت كنت تقول لي ماراح ادق عليك ,, ليش دقيت؟؟؟ حسين: اي والله نسيت ,,, الا تعالي ايش سويتي بموضوع طلال ساره: ابد سالت عن الاسعار وصارت نااااااااااااااااااار حسين : ايه احسن اتركي عنك بس هالخرابيط ساره: والله حاليا الاحوال الماديه زفت ,,, فيه طفره ,,, يعني انا ع الحديده هالايام,, وامي صاكه ع الفلوس هالفتره ,,, تدري سفرتنا قربت ولازم نقتصد عشان مصاريف السفر,, ولاتنسى زواج اخو مشاعل وزواج فهده ,, يعني لازمني فساتين ولازمني اروح للصالون وكل هالاشياء تبي فلوس حسين: ساره مدري ليش احس انك تلمحين تبي فلوس,, اسمعي ترى انا ولد فقر ساره: وووووووووع ماتسلفت الا منك ,,, اقول باي بس جاني خط طوط طوط كان طبع ساره نادر ماتقول باي ومو غريبه انها قفلت بوجه حسين 000000000000000000000000 0000 في بيت ام سلطان فهد:سلطان اشتقت لميشوو وانت؟ سلطان : ايه باحاول اقنعها ترجع ام سلطان:اقول انطمو وش هالخرابيط هي راحت وما تبي تجي اسمع واحد يقولها شي فهد:اوووووووووه ام سلطان:عيب لاتقول لامك اوه هذى كله من جلستك مع مشاعل خربتك .................................................. في اليوم الي بعده كانت مشاعل لابسه وتنتظر ساره في بيت ام مشعل مشاعل: تراني طالعه الحين ام مشعل:وين ياحبيبتي بتروحين؟؟ مشاعل:بتمرني ساره بدور فستان لزواج مشعل وصاحبتي فهده ام مشعل:ياحبيلها هالساره طيب حبيبتي خذي الخدامه معاك مشاعل:اوكي ام مشعل:خذي موبايلي ع شان اذا قلقنا عليك نتصل مشاعل:لاخل موبايلك الخدامه معاها موبايلها دقي عليها ام مشعل:في امان الله ودخلت الخدامه تقول ان ساره وصلت وطلعت مشاعل مع الخدامه وركبت السياره مشاعل:السلام عليكم ساره:وعليكم السلام,,,,,, ايش اخبارك مشاعل:تمام انتي كيفك ساره:الحمدلله السواق:فين روووه مدام؟؟ ساره:روح لفانتيل الي في طريق الملك عبدالعزيز السواق:هادا جنب اكسترا ساره:ايه اخلص بس روح هناك ودق جوال ساره ساره:الووو وليد:هلا قلبي ساره:هلا وغلا كيفك وليد:الحمدلله,,,انتي كيفك؟ ساره:بخير وليد:وينك قلبي بمر اشوفك ساره:لا مااقدر وليد:ليش حياتي وربي واحشتني موووووت ساره:لحقت!!! وليد:انا اشتاق لك وانتي جنبي كيف اذا بعدتي عني اصلا انا اغار من عيوني لانها تطالعك ساره وهي مستحيه وخااااااااقه:طيب انا اكلمك بعدين وليد:ليش قلبي؟ ساره:انا عند المحل بنزل وليد:اوكي باي وانتبهي لنفسك,,,وباقرب وقت ابي اشوفك مررره وحشتيني ساره:باي ونزلو وراحو للمحل وساره عانت الامرين الاول اختيار فستانها والثاني اختيار فستان لصاحبتها ميشوو واختارت ساره فستان لها عباره عن قطعتين بنطلون شيفون يغطيه فستان قصير ممزوج بالالوان المتناسقه اما مشاعل فاختارت لها ساره فستان ناعم قصير من قدام وطويل من ورا وكان قماشه حرير ولونه اسود وعليه بغض السترس الذهبي وفي السياره ساره: ايش رايك نروح لصالون نحجز مشاعل:يله وراحو صالون الملتقى وكان مره زحمه وحجزوا عند مدام تريزا ع شان تجيهم بيت ساره لانه الاقرب للقاعه الي راح تتزوج فيها فهده وطلعوا من الصالون,,,,واتجهو الى شارع العليا,, كانوا يفكروا من وين يشتروا فستان زواج مشعل ساره: ميشو ايش رايك نمر المصممه ميسون والا المصمم بدوي مشاعل:مو انتي رايحه العليا نروح بدوي اقرب ساره:اوكي ............................................. وعند صالح صالح:اقول متعب وش رايك بالي كاتبه انا ورا سيارتي متعب:ايه حلوه وراك كاتب لعيون سلطان؟؟؟وين راح مشاري؟؟ صالح: ولا زمان اول كلن قام يخون متعب :طيب وش رايك نهجول بشارع القراطيس؟؟ صالح:لا يارجال وش رايك نروح العليا في راس امي اهبل بدوريه اليوم متعب:والله شكلك بتجيب العيد انت وهالمهايط صالح:اقول انت رجال ولا لا؟؟؟ ما خبرتك ذروق وخواف؟؟؟ الرجال يقول قدام ع كل شي متعب:افا والله يابو انا راعيها ويلعن ابو الكوره بعد صالح:ايه خلك رجالن تكانه موب خكرين قاعد وراحو العليا يفحطون عند الفيصليه 000000000000000000000000 ساره: تسمعين صوت هالتفحيط؟؟ مشاعل:ايه الله يهديه ساره:شوفي مرو من عندنا ,,, اصبري اصبري كأنها سياره اخو فهده!! مشاعل:والله ايش دراني ,,, وانتي ايش عرفك بسيارته!! ساره:لما جتك فهده شفت كامري اخوها لونها اخضر فاتح مشاعل: الله يعين امه اذا كان هذا صالح ,, مسكينه ماتستاهل ولدها الوحيد ساره: ماعلينا ميشو ايش رايك ننزل المحل |
رووووووووعه حبيبتي يلا كملي
|
في سياره صالح
متعب: صويلح شف شف السياره الي جنبنا الكدلك فيها بنت بازعه ماتغطت صالح: ايه يازينها زيناه تهبل تصرع متعب: ماخبرتك تحب البنات ميولك ثانيه صالح: ياخي لازم نفكر بالاستقرار ,, ودي اعرس متعب: اف اف تعرس مره وحده صالح: اقول ايش رايك تشطف جنبهم ,,, ننطل عليهم النمره ,, بس جوالي مافيه رصيد متعب: ليت معانا اخوي عبدالعزيز عنده هالبلوتوث الي طايحين فيه صالح:اصبر اصبر شف سواقهم يازينه زيناه متعب: المهم خلنا نروح مقهى الشلال نضرب لنا كم راس شيشه صالح: لايخوي اليوم فيه جلسه طرب متعب : سرينا هناك,, بس مين بيغني هناك وين فيه صالح: في الروضه واظاهر الي يغني يا ظافر يابو فيصل متعب: قدام 0000000000000000000000000000 كانت مشاعل وساره يسمعوا المصمم وهو يشرح لهم ويتكلم عن الموديلات وعن الاقمشه وعن الاسعار وعن الستايلات الجديده مشاعل قررت تاخذ فستان ع حسب وصف ساره لها مره اعجبها ,, وكان ينفع لزواج اخوها مشعل ,, وكان سعره 9 الاف اما ساره اخذت فستان حلو وكيوت وكان سعره 5 الاف بعد ماطلعوا كانت ساره متحمسه تبي تشوف صالح ع امل انه يرقمها وتكمل خطتها بس للاسف اظاهر انه مادرى عنها ,,, قبل لاتوصل ساره مشاعل لبيتها طلبت منها مشاعل تمر ع محل اشرطه اسلاميه مشاعل تقول للسواق: لو سمحت قول للي يبيع يعطيك القران كامل بصوت الشيخ ناصر القطامي السواق: ابشري ساره مصدومه: ايش تبي فيها مشاعل: تعرفين وضعي الحين سارونه,,, ودي اقرى قران وماقدر,,, احسن حل اني اسمعه وبعدها وصلت ساره مشاعل للبيت ورجعت لبيتها 00000000000000000000000000 كانت الحفله الي حظرها صالح ومتعب فيها ظافر,,, والحفله زحمه وكلها شباب ورقص وكان صالح ومتعب فالينها مع الاغنيه الي غناها ظافر والي ذكرتهم بهمومهم وهو فنان مشهور باغاني الكسرات والي صالح مدمن عليها وكلمات الاغنيه تقول يااهل الروضه اسمعوا الاعلان كسرات ظافر يغنيها ظافر ترى بطل الورعان تكفي سنين مضت فيها ياليت ياحبيبي مارحت محبتي كيف تنساها مريت دار الوليف وصحت ابكي ع ايام عشناها احط غتره واحط عقال وامشي مع ناس حونشيه البنت ماتنبغى بريال والورع نسوقه بالميه احرق زقاير واحرق كنت واحرق مع الكنت مارلبورو كلن تزوج وخلف بنت وانا مع الورع سهاري الله واكبر عقب ماكنت طالب وماصه قدامي واليوم جندي وحالي زفت وان غبت يخصم من ايامي الله واكبر عقب ماكنت طالب وقدامك الماصه واليوم تحرق زقاير كنت واول حلاوه ومصاصه خلي هجرني وخلي كان في القلب ياكبر ميزانه كانك ع بعدنا شفقان قلبي يبي يشوف خلانه ناصر حبيبي عليك اشكي ناصر وبالوقت كاويني لاغاب ناصر جلست ابكي مين غير ناصر يداويني حي الروضه انا مريت من جنب ناصر وعبدالله ناصر كما الكهربا بالبيت والنور كله بعبدالله حي الروضه بعد روحي من شان ناصر سكن فيها وان كنت ياصاحبي توحي وجروحي منهو يداويها اكتم الم واكتم الهوجاس بين العرب كني لحالي وان جيت بسلى مع الجلاس يطري خيالك ع بالي خرمان ياعالم خرمان ابي زقاره تنسيني والا وايت من لبنان تمد ليه وتسقيني شربت لاجلك كثير سموم يمكن مع الشرب انا انساك قالوا شراب يزيل هموم وكل مااشرب انا القاك خالد اتعبتني بالشرب راحت حياتي وانا اشرب مالي رجاوي ولالي طب عذبتني يوم تتهرب سبحان من صورك يازين وخلاك تثقل ع ظافر تمشي مع ورع اسمه حسين والله خساره يابو عامر من عاش في شلته ورعان هذي مشاكل يعانيها معروف ماتشتعل النيران الا ع رجل واطيها مقهور ياصاحبي مقهور قلبي في بحر الشقا عايم ياقلبي صبرك ع مايصير خل الصبر عادتك دايم خلودي بالصد جنني وافضل الموت من دونه ااشر بعيني ويفهمني وكل المزايين يفدونه خالد له عيون فتانه تسهر وانا ظافر المجروح الحن واغني عشانه والقلب في حبهم مجروح 000000000000000000000000 يوم الاثنين كان وقت الغداء ,,, مجتمعين مشاعل ومشعل وسعود وام مشعل وابو مشعل مشاعل: بابا بعد اذنك ودي واذن خالتي ام مشعل ودي اعزم بنات عمي من زمان ماشفتهم ((كانت مشاعل مقصره معاهم ,, ونادر ماتزورهم او تحظر اجتماعاتهم ,, كانت مشغوله بامور حياتها,, ويمكن وفاه امها خلتها تبتعد عن كل الناس ,, لان دايما البنت تتبع امها ,, واذا مافيه احد يعينها ع صله الرحم ,,, مستحيل بتوصل بهم)) ابو مشعل: الله يحييهم ,, وانا بعزم اخوي ابو تركي من زمان ماجاء ,,, وانتي يا ام مشعل اتصلي ع ام تركي واعزميها ترى من زمان مادخلوا بيتنا ام مشعل: والله لي اسبوعين وانا احاول في ام تركي يجونا مو راضيه تقول مشغوله مع العيال بس اذا اتصلت عليها مشاعل اكيد ماراح ترفض لها طلب مشاعل : انشالله اليوم اتصل عليهم واعزمهم 00000000000000000000000 في بيت ساره تذكرت ساره انها واعده منال تطلع معاها وقالت بدق عليها اشوف اذا كنسلت منال: هلا والله بالغلا كله ساره: هلا حبيبتي مره وحشتيني ,,, هاه كيفك اليوم منال: زفت ساره: ليش؟؟؟ منال: امي وصلت من السفر ساره منصدمه: المفروض تفرحي منال: لاياشيخه ,, اذا جت ماتخليني اخذ راحتي,, لادخان ولا معسل ولامجودي ساره : حرام عليك هذي امك تقارنيها بهالاشياء التافهه منال: اقول روقينا ساره: الا تعالي انتي قلتي لي ان ابوك ماشفتيه من 3 سنوات ؟؟ ليش مسافر هو منال بكل بصاطه: لا ميت ساره انحرجت : الله يرحمه منال: عادي وسعي صدرك ساره استغربت اسلوبها : عموما حبيبتي اكيد انتي اليوم مشغوله مع امك ,,, خلينا ناجل الطلعه يوم ثاني منال: لااااااا ,, ايش الي ناجل ساره: امك توها واصله لازم تجلسي معاها منال: اقول بس لاتسوين اخلاق,, اسمعي راح امرك انا 8 اوكي ساره: اوكي منال: اتفقنا مو تتاخري علي وتلطعيني برا ساره: لا اوكي 8 يعني 8 0000000000 مشاعل دقت ع بنت عمها الجوهره مشاعل:هلا جوجو ,,, كيفك حبيبتي الجوهره:هلاااااااااااااااا وغلاااااااااا بميشووووووووو,,, والله انا بخير,,,, كيفك انتي وربي,,,,, لك وحشه يالدبا مشاعل:الحمدلله بخير,,,حتى انتي مرررررررررررره واحشتني,,,, من بعد الدي جي الي هذيك المره ما ادري عنك الجوهره:اتني الي قطعتي من بعده شكله ماعجبك مشاعل:الا والله كان مره يجنن الجوهره: اخيرا تذكرتينا مشاعل: انا مانسيتكم ع شان اتذكركم الجوهره: تسلمي ياقلبي,,, اقول تصدقي واحشتني شرايك تجي اليوم عندنا مشاعل: لا انا الي متصله اعزمكم ع العشاء ,, لاتقولين ماتقدرون تجو الجوهره : واحنا نقدر نرفض لميشو طلب,,, بس ايش المناسبه مشاعل: بدون مناسبه,,, والله واحشيني الجوهره: ياقلبي تسلمي ,, عموما بقول لامي وانشالله راح نجيكم ................................. كانت جاهزه 7 ونص وتنتظر منال ام ساره: هاه حبيبتي طالعه ساره : ايه ماما طالعه مع صاحبتي منال ام ساره: غريبه اول مره اسمع بها ساره: ماما هذي واحده اعرفها ايام الثانوي بس علاقتي فيها مو قويه مره ام ساره: طيب حبيبتي انتي تثقي فيها ع شان تطلعي معاها ساره دق موبايلها كانت منال الي داقه اكيد وصلت ساره: ماما صاحبتي وصلت ,, عموما انا لو مو واثقه فيها ماكنت طلعت معاها ام ساره: بحفظ الله ساره: باي ماما طلعت ساره وركبت مع منال والي كانت سيارتها جمس ساره: هااااي منوله منال: هايات ساره التفتت ع بنتين جالسات جنب منال ,, كانوا متلثمات وحده منهم عيونها تجنن وحواجبها مرسومه من الله ,, كانت رسمه حواجبها تجنن ,, ومبين عليها انها مو محددتها او لامستها حتى مبين انها طبيعيه ,, اما كحل عيونها يجنن راسمته باتقان ,, بس بحكم خبره ساره بالميك اب حست انه يبي له تعديل شوي اما البنت الثانيه كانت عيونها كبيره بزياده ,,كانها وحده توها صاحيه من النوم ,,, وكان الفون ديشن حقها مره كثير ,,, وكمان الكونسيلر طبقات وكانها حطته بملعقه مو بيدها,, هذا غير الشدو والاي لاينر الي زايد حجم عيونها ,, كان المفروض تحط شدو غامق ع شان يعطي لعينها حجم اصغر من ماهي عليه ,,,, كانوا هادين وساكتين ,, حستهم غامضات وغريبات منال: ميشو هذول صاحباتي قالوا حنطلع معاكم ,,, ترى مره حبوبات ساره: هلا فيكم البنات الغامضات: هلا سويره انصدمت ساره لسببين الاول انهم يمونون يقولوا لها سويره,, والثاني اصواتهم مافيه ذره النعومه كانت اصوات شباب طالعتهم بصدمه ,, فيه صوت عرفته زين ,, صوت مبين عليه فيه لحميه,,, هذا صوت وليد شالوا اللثمه ,, وطلعت الشنبات ساره انصدمت ايش مسوين بنفسهم هذولا المجانين |
الجزء الرابع عشر ساره التفتت ع بنتين جالسات جنب منال ,, كانوا متلثمات وحده منهم عيونها تجنن وحواجبها مرسومه من الله ,, كانت رسمه حواجبها تجنن ,, ومبين عليها انها مو محددتها او لامستها حتى مبين انها طبيعيه ,, اما كحل عيونها يجنن راسمته باتقان ,, بس بحكم خبره ساره بالميك اب حست انه يبي له تعديل شوي اما البنت الثانيه كانت عيونها كبيره بزياده ,,كأنها وحده توها صاحيه من النوم لوووووووووووول,,, وكان الفون ديشن حقها مره كثير ,,, وكمان الكونسيلر طبقات وكانها حطته بملعقه مو بيدها,, هذا غير الشدو والاي لاينر الي زاد حجم عيونها ,, كان المفروض تحط شدو غامق ع شان يعطي لعينها حجم اصغر من ماهي عليه ,,,, كانوا هادين وساكتين ,, حستهم غامضات وغريبات منال: ساره هذول صاحباتي قالوا حنطلع معاكم ,,, ترى مره حبوبات ساره: هلا فيكم البنات الغامضات: هلا سويره انصدمت ساره لسببين الاول انهم يمونون يقولوا لها سويره,, والثاني اصواتهم مافيه ذره النعومه كانت اصوات شباب طالعتهم بصدمه ,, فيه صوت عرفته زين ,, صوت مبين عليه فيه لحميه ,, هذا صوت وليد شالوا اللثمه ,, وطلعت الشنبات ساره انصدمت ايش مسوين بنفسهم هذولا المجانين ساره:وليد!!!!! وليد ميت ضحك :هلا ساره كيف اللوك الجديد ساره:..................... وليد:وش فيك منصدمه عادي تيكت ايزي ماجد:اقول فكونا وين بتروحون الحين!!! ساره:فكنا انت ,,, اسفه انا اخاف اركب مع عيال ماجد وهو يقلد صوتها:لا حبيبتي احنا بنوتات كيوت ولا خايفه نغطي عليك ونشطب ع العيال ترا سوقي ماشي هاليومين ههههههههههههههه منال:اقول ايش حبيبتي انت بتتكفخ اليوم ساره:الله يرجكم مره تحولون البنت ولد ومره الولد بنت ههههههههههه وليد: ياعمري ع الرقه ,, مو مثل منيل المسترجله ((ويقلد صوت منال )) بتتكفخ منال ضربته بموبايلها ع جبهته وليد: اااااااااه ,, لو سمحتي الا الجبهه لا يتاثر الميك اب ساره: طيب ايش الحكمه من هالشي الي تسووه؟؟؟؟ ماجد: ابد نبي نسحب العيال ع وجيهم ونجرهم ورانا وبعدين نكشف ههههههههههه ساره: هههههههههههههههههه وربي انكم شله مجانين ,, شله حسب الله وليد وماجد ومنال :ههههههههههههههههههه وخذوا لهم لفه بالتحليه ,, ع العليا , ع الثلاثين ,, ع التخصصي ,, حتى طريق الملك فهد ماخلوه,,, وجروا وراهم بشريه ,,, وخاصه وليد كان نجم السياره ,, كل الشباب خقوا مع عيونه ورقموه,,, وبعد هاللفه الطويله ,,, اخيرا قرر ماجد ووليد انهم يكشفوا ,, ويصدموا الشباب الي انفتنوا فيهم,, وجت اللحظه وليد: ماجدوه اسمع لما اقول لك شيل ع طول طلع الشنب اوكي ماجد: اوكي بس خلنا نبدا براعي الفورد الي جنبنا شكله حبك وليد : حبته جنيه صفراء مالها سنون ماجد: عن المصاله يله ترى فطست حر,, مدري هالبنات شلون يستحملون هالطرح وليد: اوكي ركز 1 - 2 - 3 شــــــــــــيــــــــــــــل وكشفوا وبانت الشنبات الي كانت مخفيه تحت الطرح,, وطلع المستخبي والسكسوكات ومسكين راعي الفورد ,,, تحول من شاب يتميلح عند وليد ,, لشاب منصدم ووده يصطره انصدموا الشباب ,,, وارتفع ضغطهم راحت عليهم الصيده,, وقرروا يحدوهم وينتقموا منهم بس سواق منال متعود ع هالمواقف,, وبدا يطلع مهارته في السواقه ,, ويضيع البشريه,, بس فيه 3 ناشبين ومو قادر يضيعهم,,, وابسط حل والي متعودين عليه ,, ووقفوا عند دوريه وقالت له منال ان هالشباب يضايقوهم ,, وطبعا فزع معاهم الشرطي ووصلهم للبيت ,, بيت وليد ونزلت منال وساره وماجد ووليد في مجلس وليد لان الشايب ع قولته مو موجود 0000000000000000000000 مشاعل كانت لابسه ومتجهزه ع شان بيت عمها بيجون ,, وام مشعل كانت مشغوله مع الخدامات والطباخ ,, عشان القهوه والشاي والعشاء دخلت ام تركي مع بناتها الجوهره وغاده وخلود,,, دلتهم الخدامه ع الصاله الي كانت فاضيه دخلت ام مشعل: هلا والله وسهلا نور البيت يام تركي ام تركي: منور بوجودك ياام مشعل وبعد السلام ام مشعل للخدامه: روحي نادي مشاعل وقولي لها بنات عمك فيه ام تركي: والله يام مشعل لنا زمن ماجتمعنا ام مشعل: اي والله ,,, قاطعين ,,, بس ايش رايك نسوي دوريه كل اسبوع نزور بعض ام تركي: ياليت والله ,,, ع الاقل نشوف بعض هنا مشاعل نزلت بمساعده الخدامه ام تركي والجوهره وغاده وخلوه استغربوا ,, ليش مشاعل تنزل ماسكه يد الخدامه ,,, طبعا ماكانوا يعروفوا عن الي صار وصلت مشاعل لاخر الدرج الي كان موجود بالصاله دلتها الخدامه ع المكان الي جالسين فيه مدت يدها ام تركي تسلم ع مشاعل: هلا مشاعل حبيبتي شلونك مشاعل كانت ماده يدها تدور ع يد ام تركي هنا كلهم تاكدوا انها ماتشوفهم وبعد السلام ام تركي بتساؤل : سلامتك يامشاعل عيونك فيها شي مشاعل قالت لهم كل شي بس طبعا قالت انه حادث الجوهره وغاده بكوا ,,, اما ام تركي كانت قويه ,,, وخلود صغيره ماتدري الجوهره: طيب ميشو اكيد فيه حل روحي لاي دكتور غير الي رحتي له مشاعل: لا يالجوهره انا عارفه انه مافيه امل ليش اروح ووهم نفسي غاده: بس ياميشو مو معقوله انك ترضي بالهواقع من كلام دكتور واحد ع الاقل استشيري 3 دكاتره مشاعل : والله مدري اخاف يقولوا لي نفس الكلام واتحطم ام تركي: ادعي الله يامشاعل ,, ترى من رجى ربه ماخيبه مشاعل: ونعم بالله,, بصراحه مدري ايش اقول لكم انا محتاره ام مشعل هنا تدخلت: مشاعل احنا راح نوديك لاحسن دكتور بالعالم وساعتها اذا قال لك ماتنفع لك العمليه خلاص ماراح نفتح معاك الموضوع مشاعل: الي تشوفوه ام تركي : ايه الله يعافيكم ايش تنتظروا ,, والا خلوني اوديها انا وتركي ام مشعل: لا والله هذا ابوها سال عن دكتور قالوا انه زين,, وانشالله بيشوف مواعيده ونحجز عنده ونودي مشاعل 000000000000000000 ام فهده : اقول يا بنيتي قلت لصديقتي ام منصور تسوي مريقيقات وام محمد تسوي مريصيعات وام فهد تسوي جريشه وخلي صديقاتس يسون مطيزيزات وعصيده وكليجا صديقاتن ببلاش فهده:لا ياماما لاتخلي احد يسوي شي المطعم راح يتكفلوا بكل شي بعدين ايش مراصيع ومرقوق هذا زواج مو جلسه شعبه خلاص فيه بوفيه مفتوح ام فهده:لا انا صديقاتي موب يحبن الا اكل البيت اما خرابيط هالمطاعم منب نقبله يحوم التسبد((الكبد))وغالي ع غير سنع فهده:خلاص يا ماما كيفك كيفك ام فهده:اقول فهدوه قومي قومي اخوتس لصلاته بتفوته فهده:لا ياماما هو نايم اخاف يهاوشني ام فهده:والله ان مافيكن نفع يابني هالايام موب مثلنا في زمن اول نقرص القرصان ونحلب البقر ونخظ اللبن اجل انتن يابني الحين متمدنات ولا تنبغن وحتى كلامكن قمتن تغيرنه وتحتسن عنقليزي والله ان العربي وش زينه يالله من فضلك الجنه حتسي المسلمين موب عوكيه وموكيه فهده:ياربيه في كل شي انتقادات ولا يعجبكم العجب ولا الصيام في رجب صالح:وش فيكم ع صباح الله اسمع حتسيكم واصلن غرفتي ام فهده: اختك ماتبي مريقيقات ولامريصيعات بعرسها متمدنه صالح يلمس بطنه: يمه تكفين لاتشهويني بمريقيقتس وش زينها ,, ياليت من يشبع منها ام فهده: من عيوني بكره ارق لك ,, لاتخليها في نفيستك 000000000000000 ماجد: هاه سارونه نضمك لقائمتنا ساره كانت مرتبكه اول مره تدخل بيت واحد تكلمه,, بس الظروف جت فجاءه وماقدرت تعترض او ترفض لان الدوريه كانت وراهم وماودها ترجع لبيتها ووراها دوريه ساره: لا حبيبي اسفه ,,, منوله توصليني ابي ارجع للبيت تاخرت منال: اوكي حبيبتي ,, ارجعي مع السواق,, انا بجلس معاهم شوي وليد: لاحبيبتي انتي راعيه طويله,, واخاف ابوي يدخل منال: ياحمار تطردني وانا ضافتك ببيتي وليد: قامت تمن اقول بس ماودكم تطلعون ابي سارونه بكلمه راس ساره مرره خافت: لالا بروح انا تجي منوله معاي او ارجع لوحدي منال وساره كانوا بطريق البيت منال: سارونه هاه ايش قلتي بشلتي وليد ومجودي ساره: بصراحه كلكم مجانين منال: ههههههههههه ادري بس جنونا حلو ساره: من جد ,, والله انكم فله منال: طيب خلاص اذا طلعنا راح اقول لك عشان تطلعي معانا ساره: لا انا اخاف ع نفسي انتم ناس متهورين منال: براحتك انتي الخسرانه 000000000000000000000000000 طلعت مشاعل غرفتها بعد ماراحوا بنات عمها مشاعل في نفسها " خلاص انا مقدر اتحمل هالوضع كثير ,,, حاولت اكون قويه بس تعبت,, اكيد فيه امل للعمليه,,, ياليت ارجع اشوف,,, مليت من هالسواد الي ماشوف غيره, مليت ابي اشوف تعابير الناس ووجيهم,, اشتقت اشوف وجهي ووجه سارونه وكل صاحباتي واخواني ,, اااااااااه يالقهر ياليت الوقت يرجع ياليت وافكر مليون مره قبل اسوي شي مجنون افقد فيه اغلى ماعندي,,, تعبت من شفقه الناس علي , , تعبت من الاحساس بالضياع ,,كله منك ياطلال ,, ياليتني ماعرفتك ولاشفتك ,بس لازم اكلم ابوي يشوف لي اي دكتور,,, ابي ارجع اشوف خلاص مليت استغفرت ربها لان هذا قدرها وماتقدر تغيره صلت ركعتين ودعت ربها انه يشفيها ويرجع لها نظرها ,,, وبعد بكى وحزن واحساس بالضياع استسلمت مشاعل للنوم 000000000000000000000000000 وبعد اسبوع ,,, جاء اليوم الي تنتظره فهده بفارغ الصبر ,,, وهو يوم زواجها والكل كان مشغول,, فهده كانت مشغوله بالميك اب والفستان وتفكر كيف تكون الزفه وهل زواجها بيكون حلو اما مشاعل كانت في بيت ساره ينتظروا مدام تيريزا عشان تسوي لهم شعرهم ,,, وبعدها راح تجي روبي عشان الميك اب ساره: ميشو تصدقي اليوم مانمت كويس شكلي راح انام في الزواج مشاعل: هههههههه تخيلي تنامي وانتي ترقصي ساره: هههههههه رن الجرس ,, وجت الخدامه تقول ان مدام تيريزا موجوده,, اتفقوا انها تبدا بمشاعل اول وكانت تسريحه مشاعل مره كيوت ,, سوت لها شعرها كله ويفي ولمته ع جنب وربطته بشريطه ذهبيه اما تسريحه ساره كانت مرفوعه ولامه شعرها ع فوق وحطت لها اكستنشن ع شكل عمايل ولفتها ع شعرها 0000000000000000000 اما ام فهده كانت معصبه وناقده ع عمرها بعد هالعمر تحط ميك اب وتنتظر بفارغ الصبر المزينه تخلص منها ,, والمزينه طفشت منها بس تقول لها افتحي عيونك وقفليها مو عارفه ترسم الكحل من حركه ام فهده الي ماتخلص المزينه:شو بديك احط لك لون روج؟؟ ام فهده:الله لايهينتس انا ابي احط ديرم المزينه:شو ديرم هايدا ماركه جديده؟؟ ام فهده قامت وحطت ديرم المزينه مصدومه:شو هيدا لونوا بشع كتير ام فهده:وشو بشغ؟ المزينه:بشع يعني مو حلو ام فهده:يامال الحكه الي تصيبتس هذا الديرم وش زين لونه اجل ذا الاحمر الي لاطته فوق خشتس تقول ماكله كبدتن نيه؟ 0000000000000000000000000000 روبي المزينه كانت في الغرفه تزين مشاعل واللي كان الميك اب حقها عباره عن شدو اسود ممزوج بالذهبي والبلشر كان برونزي وبعد ماانتهت كان دور ساره ,, فضلت مشاعل انها تنتظر ساره بالصاله لما تخلص من الميك اب ويطلعوا لانهم تاخروا كانت الساعه وقتها 10 نزلت مشاعل للصاله بمساعده الخدامه ,, وكانت ام ساره بالصاله تتصفح مجله ام ساره: الله ميشو ايش هالجمال ماشالله عليك مشاعل انحرجت: تسلمي ياخالتي عيونك الحلوه ام ساره: بتغطي اليوم ع العروس اكيد مشاعل: لا بالعكس فهده ماشالله عليها مره حلوه ام ساره: ميشو ايش تشربي حبيبتي مشاعل: ولا شي خالتي ارتاحي ,,, احنا هناك بنطفش من الشرب ام ساره: طيب حبيبتي عن اذنك بروح اخذ لي بندول مره مصدعه,, مدري ايش فيني لي فتره راسي يعورني مشاعل: روحي للمستشفى ياخالتي يمكن السبب لاسمح الله الضغط ام ساره: يربيه ميشو فال الله ولا فالك ,, لانشالله مافيني الا العافيه بروح اخذ لي بندول وارتاح وانشالله يطيب مشاعل: اوكي خالتي ماتشوفي شر وطلعت غرفتها ترتاح,, استنت مشاعل ساره عشان يطلعوا وكانت الساعه11 ,, توجهوا للقاعه دخلت ساره ماسكه يد مشاعل ,,, وكانت مشاعل نجمة الحفل زي مايقولوا الكل يسال عنها ,, وكل الموجودين زعلوا ع شان ميشو ,, البنت الحلوه والانيقه ,,, مسكينه عمياء الكل كان يرقص وفرحان ,, الا ميشو ,, كان الرقص بالنسبه لها هوايه بس للاسف الحين ماتقدر حتى تتفرج عليه مشاعل :سارونه ايش رايك نروح نسلم ع فهده بغرفتها ,, يمكن محتاجه شي ساره: يله مشينا 0000000000000000 في بيت ام مشعل ام مشعل: يابو مشعل هاه ايش سويت بموضوع مشاعل ابو مشعل: حجزت عند الدكتور ,,, بس هو طلب مني مبلغ عشان يحجزوا لها غرفه ام مشعل: طيب ارسله ايش تنتظر؟؟؟ ابو مشعل: ماعندي سيوله الحين ,, انتي عارفه ان كل فلوسي في الاسهم والبورصه ام مشعل بصدمه: ومشاعل ابو مشعل: لاتخافي كلمت رجال اليوم عشان اسحب جزء من فلوسي بس قال ان السوق نازل شوي وبيرتفع هاليومين انشالله ,, وماودي اسحبها الحين ام مشعل: ونأجل موعد مشاعل ع شان كم الف راح تكسبها ابو مشعل: قصدك كم مليون,, المهم ماعلينا موعد مشاعل الشهر الجاي يعني بعد زواج مشعل باسبوعين والفلوس انشالله الاسبوع الجاي عندي ,,, يعني فيه وقت طويل ليش معصبه ام مشعل: الي تشوفه بس مشاعل لازم تسافر تتعالج ابو مشعل: لاتخافي ,, انا حريص عليها اكثر منك,, ومستحيل اخلي بنتي كذا بدون مااحاول ام مشعل:الله يكتب لها الي فيه الخير ابو مشعل: امين 000000000000000 ساره : الف مبروك عقبال البكاري ههههههههههههه فهده: الله يبارك فيك مشاعل: مبروك حبيبتي ,, منك العيال ومنه المال هههههههههه فهده : هههههههه اخاف مني العيال والمال ,, وهو يصير ضيف شرف مشاعل وساره: هههههههههههههههههههه فهده: عقبالكم ساره: امين مشاعل سكتت لانها خايفه انها ماتلقى الي يقبل فيها وهذا وضعها ساره تبي تقهر فهده : بصراحه شكلك يجنن ,, دايم انتي حوسه ,, اول مره اشوفك مرتبه مشاعل :ههههههههههههههه حرام عليك فهده عصبت : جايه عندي وتسبيني عمى انشالله مشاعل كان ودها تشوف صاحبتها فهده في هاليوم ,, وزاد عندها القهر والحماس للعمليه,, مستحيل تفوت ع نفسها مثل هالمواقف ,,,لازم تسوي العمليه حتى لو ماتنجح ,, المهم تحاول,,, اكيد فيه حل لها,, الطب تقدم وكان عندها امل كبير بالله ثم بالدكتور الي قال لها ابوها عليه 0000000000000000000000 منال: يا الله ياوليد تراك ذبحتني ,, خلاص قلت لك البنت راح تروح معانا وليد: بس كيف راح تقنعيها منال: خلاص ماراح اقول لها انكم معاي ,, راح اقول لها انا وصاحبتي وليد: وتتوقعي ماتزعل منال تغمر لوليد : الله بدينا نخاف ع زعلها ,, شكلنا بدينا نحب وليد: اي حب واي خرابيط ,, انا مو راعي حب ماجد : ههههههههه والله شكلك راح تصير خروف بيدها وليد يبي قهره: ليش تبيني اصير مثلك خروف بيد منوله ماجد: خروف بعينك ,,, انا ومنوله متفاهمين,, صح منوله منال بنعومه : ايه حبيبي , ,انا وانت مافيه زينا بالدنيا وليد: المهم منوله اخاف تقولي لها اننا بنروح للثمامه وماتجي منال: لا ماعليك انا راح امرها واجيبها عشان اظمن انها ماتنحاش ماجد:ههههههههههههه,, تنحاش منك ياوليد ههههه ماعندك خبره في البنات الي تخليك تعرف شلون انت الي تنحاش من البنات مو البنات ينحاشو منك هنا وليد حس انه الوقت المناسب الي ينتقم فيه من ماجد: طبعا انا ماعندي خبرتك في الغزل ,, ولااقدر اخلي البنات يلحقوني مثلك لاني جديد, مو مثلك معاك شهاد خبره منال عصبت: ماجدوه ايش جالس يقول وليدوه ماجد: هاه كلها الحين ياوليد منوله زعلت , ومافيه بكره طلعه مع ساره هههههههههههههههههه وليد خاف: لالا وربي منوله امزح معاك ,,,, والله الولد مؤدب وشاطر ويسمع الكلام 000000000000000000000 كان وقت الزفه ,, والكل ينتظر فهده تدخل ,,, وكانت الاضواء مصلطه ع المكان الي راح تطلع منه فهده ,,, واخيرا انفتح الباب وطلعت فهده , ,, ومشت بشويش وكانت القاعه مليانه بالناس وبعض المصورات والطقاقات والصبابات والكل كان يطالع فهده ,,, وبعض الناس كانوا ينتقدوا ملابسها العاريه والبعض يمدح ,, والبعض يسب بس فيه وحده جالسه وحيده ,, حزينه,,, في عالم منفصل,,, ماتقدر تعطي رايها في صاحبتها,,, تسمع ساره ومها وباقي البنات جنبها يتكلموا عن فهده ,, وعن فستانها ,, وعن مشيتها ,وياشرون لفهده ,, ويضحكوا ع بعض الحركات الي فهده تسويها لهم ,,,, الا هي ماتقدر تطالع صاحبتها ولا تقدر تشوف سعادتها ,, تمنت انها ماجت ,,, وانها جلست بالبيت بحسرتها,,, حزنت حزن ع نفسها يضاعف حزنها لما اكتشفت انها صارت عمياء فكرت كيف راح يكون زواج اخوها مشعل,, والي المفروض هي اخته الوحيده الي تكون فرحانه لزواج اخوها وترقص وتستقبل الناس ,, وتشوف اخوها لما يدخل,, تاكدت ان كل هالاشياء ماراح تقدر تسويها ,, حزنت ,,, ونزلت دمعه من عينها ,, خافت لاحد يحس فيها,, وتضايقهم في زواج اعز صاحبه لهم 00000000000000000000000000 اقول بس رجعوني البيت امي تدق , قاتلها منال لشلتها ماجد: بدري ياعمري خلينا ناخذ لفه منال: اي لفه ,, امي دقت علي كثير واخاف اتاخر ,, تسوي لي سالفه وليد: ماجد تكفى ودها للبيت اخاف امها بكره تصك عليها وماتخليها تجي معانا الثمامه منال: ايه طبعا مو عشاني عشان حبيبه القلب 00000000000000000000 بعد ماوصلت فهد للكوشه ,,, وبعد ماسلموا عليها الناس ,, جلست معاها ميشو وساره وتصورا معاها فهده: سارونه حبيبتي بطلي منك طلب ساره: امري؟؟؟ فهده: تعرفي الغرفه الي كنت فيها؟؟؟؟ ساره: ايه حبيبتي فهده: موبايلي هناك ,, اذا ماعليك امر ممكن تاخذيه وتحطيه بشنطتي الي عند الباب ,, لانه ماراح يمديني ارجع اخذه وماقدر اعتمد ع امي ساره حست انه الوقت المناسب ع شان تعرف رقم صالح: اوكي من عيوني كم عندها من فهده وراحت لمكان الغرفه الي كانت فيها فهده ,, وخذت الموبايل ودورت ع رقم صالح,,, وماتت من الفرحه لما لقته ,, خزنته عندها بموبايلها وحطت موبايل فهده بالشنطه 00000000000000000000000000000 |
وبعد مانتهى الزواج كانت ساره ومشاعل في الطريق للبيت
ساره: ميشو راح اطلب منك حاجه بس انك ماترديني مشاعل: قولي ساره: اول احلفي مشاعل: والله مااردك ساره : انا استاذنت من خالتي ام مشعل انك تنامي عندي اليوم,, وخلاص هي وافقت وانتي انشالله ماراح ترفضي مشاعل: ههههههههههههه ع كيفك ماشالله تخططي وتنفذي ساره: انتي حلفتي ماترديني مشاعل تبي تقهرها: اف يله مع اني ماودي بس ايش اسوي حكم القوي ع الضعيف دخلوا البيت وكان البيت فاضي لان ام ساره نامت وابوها توه راجع من السفر ونايم ساره: ميشو قبل نغير ملابسنا انا ميته جوع بصراحه الاكل هناك مو حلو كله اكلات شعبيه وانا ماحبها,, ايش رايك اسوي لنا سندويشات مشاعل: مو قبل مانغير لان هالفستان احس انه خانقني ساره: يالله منك ياميشو بس شوي راح اصلح سندويشات بسرعه واجيك نطلع فوق نغير وناكل مشاعل بطفش: طيب لاتطولي ترى اذا طولتي راح اطلع فوق لوحدي ساره عارفه ان مشاعل ماتسويها خاصه ان ابوها موجود تخاف تدخل غرفته وهنا ميشو كانت بالصاله لوحدها ,,, تنتظر ساره تخلص من السندويشات سمعت صوت احد يدخل الصاله وخافت يكون ابو ساره فجاءه الشخص الي دخل سكر عيون مشاعل بيده وماكانت تدري مين قال لها: سوربرايز سارونه حبيبتي وحشتيني مشاعل انجنت وماتحركت كان ودها احد يجي وينقذها عرفت انه رجال بس مين هالرجال الي في بيت ساره,لان ساره تقول ان ابوها نايم, كانت متاكده ان ساره ماعندها احد : ايش فيك انشليتي هنا مشاعل قررت انها تتصرف وتسوي شي ,, لان الشخص مبين عليه انه مايدري مين هي يحسبها ساره قررت اخيرا انها تتحرك ع شان يعرف وينتبه ع انها مو ساره ابعدت يده عنها ,, ووقفت بشكل سريع وراحت تمشي ماتدري وين تروح,, ضربت رجلها بالطاوله وحاولت تبتعد عنها,, ورجعت غيرت طريقها,, كانت تايهه ماتدري وين تروح الرجال قدامها اكيد,, وماتدري وين تروح ,, حتى غطاء مامعاها ,,,, قررت تاخذ الطريق الي ع يمينها ومشت بسرعه ع امل انه يكون مخرج ,, واسرعت اكثر بمشيتها ووقفت لما صدمت بجسم شخص,, والي اكيد هو الشخص نفسه الي كان موجود رجعت لورا ع امل انها تنحاش,, بس اظاهر كان وراها شي وتعثرت فيه وكانت راح تطيح لولا الله ثم يد هالشخص الي تدارك الموقف وبسرعه تصرف منه مسكها وثبتها ع الارض 0000000000 مين هالشخص الي كان في بيت ساره؟؟؟؟؟؟؟؟ الجزء الجديد راح يوضح انشالله الجزء الخامس عشر قررت اخيرا انها تتحرك ع شان يعرف وينتبه ع انها مو ساره ابعدت يده عنها ,, ووقفت بشكل سريع وراحت تمشي ماتدري وين تروح,, ضربت رجلها بالطاوله وحاولت تبتعد عنها, , ورجعت غيرت طريقها,, كانت تايهه ماتدري وين تروح الرجال قدامها اكيد,,,, حتى غطاء مامعاها ,,,, قررت تاخذ الطريق الي ع يمينها ومشت بسرعه ع امل انه يكون مخرج ,, واسرعت اكثر بمشيتها ووقفت لما صدمت بجسم شخص,, والي اكيد هو الشخص نفسه الي كان موجود رجعت لورا ع امل انها تنحاش,, بس اظاهر كان وراها شي وتعثرت فيه وكانت راح تطيح لولا الله ثم يد هالشخص الي تدارك الموقف وبسرعة تصرف منه مسكها وثبتها ع الارض ابتعدت عنه بسرعه ,,, وخافت من هالمجهول ,,, سمعت خطواته تبتعد عنها وتطلع فوق انجنت مشاعل ماتدري وين تروح ,,, حتى ماتعرف كيف تروح للمطبخ عند ساره ,,, خافت تحاول تدور ع المطبخ وتقابل نفس الشخص,, قررت انها ماتتحرك من مكانها لحد ماتجي ساره تشرح لها الي قاعد يصير بعد انتظار سمعت خطوات تدخل عندها ساره: صلحت لك سندويشات راح تاكلي اصابعك وراها مشاعل بخوف: سارونه مين عندكم؟؟؟ ساره: مو فاهمه شلون مين عندنا؟؟؟؟؟؟؟؟؟ مشاعل: من شوي كان هنا واحد يكلمني ويحسبني انتي؟؟؟ ساره: يمكن بابا مشاعل بخوف: لالا سارونه انا اعرف صوت ابوك كويس مو هو,, هذا صوت واحد صغير ساره: ميشو حبيبتي انا اصغر وحده بالبيت ايش صار لك؟؟؟ماعندنا اطفال مشاعل: لالا مو طفل ,, صوت واحد كبير يمكن بالعشرينات ,,, بس مو صوت ابوك ساره قربت من مشاعل ولمست جبينها وكأنها تقيس حرارتها: ميشو بسم الله عليك صاير لك شي ,,, شكلك مو طبيعيه,, والا الفستان اثر ع عقلك؟؟؟ مشاعل عصبت: سوير بلا حركات مالها داعي ,, اطلعي فوق دوري مين كان فيه , والله انا ماتخيل,, روحي شوفي مين فيه ساره خافت لايكون الحبوب الي اخذتها اثرت ع عقل مشاعل: طيب ولا يهمك تعالي نطلع فوق وبعدين ادور ع الشخص الي تحكي عنه مشاعل وساره دخلو غرفه ساره ,, وعطتها ساره بيجاما علشان تغير ,, ولما غيروا ملابسهم جلست ساره عشان تاكل مشاعل: ايش تسوي؟؟ ساره بكل برائه: آكل مشاعل: قومي الحين شوفي مين فيه ساره: ميشو حبيبتي والله بيتنا مافيه احد ,, بس عشان ماتزعلي بروح اشوف اذا ابوي نايم او لا 00000000000000000000000000000 فهده كانت بالاوتيل مع زوجها عبدالمجيد عبدالمجيد: والله وتحقق منايا شوفوا حبيبي معايا فهده وجهها صار احمر وبكل دلع قالت: عبدالمجيد عبدالمجيد: عيونه وقلبه وروحه فهده: خلاص ترى انا حدي ميته من الحيا عبدالمجيد : اموت ع الحيا ,, اقول حبيبتي فهده: هلا عبدالمجيد: ماودك تروحي تنامي ع الكنبه لانك دبا واخاف ع نفسي فهده عصبت: لا ياشيخ من زينك يالرشيق ,,, شوف نفسك بالمرايه كأنك فقمه لابسه ثوب عبدالمجيد ميت من الضحك ع فهده: هههههههههه فقمه عاد ,,, يام كراعين فهده: الحين ام كراعين ومن شوي يالدبا عبدالمجيد: ايش اسوي احب البنت الدبا ,, وانا جالس اوهم نفسي انك دبا فهده بتهديد: تحب البنت الدبا هاه ,, طيب انا اوريك عبدالمجيد: ايه حبيبتي لازم من اليوم وطالع تفطري شوكولا ,, وتتغدي خروف كامل,,, وتتعشي حاشي فهده: لاياشيخ تبي تموتني انت؟؟؟ عبدالمجيد يتصنع البراءه : ليش اموتك؟؟؟ فهده: تبي يجيني السكر والكولسترول عبدالمجيد: لا حبيبتي ابيك تسمني باي طريقه بصراحه احس اني متزوج وحده من المجاعه فهده عصبت: طيب انا بروح انام ع الكنبه وخل الشحوم تنفعك واخذت مخده وفراش وقامت , بس كانت يد عبدالمجيد اسرع منها ووقفها عبدالمجيد يبي يكحلها اعماها: حبيبتي لو انتي في عيون الناس اقبح بنت بالعالم والله انك في عيوني احلى من اي بنت فهده: عبدالمجيد ابعد عني لاصارخ,, انا اقبح بنت هاه عبدالمجيد: حبيبتي وربي انا مو متعود ع اني اقول كلام حلو ,,, وماعرف كيف اتغزل فيك حاولت اقراء كتب كثير وقصص رومانسيه وافلام رومانسيه ع امل اني اتعلم كيف اعبر لك عن حبي لك ,, بس لساني يخوني لما اشوفك,,, والله اني ماقدر اعبر لك عن حبي الكبير لك فهده : لاتقول شي ياعبد المجيد يكفي الي سمعته ,,, انشالله اني اقدر اسعدك طول عمرك عبدالمجيد والله اني احبك ,, احبك ,, احبك عبدالمجيد : وانا احبك 000000000000000000000000000 00000 ساره شافت نور غرفه ابوها وامها مقفل معنى هذا انهم نايمين ,, تاكدت ان مشاعل كانت تتوهم وكانت في طريقها لغرفتها ,, بس تفاجاءت لما لمحت نور اخر غرفه في بيتهم والي لها اكثر من سنتين محد دخلها ,, خافت مين ممكن يكون فيها ,,, فكرت لو اصحي بابا يروح يشوف اخاف انه حرامي,, بس ايش هالحرامي الغبي الي يفتح النور قررت تروح تفتح الغرفه وتشوف مين فيها فتحت الباب بشويش ع شان ماتطلع صوت,,, كانت الغرفه منوره بس ماكان فيها احد ,,, بس تفاجاءت لما شافت شنطه ملابس فوق السرير مشالله حرامي وجايب ملابسه معاه ,,, قبل ماتلحق تفكر او تحلل موضوع الشنطه انفتح باب حمام الغرفه وطلع منه شخص خلى ساره تشهق وتوقف مكانها ساره بفرح ومفاجاءه صرخت : بــــــنــــدر بندر : هلا سارونه حبيبتي وحشتيني ساره راحت تضمه : وانت وحشتني اكثر,, متى وصلت بندر : الحين وصلت وقلت اسويها لكم مفاجاءه ساره: بس احنا متفقين اننا نتقابل بايطاليا بندر : يؤؤؤ لهدرجه ماتبوني ساره : لاحبيبي بس مره وحشتني فوق ماتتخيل بندر : وانتي اكثر ,, الا تعالي عندك احد؟؟؟ ساره تذكرت مشاعل وانها ظلمتها : ايه عندي صاحبتي ميشو بندر : ايه وانا داخل ماشفتها كويس كانت معطيتني ظهرها وحسبتها انتي ساره: ايه مسكينه كانت تقول لي انها شافت احد بالبيت وانا ماصدقتها ,,, قلت اكيد تتوهم بندر: ساره صاحبتك مشاعل ماتشوف؟؟؟ ساره: ايه ,, مسكينه تعرضت لحادث ومن بعدها ماتقدر تشوف بندر: مسكينه ماتستاهل ,,, طيب مافيه امل لعيونها ابد ساره: لا تقول ان الدكتور يقول مافيه امل بندر منصدم: معقوله تعتمد ع كلام دكتور واحد ,,, ليش ماراحت تشوف دكتور ثاني ساره: ابوها حاجز لها عند دكتور روسي يقولوا مره كويس ,,, انشالله بعد زواج اخوها راح تسافر لعيادته مع ابوها وخالتها بندر: الله يشفيها ,, حرام كل هذيك العيون الحلوه ماتشوف ساره استغربت جرأت اخوها: وانت جالس تطالع في عيونها بندر يبي يقهرها : لا غصب عني ياساره طالعتها ,,, حسبتها انتي وقلت مو معقوله اختي ساره تصير بهالجمال حتى لو سوت كل عمليات التجميل الي بالعالم ساره: لاياشيخ ,,, حبيبي انا حلوه بدون عمليات تجميل بندر: اصلا انتي احلا اخت بالدنيا واحلى بنت بعد ساره: ايه صرفها بس,, المهم بروح اطمن ميشو وراجعه لك بندر: تطمنيها ع ايش ساره: لانها هناك ميته خوف ,, ماتدري مين الي دخل عليها بندر: ايه مسكينه اول مادخلت سكرت عيونها ع بالي انتي ساره: ههههههههه عشان كذا لما جيت لها كانت شوي وتنهار بندر: بصراحه انا لما عرفت انها مو انتي توقعت تروح تركض,,, واستغربت انها جالسه مكانها ,, وبعدين حسيت فيها تركض باي اتجاه ,, حسيت خطواتها تايهه مو عارفه وين تروح ,,, وتاكدت انها ماتشوف لما ضربت بالطاوله ,, بعدين رجعت لي وضربت فيني حرام والله البنت ماتستاهل ساره: كل هذا صار ,,, وانت حضرتك ليش مامشيت ,, ووفرت ع البنت الاحراج بندر: بصراحه انا كنت مصدوم من سببين ساره: وايش هم؟ بندر: الاول اني انصدمت ان البنت ماتشوف ,,, والثاني ابهرني جمالها وماقدرت اتحرك من مكاني حسيت رجولي ماتقدر تشيلني ساره تغمز لاخوها: هاه شلون يعني نخطب؟؟؟؟؟ بندر يبتسم: لا لسى بدري على هالكلام ساره: اي بدري عمرك 27 وبدري بندر: لسى انا توني اخذت الماستر ووراي الدكتوراه بعدين افكر بالزواج ساره: ايه وبعد الدكوراه بتقول ودي اصير بروفسور ,, واخر شي نزوجك في المقبره صح بندر: ههههههههههههههههه ,,, لا تخافي علي اذا قربت اعنس بتزوج ههههههههههه ساره: يا الله نسيت البنت ,, تلاقيها الحين تحسبني انخطفت ههههههههههه بندر :يالله روحي لها كل شي ولا تتضايق مشاعل,, المهم خليك معاها انا تعبان وراح انام ساره: لا تنام ابي اسولف معاك بندر: ايش تسولفي ياعمه,, روحي بس انا تعبان ,,, ترى انا جاي من امريكا مو من الشرقيه ساره: طيب يابو التصريف ,, المهم بكره لي جلسه معاك بندر : انشالله,,, سلميني ع القمر مشاعل ساره: انشالله تامر امر بندر: وقولي لها تصبح ع خير ساره تضحك: طيب فيه شي ثاني بندر: لا ساره: يله تصبح ع خير بندر: وانتي من اهله 00000000000000000 |
في غرفه ساره منال كانت تدق ع ساره ولا حياه لمن تنادي ,,, ماترد لان موبايلها بغرفتها وهي جالسه مع بندر اخوها مشاعل: يالله مسكين هالي يدق قطع الموبايل,,, وهالشينه سويره مدري وين راحت وخلتني لوحدي,, الي اتذكره انها ميته جوع ,,, وراحت تشوف مين وللحين ماجت ,, شكله حرامي اختطفها,,,اطلع اشوف ايش صار ,, بس حتى لو طلعت عدمي مثل وجودي ماراح اقدر اسوي شي قطع عليها حبل افكارها صوت الباب لما دخلت ساره ساره: تاخرت عليك ميشو مشاعل معصبه: لاياشيخه توقعت انك انخطفتي ساره: هههههههههههه لا الحمدلله ماحد خطفني ,, قهر توقعت انه حرامي قلت ابي اجرب عضلاتي عليه,, بس للاسف صار حرامي يقرب لي عشان كذا ماقدرت اضربه مشاعل: يقرب لك؟؟؟ ساره: هذا اخوي بندر توه واصل من السفر مشاعل عصبت: وليش ماقلتي لي انه راح يجي اليوم ,,, كنت ماجيت عندك ساره: مو هو مسويها مفاجاءه مشاعل: اها ع شان كذا اول مادخل قال سوربرايز ساره: الله بعد صار بينكم سوالف مشاعل: اسكتي بس لاتذكريني ,,, اخوك هذا وقح ساره : يؤؤؤؤؤؤؤ تراك في بيتنا وتسبي اخوي مشاعل: مو المفروض لما شافني المفروض انقلع مو جالس يتاملني وانا احاول انحاش ساره: ههههههههههههههه لو تدري ايش قال فيك كان مانمتي مشاعل باستهتار : لاشكرا لاتقولي ترى ابي انام اليوم ساره: انتي حره بس انا لو مكانك بفرح بالكلام الي قاله مشاعل: اقول ترى جعت ماودك تاكليني ساره: ايه صح نسيت اني جوعانه مشاعل: ايه سارونه ترى موبايلك دق مليون مره ارحمي هالي يتصل ساره قامت تشوف مين يدق ع موبايلها,, شافت رقم منال,, ودقت عليها منال: اخيرا دقيتي ياطويله العمر لازم نكتب لك معروض عشان تردي؟؟؟ ساره: اسفه والله كنت عند اخوي لسى واصل من السفر منال: اها يعني ماراح تروح معاي بكره ساره: وين منال: بكره طالعين المخيم انا والبنات ساره: مين راح يجي منال: بنات ماتعرفيهم,, بس فله لايفوتك ترى هبال ووناسه ساره: اوكي راح اجي بس ماتوقع اطول لان اخوي موجود منال: اوكي اجل امرك 7 ساره: لا انا راح اجي بسواقي منال: لا لان المخيم يضيع ,,, خليني امرك واوعدك وقت ماتقولي نمشي ع طول نمشي ساره: ايه بس ترى مقدر اطول اكثر من 1 منال: مره حلو ساره: خلاص اتفقنا بس قبل ماتمريني عطيني خبر عشان اقول لماما منال: اوكي انشالله 7 ساره :اوكي باي وبعد ماقفلت ساره ساره: ميشو هذي بنت خالتي بكره عازمتني ع دي جي,, ايش رايك تجي معاي كانت خايفه تقول لها منال وتزعل ,, وكانت متاكده ان مشاعل راح ترفض مشاعل: لا والله مالي خلق 0000000000000 الهنوف: ترى مالي شغل بعد زواج اخوك مشعل,,, تجي تخطبني ,, ماعندي عذر اتعذر به عند اهلي تعبت من رفض الناس الي يتقدموا لي سعود: خلاص لاتزنين,, انا كلمت امي ,, وقالت لما يتزوج مشعل راح تكلم امك وانشالله الملكه تكون بعد ماترجع مشاعل من السفر انشالله راح نتزوج الهنوف: وانشالله اذا مانجحت عمليه اختك ماراح نتزوج سعود: يوووووه الهنوف ماني عارف كيف ارضيك ,,, اجيك من هنا تجيني من هنا ,, خلاص انا قلت لك كلمت امي ,, وبعدين لاتتفاولين ع اختي انها ماتنجح عمليتها ,, انشالله تنجح وترجع احسن من اول الهنوف: انا ماتفاولت عليها بالشر ,, بس انت كل يوم يطلع لك عذر سعود: اقول الهنوف باي الحين انا راح انام تعبان الهنوف: اوكي روح نام بس تاكد ترى ماراح انتظرك اذا امك ماكلمت امي بعد زواج اخوك ترى اهلي ذبحـــ... سعود: ادري ذبحوك كل يوم جايك عريس ,, حفظنا الموال,, خلاص الهنوف ماعندك سالفه غير هذي ,,, خليني اقفل احسن قبل تصير مشكله 0000000000000000000000 الضهر صحى عبدالمجيد وطلب فطور له ولفهده والي كانت صاحيه قبله بساعه ,,, عروس تبي تكشخ عند زوجها ,,, راحت تحممت ولبست وحطت ميك اب خفيف ,, بس باقي شعرها لسى ماستشورته خاصه ان شعرها خشن شوي ,,, يبي لها تستشوره ساعه ع الاقل عشان ينعم خافت تطلع وتستشوره عنده بالغرفه ويشوف شعرها ,, قالت احسن شي استشوره بالحمام بس مسكينه نست تقفل الباب,, كانت توها في بدايه الاستشوار ,, وكان استشوار شعرها ع مراحل المرحله الاولى التجفيف وطبعا بعده يكون شعرها كشه تخوف ,, والمرحله الثانيه الاستشوار ,, المهم بدت تستشور شعرها وخلصت الجزء اليمين وكان ناعم نوعا ما اما الجزء اليسار كان ليفه كان عبدالمجيد يجهز الطاوله لها وراح يناديها وحب يفاجاءها ويدخل عليها بالحمام ولم افتح الباب خاف من شعر فهده عبدالمجيد: بسم الله فهده ايش في شعرك هنا فهده كانت ودها تبكي وتقول له اطلع برا بس فكرت ان التصريف احلى شي: هلا حبيبي بس مين سمح لك تدخل بدون استأذان؟؟؟ عبدالمجيد منصدم: هاه جيت اناديك ع شان تفطري,, بس ماجاوبتي ايش فيه شعرك؟؟؟ فهده ارتبكت : ااااااا .. ايش فيه هذي تسريحه جديده قلت اسويها لك عبدالمجيد : ايش اسمها هالتسريحه فهده: اسمها اسمها الفطيره عبدالمجيد: الفطيره؟؟؟ ليش فهده عصبت: وانا ايش عرفني ليش سموها كذا؟؟؟ عبدالمجيد: حبيبتي لاتسوين هالفطيره مره ثانيه مو حلوه فهده : طيب اطلع عبدالمجيد: تعالي نفطر وطلعت معاه بالفطيره حقتها ,, وكان طول وقت الفطور يتامل شعرها ومستغرب فهده في نفسها" لو تدري ان الفطيره طبيعيه لاتسريحه ولا شي" 00000000000000000000000000 صحت مشاعل وساره العصر ,,, نزلت ساره تشوف ايش الاوضاع بعد رجعه بندر كانت امها وابوها جالسين بالصاله بندر باستهتار : صباح الخير ساره ببرود: مساء الخير,,, اهلين ماما ((وباست امها ع راسها)) هاي بابا((باست ابوها ع راسه)) بندر: وانا راسي ساره :لاياشيخ المفروض انت الي تحب راسي توك راجع المفروض تحترمني وتحب راسي بندر: هههههههههههه تعالي احبه استغربت ساره معقوله اخوها محترم لهدرجه,, راحت له ع شان يبوس راسها نزلت راسها ع شان يبوسها ,, سحب شعرها بقوه ساره تصارخ: اي اي اي فكني ترى تعورني بندر: مو تبيني ابوس راسك,, هذي بوستي ساره: خلاص لاتبوسني فكني بس ياكرهك انت وبوستك ضحك ابوها وامها ع شكلها ام ساره: اقول سارونه حبيبتي ماصحت مشاعل؟؟؟ ساره: ايه توها صحت ام ساره : طيب خلي الخدامات يطلعوا لكم الغداء بندر : اي غدا ماما قولي عشاء ام ساره: خلهم يسهروا وينبسطوا اجازه ومن متى مشاعل تنام عندنا 0000000000000000000 بالليل كانت ساره جاهزه وتستنى منال تمرها عشان يروحوا ع المخيم الي عازمتها عليه منال ساره: ماما ترى بطلع مع منوله ام ساره: طيب حبيبتي بس لاتطولي ساره : انشالله ماما بندر: وين راح تروحوا ساره: بيت وحده من البنات عازمتنا بندر: تعرفي هالبنت كويس؟؟؟ ساره: ايه بندر اعرفها من ايام الثانوي بندر: طيب تبي اوصلك؟؟؟ ساره: لا ماله داعي البنت راح تمرني بندر: طيب حبيبتي انتبهي ع نفسك واذا احتجتي اي شي دقي علي ساره: انشالله يله باي البنت تدق طلعت وركبت مع منال بالجمس وتوجهوا للمخيم 000000000000000000000000 مشاعل: بابا ايش صار ع موعدي مع الدكتور؟؟؟ ابو مشاعل: انشالله بعد زواج مشعل باسبوع راح نسافر مشاعل: انشالله بابا ,,, طيب انت متاكد منه ابو مشعل: انشالله ,, انا سالت عنه ويمدحوه ام مشعل: حبيبتي لاتعتمدي عليه خلي اعتمادك ع الله ,,, هو الشافي والمعافي ,,, اما هالدكتور انشالله يكون سبب لشفائك ابو مشعل: صادقه ياأم مشعل مشاعل بدا الامل يتجدد عندها اخيرا راح تسوي العمليه الي انتظرتها ,,, كان عندها امل كبير بان الله راح يشفيها 00000000000000000 00000د كان عبدالمجيد ماخذ فهده تسلم ع اهله واهلها قبل يسافرون لماليزيا ,,, وعند اهلها صالح: هاه شلونتس مع عبدالمجيد عساتس منتيب مزعلته فهده: اساله هو عني اذا مزعلني انا اختك مو هو عبدالمجيد: ايه ياصالح تراها تزعلني دايما ,, بس بيوم واحد زعلتني 4 مرات ,,, اجل بكره ايش راح تسوي فهده: لا والله انت الي زعلان والا انا ؟؟؟ صالح: بس جعلتس الجني,,لاترفعين صوتس ع رجلتس فهده قالت خلني اسكت لاياخذ صالح الدعوه جد ويقوم يضربها عند زوجها ام فهده : ماعليك من بنيتي اصلا انا مربيتها وعارفه انها مره انصدمت فهده اول مره امها تمدحها وبعد الزياره الي كانت اعصاب فهده فيها تالفه لانها خافت من صالح يقلل احترامها عند زوجها واخيرا راح تسافر ولاول مره بحياتها تطلع برا وفي الطياره عبدالمجيد: عاد شوفي النقاب لاتشيليه فهده: لا والله تبيني انزل ماليزيا بعبايه ونقاب بعد عبدالمجيد: اقول ترى انا رجال في بلدي وفي اي مكان والا الرجوله تتحدد باماكن واماكن لا فهده: ايش دخل الرجوله؟؟؟ عبدالمجيد: انا اغار عليك ومارضى احد يشوفك,, والرجال رجال هنا او باي مكان فهده في نفسها" اف طلعت من معقدين وطحت في اعقد" 000000000000000000000000000000000 ساره وصلت اخيرا مع منال للمخيم الي بالثمامه ,, استغربت ساره ان مافيه اثر لاي سياره او سواق ,,, نزلت مع منال ودخلوا الخيمه,, وبعد ثواني دخل وليد وماجد ساره انصدمت وخافت وماتوقعت ان منال راح تغدر فيها: وليد ؟؟؟!!!!! وليد: انا عارف انك مصدومه بس هي جت كذا بدون تخطيط ساره: لاياشيخ,, وانتي يامنال اهون عليك تسوي هالحركه فيني منال: سارونه اسمعي انا بصراحه تعبت من وليد ماعنده سالفه الا انتي ولايتكلم الا فيك ورفض يطلع معاي انا وماجد للمخيم الا وانتي معانا ,, وقلت ماراح يصير شي لو جيتي معانا ,,, ترى والله سعه صدر راح نركب دبابات ونسوي باربكيو وماراح يسويه الا انتي ووليد والله راح تنبسطي,, واذا وليد ضايقك او قالك شي يزعلك والله ماراح نسكت له لا انا ولا ماجد ساره اتطمنت شوي من كلام منال وبدت تهدا شوي ,, حتى وليد ماحاول يتقرب منها بعد ماهدا الوضع منال: ايش رايكم نطلع ع الدبابات ماجد: يله منال: ايش رايك سارونه ساره: اوكي اذا راح تطلعوا انا معاكم ماراح اجلس لوحدي طلعوا ع الدبابات والي ساره ماتوقعت انها راح تنبسط لهدرجه وبعد ساعه من الهبال قرروا انهم يبدوا بالباربكيو وكان الشيف حقهم وليد والمساعده ساره وليد: تدري انك راح تخربي الباربكيو ساره: وليش انشالله وليد: لانه راح يكون بطعم السكر مو الملح ساره: شلون؟؟؟ وليد : لان يدك الي كلها شهد وسكر مسكت الاكل ساره استحت من وليد والي كان قريب منها في الفتره الاخيره,, خاصه انها صارت تشوفه كثير وعن قرب بعكس الشباب الي كانت تعرفهم كان ومجرد الي بينهم شوفه بالسياره وتخب عليهم ع قوله ساره 00000000000000000000000 مشاعل كانت في غرفتها تفكر ,,, بكل شي مر عليها وكل شي راح تعانيه لو مانجحت عمليتها,,, استغربت انها بالفتره الاخيره ابتعد خيال طلال عنها وصارت نادر ماتفكر فيه,, معقوله نسته او كرهته قطع عليها حبل افكارها الشخص الي دخل غرفتها ,, استغربت لانه اول مره احد يدخل عليها بدون استاذان مشاعل: مين؟؟؟ جاها صوت اخوها مشعل: انا مشعل خافت من نبره صوت مشعل الي كلها شك وزعل ,, وخافت اكثر لما نطق وقال لها مشعل: مشاعل مين طلال؟؟؟ |
الجزء السادس عشر
مشاعل كانت في غرفتها تفكر ,,, بكل شي مر عليها وكل شي راح يمر ,,, استغربت انها بالفتره الاخيره ابتعد خيال طلال عنها وصارت نادر ماتفكر فيه,, معقوله نسته او كرهته قطع عليها حبل افكارها الشخص الي دخل غرفتها,, استغربت لانه اول مره احد يدخل عليها بدون استاذان مشاعل: مين؟؟؟ جاها صوت اخوها مشعل: انا مشعل خافت من نبره صوت مشعل الي كلها شك وزعل ,, وخافت اكثر لما نطق وقال لها مشعل: مشاعل مين طلال؟؟؟ مشاعل انجنت ايش جالس يقول مشعل وايش عرفه بطلال؟؟؟ الف سؤال وسؤال طرى ع بال مشاعل, , بس كانت خايفه تناقش مشعل باي شي,, وماتدري ايش يعرف مشعل عن طلال علشان تقدر تتكلم مشاعل: ........................... مشعل: مشاعل انا اسالك مين طلال؟؟ مشاعل: انا الي اسالك مين طلال؟؟؟؟؟؟ مشعل: اظن الورقه الي كتبتيها لساره صاحبتك تاكد معرفتك بطلال مشاعل خلاص حست انها توهقت لان خطها ع الورقه ومافيه اي مجال للكذب مشاعل : مو من حقك يامشعل تفتح حاجه خاصه ,,, اظن كل شخص عنده اسراره مشعل بصراخ : لك وجه يامشاعل تردي ,, انا انتظر منك تفسير للرساله وابي اعرف مين طلال هذا وايش سوا لك علشان تنتحري مشاعل تبكي: مشعل مالك شغل فيني ,,, وطلال مو مثل انت مفكر ,,, طلال ماتربطين فيه اي علاقه ,, وانت فاهم الموضوع غلط مشعل يحاول يهدا: اوكي ممكن تفسري لي الموضوع مشاعل: ماراح افسر لك شي,, وبعدين باي حق تفتح الرساله مشعل: بعد مادخلتي المستشفى رحت لغرفتك ادور نوع الحبوب الي اخذتيها ع امل اني لما اعرف النوع هالشي راح يساعدك ,,, وشفت بالصدفه هالرساله ,, واحتفظت فيها بدون مااقراها وكنت ناوي اسلمها لساره,,, لكن نسيت موضوعها ,,, ومن شوي طاحت يدي عليها واستغربت وجود هالورقه بغرفتي ونسيت انها لك وفتحتها ,,, ولما قريتها تفاجات باللي قريته,, مشاعل انا اطالبك بتفسير الحين مشاعل: مالك شغل فيني تفهم يامشعل ,,, انا عمري ماتجسست عليك مشعل: اوكي انتي حره ,, بس انشالله تلقي تفسير لابوي طلع وخلاها مشاعل تصارخ: لاااااااا مشعل الله يخليك الا بابا مشعل تعال ,, ,مــــشــــعـــل انسدحت ع السرير وبكت باعلى صوتها" اكرهك ياطلال اكرهك,, كل الي انا فيه بسببك ,, حرام عليك ايش سويت لك,, كل هذا علشان حبيتك بصدق,,, اكرهك اكرهك اكرهك......" 00000000000000000000 كانت ساره في الطريق للبيت لما دق عليها بندر للمره الخامسه ساره في نفسها" اف وهذا اول يوم يرجع فيه كل شوي داق وينك ومتى راح ترجعي اجل اذا جلس اسبوع ايش راح يسوي" رجعت ساره للبيت وكانت مبسوطه مره ,,, ووعدت وليد انها تطلع معاهم لما يطلعوا لما دخلت البيت كانت الساعه 2 طبعا كانت امها نايمه وابوها سافر كالعاده,,, طلعت غرفتها وفي الطريق قابلت بندر بندر: هلا سارونه ساره: هلا والله بندر: ماتلاحظي انك تاخرتي شوي ساره: لا عادي اصلا انا وصاحباتي مانرجع الا هالوقت بندر: معقوله ياسارونه حبيبتي انتي بنت ناس ومو زين كل يوم ترجعي 2 ساره: لا انا ماطلع معاهم كل يوم ,, مره بالاسبوع بندر: لا مو مشكله اطلعي كل يوم,,, بس انا ارجعك اذا الوقت متاخر ,,, بصراحه اخاف عليك ترجعي بهالوقت ساره: لما كنت برا تدرس,,, كنت ارجع متاخره والحمدلله ماصار لي شي بندر: مو كل مره تسلم الجره,, واذا انا موجود ليش مااهتم فيك ساره: تسلم بندر بس انا ماحب الخنقه خلني ع راحتي واذا قصدك خايف اني اسوي شي غلط تاكد اني مستحيل اسوي شي يزعلكم بندر: لا ياسارونه عمري ماشكيت فيك ,,, بس انا خايف عليك ساره: تسلم بس مايحتاج انا اعرف كيف انتبه ع نفسي بندر: عموما ماودي اضغط عليك اكيد انتي تعبانه وودك تنامي ,,, خاصه بعد الباربكيو الي سويتيه ساره انجنت كيف عرف : كيف عرفت؟؟؟ بندر: ريحتك باربكيو هههههههههههه ساره ارتاحت: ايه اليوم سوينا باربكيو انا والبنات وطلع جنان بندر: حلو اذا تعرفي تسوي,,, ايش رايك بكره نطلع انا وانتي وماما ونسوي باربكيو ونروح نطعس واخليك انتي الي تطعسين بنا ههههههههههه ساره فرحت: ايه بندر يله بكره ايش رايك بندر: من عيوني ساره: تسلم عيونك بندر: سارونه ودي اكلمك بموضوع يخص صاحبتك مشاعل ساره استغربت ايش الموضوع الي ممكن بندر يكلمها فيه: ليش صاير شي بندر: لا بس انتي قلتي لي انها مااستشارت اي دكتور غير واحد,,, وفيه دكتور الماني مره كويس وهو رئيس قسم الاطباء في مستشفى معروف بالمانيا راح يجي هنا بعد فتره ايش رايك احجز لها عنده ساره ابتسمت: والله اشوف اهتمامك زايد بميشو ,, ايش صاير سكنت القلب ههههههههههه بس كنت بسالك بكم الشقه بقلبك ,, ودي اخذ لي شقه ولامي شقه قبل ميشو ماتكوش ع كل شي بندر: ههههههههههههه ,,, اي شقه واي فله ,, ,انا ماعندي الا دبلوكس هههههههههه ساره: ههههههههههههههههههه بندر : سارونه حبيبتي مو معنى اني اساعدها يعني حبيتها ,,, لاسارونه انا مقهور عشانها لانها توها بشبابها وودي اسوي شي لها ساره: عموما انا راح اقول لها ونشوف بندر: اوكي لما تقولي لها وتوافق عطيني خبر عشان اعرف متى راح يكون هنا وانسق معاه ساره: انشالله 000000000000000000000 صالح كان مقفل انوار الغرفه ويستعد للنوم لما دق موبايله وعصب ع الي داق بهالوقت صالح: نعم ساره بنعومه: هاي صلوحي صالح تلخبط اول مره بنت تفكر تكلمه: هلا والله ساره : كيفك صلوحي؟ صالح :الحمدلله من انتي؟؟؟ ساره : اول الناس يقولوا كيفك مو علطول ((تقلد صوته)) مين انتي صالح : ايه صح ,,, شلوتس؟؟؟ ساره تغمض عيونها وكانها شافت شي مقرف ((يالله حتى اسلوب ماعنده)): تمام,, تدري صلوحي وحشتني مرررره<-- الراء حقتها دوخت صالح صالح: من انتي؟؟؟؟ ساره: انا وحده من بنات جيرانكم معجبه فيك مرره ومن زمان ادور رقمك واخيرا قدرت اجيبه بليز صلوحي لاتقول انك ماتبيني ترى اقتل نفسي ,,, صلوحي بدونك حياتي ماتسوى ,, احبك ,,,صلوحي انت النور بحياتي ,,, صلوحي بليز لاتتركني صالح مو مصدق نفسه معقوله بنت بهالدلع تدق عليه وتترجاه يكلمها اكيد يحلم صالح: ياويلي ع الصوت يلعن ابو الي يقفل وهو يسمع هالصوت يالمزيونه ساره كانت ودها ترجع الاكل من القرف الي حست فيه: صلوحي لاتفكر انك تبعد عني ترى راح اقتل نفسي صالح: وانا مجنون ياويلي بس عليتس يالزينه ,,, اروح فدى مواطي رجليتس وكانت مكالمه ساره وصالح ربع ساعه كانت ساره ع اعصابها تبي تقفل لان صالح مو من ستايلها ابدا ,,, اما صالح كان في قمه الوناسه ,, بنت نعومه تدق عليه ,,, وتتغزل فيه,, وميته عليه,, وفوق هذا هي الي تدق عليه يعني ماراح يتخسر ساره بعد ماقفلت " الله ياخذه مصدق نفسه هالشين ,,, ع باله اني ميته عليه,, كلها يومين واخليه يسوي الي في بالي وبعدها راح اسحب عليه" 000000000000000000000 مشاعل كانت تبكي بجنون ع الي صار ,,, وتذكرت اليوم الي تركها طلال فيه ,,, لما بعد عنها طلال جتها المشاكل ,,, كان ودها تدق عليه وتقوله ايش كثر تكرهه راحت لتلفون الصاله ودقت ع ساره مشاعل : ساره لاكون صحيتك ساره: لا حبيبتي لسى ماراح انام الحين مشاعل: هاه كيف الدي جي؟؟؟ ساره: مره يجنن فاتك,, بس ميشو ايش في صوتك؟؟؟ مشاعل: سارونه مشعل اخوي عرف كل شي عن طلال وقبل لا تكمل كلامها دخل مشعل واخذ السماعه منها,, ماتدري كم له جالس يسمعها ,, اخذ السماعه وسكت ع امل ان ساره تتكلم ويعرف عن طلال اي شي 00000000000000000000 0000 ساره خافت ع مشاعل لانها حست ان فيه شي كبير وخاصه ان اخوها مشعل اخذ التلفون وتكلم قررت تروح لمشاعل اول ماتصحى ,, تبي تعرف ايش صار معاها 0000000000000000000000000000 مشاعل طلعت غرفتها وبكت ,,,, ليش كل هالمشاكل تصير لها ,, علاقتها مع اخوها بدت تدهور والسبب هو ,, دايما هو السبب بكل شي مو حلو صار لها حاولت تنام ماقدرت وكان الارق هو نصيبها بهالليله المشئومه تذكرت طلال بموقف صار معاها طلال: حبيبتي ميشو اليوم مافيه طلعه من البيت مشاعل: ليش حبيبي؟؟؟ صاحباتي راح يزعلوا انا وعدتهم اني راح اجي طلال: اليوم الشوارع زحمه وخايف احد يضايقك وانا مقدر اجي اوصلك لاني معزوم مشاعل: طيب وربي اغطي,, ومااخلي احد يطالعني طلال: قطوتي اذا تبي تزعليني روحي,, حبيبتي وربي اغار عليك ماودي احد يشوف حتى خيالك ,,, احس ودي اقفل عليك بمكان وماتطلعي ابد ولا احد يشوفك غيري مشاعل: طلال طلال: لبيه ياعيون طلال مشاعل: احبك طلال:....................... تذكرت غبائها طلال عمره ماقال لها انه يحبها,, شلون ماحست انه يمثل عليها 000000000000000000 00000 ساره الضهر كانت تلبس عشان تروح عند مشاعل تبي تعرف ايش صار معاها وهي نازله كانت امها وبندر بالصاله ساره: هاي ماما هاي بندر ام ساره: هلا حبيبتي بندر: هاي سارونه,, لابسه عبايتك وين طالعه؟؟؟ ساره: ايه والله رايحه ميشو تعبانه وودي اروح اشوفها بندر بدا عليه الاهتمام: ليش سلامتها ايش فيها ساره : والله مدري بروح اشوف ايش فيها ام ساره: طيب حبيبتي تغدي قبل تروحي ساره: لا ماما راح اتغدى عند ميشو بندر: طمنينا عليها ساره : انشالله يله باي بعد ماطلعت ساره بندر: ماما ماتلاحظي ان ساره طلعاتها كثيره ام ساره: حرام عليك اعز صاحبه لها تعبانه وماتبيها تروح لها بندر: لاانا ماتكلم عن اليوم,, بس من اول مارجعت وهي كل يوم طالعه ام ساره: هذي بنتي وانا مربيتها وادري انها ماتسوي شي غلط ,, وبعدين انا ماحب اعقد بنتي بعدين تنحرف بندر: ماما مساله اننا نخاف على ساره,, هذا مو معناه اننا نعقدها,, يمه الناس ماترحم ,,, والناس ماعليهم الا من الظاهر ام ساره: والله يابندر انت غريب الي اعرفهم يروحوا يدرسوا برا يجوا متفتحين وانت العكس بندر: يمه لاتنسي اني شاب مسلم ,,, وانا اغار ع اختي ام ساره: يوووووووووه بندر اختك ماسوت شي غلط ,, وخلاص فكنا من هالموضوع 0000000000000000 كانت ساره في بيت مشاعل وبالتحديد بالصاله ام مشعل: هلا والله وغلا ساره ساره تطمنت شوي ع الاقل ام مشعل مو مبين عليها حاسه بشي: هلا خالتي ام مشعل: شلونك وشلون امك ساره: الحمدلله تسلم عليك ام مشعل: الله يسلمها ,, بس الله يهديها امك انا زعلانه منها ساره: ليش خالتي؟؟ ام مشعل: مافكرت تجي تمرني والا تقول اسير؟؟؟ ساره: والله هي مشغوله هاليومين خاصه ان اخوي بندر لسى جاي من السفر,, بس انشالله راح نجيكم ام مشعل: ماشالله اخوك بندر وصل؟؟؟ ساره: ايه خالتي ام مشعل: الحمدلله ع سلامته ساره: الله يسلمك ام مشعل: عاد بنعزمه بمنسابه وصوله من السفر ,, وماعلي من امك لو اجيب عشاي لبيتكم ساره: الله يحييك ياخالتي ام مشعل: صاحيه امك والى نايمه يابنيتي؟؟؟ ساره: لا ماما صاحيه لما جيت ام مشعل: اجل بدق عليها اتحمد ع سلامته اخوك بندر ساره: الله يسلمك ,, خالتي مشاعل صاحيه والا نايمه ام مشعل: والله اظاهر انها نايمه ,, بس اطلعي لها انتي مو غريبه ساره : اوكي خالتي مع السلامه ام مشعل: مع السلامه 00000000000000000000000 كانت مشاعل منسدحه ع السرير والي من امس ماقدرت تنام الا ساعه وحده ,,, سمعت احد يطق ع الباب خافت يكون مشعل مشاعل: مين؟؟؟ ساره: انا ساره مشاعل فرحت : تعالي سارونه لما دخلت ساره تفاجات بشكل مشاعل والي تعودت عليها دايما تكون مرتبه ,, كان شكلها محيوس وتحت عيونها هالات سوداء ساره: مشاعل ايش صاير مشاعل بكت لما سمعت ساره: سارونه الحقيني مشعل عرف موضوع طلال ساره : كيف عرف؟؟؟ مشاعل حكت لساره موضوع الرساله الي كتبتها لساره قبل تاكل الحبوب ساره مسكت راسها: يا الله ياميشو تتوقعي يقول لابوك مشاعل تبكي وكان بكائها يقطع قلب ساره : ماعرف انا خايفه مره ,,, سارونه ساعديني مالي الا الله ثم انتي,, سارونه انا خايفه ساره: طيب لاتخافي هدي نفسك,,, طيب واذا عرف ,, اصلا علاقتك بطلال انتهت يعني من ايش تخافي,, خليه يسوي الي يسويه مشاعل: بس ساره امس هددني انه راح يطلع فواتيري كلها وراح يجيب رقم طلال ساره: خليه يجيبه ,,, خلاص ميشو علاقتكم انتهت في ستين داهيه مشاعل: لا سارونه انا خايفه ع مشعل ,,, ادري طلال يقدر يضره مثل ماسوى فيني ,, طلال ماعنده قلب وممكن يسوي اي شي ساره: ميشو مدري ايش اقول لك ,,, بس انشالله ماراح يوصل الموضوع لهدرجه خاصه ان مشعل اخوك ايش راح يقول لطلال ليش تكلم اختي؟؟؟ مستحيل ياميشو,, صدقيني مشعل راح ينشغل بزواجه عنك مشاعل: تتوقعي؟؟؟ ساره: لا انا متاكده انتي بس لاتشيلي هم مشاعل : الله يسمع منك 0000000000000000000000 00000 ام مشعل كانت تكلم ام ساره ام مشعل : هلا ام بندر ام ساره: هلا والله ام مشعل كيفك؟؟؟ ام مشعل: بخير الله يسلمك,, انتي بشري عنك؟؟؟ ام ساره: والله الحمدلله ام مشعل: ايش دعوى يام بندر ,, يوصل بندر من السفر ولا ادري,, ع الاقل نتحمد له ع السلامه ام ساره انحرجت : والله السموحه ياام مشعل لهيت مع الولد,, تدري اني ماشفته من الصيف الي فات ام مشعل: قرت عينك ام ساره: بنبيك ام مشعل: الحمدلله على سلامته ام ساره: الله يسلمك ام مشعل: والله توني اعرف من ساره ,, بس ترى العيال بيكلموا بندر ,, نبي نعزمه ع العشاء وتعالي انتي وساره ,, وانشالله ابو مشعل بيكلم ابو بندر ام ساره: والله ابو بندر مسافر وماراح يرجع قبل شهر,, بس ياام مشعل والله ماله داعي هالعزيمه انشالله نجيكم انا وساره يوم نتقوى عندك ,,, بس ماله داعي الكلافه والعشاء ام مشعل: لا يام بندر ترى قدر بندر عندنا غالي بغلات عيالي والله ,, مالي شغل فيك ,, العيال بيكلمون بندر انشالله ,, ان كنتوا فاضين بكره ع العشاء ام بندر: الي تشوفوه ام مشعل: الله يحييكم انشالله 0000 00000000 00000 ساره هدت مشاعل ورجعت لبيتها,,,واول مادخلت لقت بندر يستناها بندر: هاه سارونه كيف مشاعل الحين؟؟؟ ساره: الحمدلله احسن بندر: ليش ايش كان فيها ساره: تعب بسيط والحمدلله هي احسن ومع السوالف عرفت من بندر ان مشعل دق عليه يعزمه على العشاء وانهم كلهم معزومين على العشاء في بيت مشاعل بندر: سارونه قلتي لمشاعل عن موضوع الدكتور؟؟؟ ساره: لا والله نسيت بندر: انا محرصك انك تقولي لها وبعدين ساره؟؟؟ ساره: قلت لك اني نسيت المهم بكره انشالله اقول لها طلعت ساره غرفتها تنام دقت على منال منال : وينك اليوم مختفيه؟؟؟ ساره: كنت مشغوله شوي منال: وليد عندي يبيك وليد: هلا سارونتي ساره : هلا حبيبي وليد : وحشتيني موووووووووت ساره: وانت اكثر وليد يعاتبها: وينك اليوم كنت مره قلقان عليك ساره: كنت والله مره مشغوله سمعت خط جاها كان صالح اخو فهده يدق ,, ودق دقه وقفل ساره في نفسها" بعد دقه ويقفل ,,, الله يصبرني عليك لما اخلص من موضوع طلال" وليد: الو ساره انتبهت له: هلا معاك وليد: وين معاي لي ساعه اكلمك ساره: خلاص وليد بلا دلع وليد : انا زعلان ساره: اسفه وليد: لا مايرضيني الا اني اشوفك ساره : اوكي حبيبي اصلا مقدر ارفض لك طلب وليد: ياحبيبتي ,, سارونه بكره راح نطلع انا وماجد ومنال نتمشى ,, ايش رايك تروحي معانا ساره: اوكي وليد: عمري بس نبيك تلبسي شماغ وثوب راح نطلع ندور ساره حست بالاثاره: واو طيب ماعندي ثوب وشماغ من وين اجيب وليد: ولا يهمك احنا راح نجتمع عند منوله واجيب معاي ثوب وشماغ لك ساره :بس لحظه ابي سكسوكه وليد :هههههههههههه ولايهمك ونحط لك شنب ابظاي بعد ع قوله السوريين ساره ماتت ضحك وتحمست مره: هههههههههه الله فله متى يجي بكره تذكرت ان بكره اهل مشاعل عازمينهم: اووووه لحظه وليد بكره انا معزومه مع اهلي مقدر وليد: خلاص ولايهمك راح نخليها بعد بكره ع شان خاطرك 000000000000000000000000 00000 باقي اسبوع ع زواج مشعل ,,, وماكان بين مشاعل ومشعل اي احتكاك ,,, كان يتحاشى يكلمها او يسلم عليها ,,, كان ودها تروح تتكلم معاه ,, ع الاقل توضح الامور,, ماودها يتزوج وهو زعلان عليها كانت تلبس لان اهل ساره راح يجوهم اما سعود كان مشغول بالذبيحه الي وصاه ابوه عليها,, طبعا ذابحين قعود ع شان رجعت بندر بالسلامه,, كان بندر علاقته باخوان مشاعل رسميه نوعا ما ,, نادر مايشوفهم,,, بس بحكم ان ام مشعل انسانه اجتماعيه ,, كانت ماتترك احد الا عزمته وتعرفت عليه دق موبايل سعود سعود: هلا هنوفتي الهنوف: هههههههه ايش هالاصوات الي عندك ,,, اصوات مبعات سعود: ياعيني ع الامبعات خليك حرمه وقولي خرفان الهنوف: وليش عندك مبعات سعود: رايح اصور معاهم ,,, اكي رايح اشتري مبعه ع قولتك الهنوف: ايش تبي بالمبعه؟؟ سعود: رايح اتعطر بريحتها,, يعني ايش ابي فيها؟؟؟ الهنوف: ياي اكيد ريحتك الحين خرفان سعود: الله ياهنوفتي اذا تزوجنا انشالله بروح سوق الغنم واجيك واضمك واقول لك احبك الهنوف:هههههههههههه اصلا ماراح ادخلك بيتي وانت بهالريحه سعود: كويس الي قلتي لي علشان مااكتب البيت باسمك انتي ماتنضمني الهنوف: هههههههههههههه ,, ماقلت لي ايش تبي بالخروف سعود: اليوم عندنا ضيوف الهنوف: مين هالضيوف؟؟؟ سعود: اخو صاحبه اختي توه واصل من السفر وعازمه الوالد الهنوف: اها ,,, طيب اصحى تاكل من الخروف ,, ترى ماحب اللحم سعود: الا باكل لما اشبع,, تدري ايش احلى شي احب اكله بالخروف الهنوف : ايش؟؟ سعود يبي يقرفها : العيون,, امممممممممم اموت فيها طعمها يجنن تحسينها تذوب بفمك الهنوف : ووووووووووووووووووووووووووع ياوصخ يامفترس باي طوط طوط سعود مات ضحك على الهنوف : صدق البنات خكاريه هههههههههههههههههه وحب يقهرها اكثر وارسل لها مسج " حبيبتي ترى انا مقدر ارد عليك لاني الحين رايح اذبح الخروف بيدي وبعدين اصلخه واتلذذ بشكل الدم اممممممممم انه لذيذ" 0000000000000000000 |
| الساعة الآن 10:09 PM. |
Powered by vBulletin® Version 3.8.9
Copyright ©2000 - 2025, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ