|
الشعر صار اليوم محتاج لانعاش
بسم الله الرحمن الرحيم
السلام عليكم ورحمة الله وبركاته بعد أن كتبت عدة أبيات لهذه القصيده, وكانت بوزن مختلف, ولكن بنفس القافية, قمت ببحث على النت عن بعض كلمات القافية, لأرى إن كان هناك قصيدة شبيهة. فوجدت قصيدة غزلية رائعة لملك شعراء النبط (خلف بن هذال), بنفس القافية وبوزن مختلف, يقول في مطلع القصيدة: يقطعك يا حب(ن) توقف على ماش ومن حب حلوين المظـــاهر بلاشي اللي يبيعون المـــــــــــودين ببلاش حلوين الالسن والقلوب الغشاشي فغيرت وزن هذه القصيدة, لتصبح معارضة لقصيدته. الشعر صـــار اليوم محتـــــــاج لانعاش لانه غــــــــــــدا يشبه طريح الفراشي والا شبيه مصــــــاب من طلق رشاش جسمه غدا ملفوف قطن(ن) وشاشي بعض العرب وزنه على طاش ما طاش والا كمـــــــــــــــــا بردان زاد ارتعاشي يكتب قصيده مثل قـــــــــول الدمرداش حرفه بلا معنى ولا وزن مــــــــــــاشي مــــــــــا نبغي السبّه ولا نبغي هواش لكنّ ودّي نرتقي بــــــــــــــــــالنقاشي الشـــــــــعر مثل اللي ينقّي بمنقــاش والا كما رامي يصيد المنــــــــــــــاشي وبعضه غريب احساس من قلب رعّاش في وصف صــــــوره زاد منها انتعاشي وبعض العرب من حلو الاشعــار يعتاش مــــــــــــــاله وظيفه مغنيه أو معاشي هذي علوم الشعر واقـــــــــــولها كاش امــــــــــا حفظت الــــــوزن والا بلاشي |
يعطيك العافية اخوي على الابيات الشعرية
|
الله يحييك ياشاعرنا ويحيي علومك
البركة في شاعر المليون وشاعر المعنى وشاعر العرب وشاعر بإحراج ..........الخ اش رأيك نسوي ( شاعر المصنعة ) والجائزة : قطعة ارض في ناوان 600م مقدمة من مكتب ابو بندر للعقار - ؟ منتظرين ابوسعد يرد عليك والحمدلله على السلامه -------------- همسة : ترى غيابك طال بس المشكله انك تجيب اعذار تشفع لك 0( تِحْرُجُنّا : على رأي اهل جيزان ) ======== دمت لأخيك ابوطلال |
الأخ AAALSHAER
السلام عليكم ورحمة الله وبركاته انت دائمــا تطــوّل الغيبــة ولكنـك ماشــــاءالله تعــود بروائع جميلة بارك الله فيــك : لا جيـــت مســـــتشـفى بهـــا غــرفة انعـــاش لــــــزوم تعـــــرف مـن يكــــــــن بالفـــراشي لاشـــفت معصـــوب اســـأله اش ورى الشــاش مــــرضـــــاننــا مـا بــين جبــــس وشـــــاشـي واذا نــــزلت الحفـــــل تلقـــى الطلــق طــاش اعصـــاب مــــافيهــــا غلـــــط وارتعـــــاشــي بعـــض العــــرب صـابه مــن الحكــي دش داش مــا يســـــتمع قـــــول الغــــريب المـــــواشـي علــــوم بعــــض النــــــــاس يـــاواش يــــاواش قلـيـــــل مـــــا تلــــقى بســـــوق النقــــا شـــي لا مــا تعـــــب شــــــوفك فــــدوّر علــى قـــاش والا علــــى مشـــــــفى بجـــــــــدة بــــــلاشـي دائـــــم نقــــــل بالصــــدق عـــاش الملك عــاش مـــــادام بــــــــاقي راتبـــــي والمعــــــــاشـــي في معمــــــل التحليــــــل نبحــــــث عـــن الاش الآش فـــي المعمــــــــل لحـــــال اومـــع شــــي مــــا حـــــدن بســـــامع لك ليــــا كنـــت بكـــاش صــــــدق الحـــــديث تحققــــــه او بـــــــــلاشي |
بسم الله الرحمن الرحيم
السلام عليكم ورحمة الله وبركاته حياك الله يا (عبدالله), وشرفتنا بمرورك وتعليقك. أخي الكريم أبوطلال, الله يحييك ويبقيك يا ذوق, وترى ما أغيب الا مجبور, والله يعين على الدنيا, بس بصراحة والله لضحكت من كلمتك (تحرجنا). حيا الله ابو عبدالله, وحقيقة فيه تطور في شعرك ملحوظ, ولكن ركز أكثر على المعاني, موفق. مسكين ياللي شغلته بس تنخّـــاش ولا يميز يبن شـــــــاعر ونــــــــاشي اذا كتب تقرا كتــــــــــــــابه لحشاش مضيع(ن)... حرفــه شبيه الحواشي اللي يبيع الكذب نعرفه غشــــــــاش واللي عطا الرشوه نقول انت راشي لا ما يفرق بين جــــــــــــاهل ونحاش ولا فرق عنده بعير(ن) وحـــــــــاشي عينه بها شبه المرض أو بهــا غطاش مثله تقل مجنون ســــاكن عشاشي خله يردد اسم من قــــــــال له عاش والا يردد عاش عـــــــــاش الخراشي |
الأخ AAALSHAAER
الســــــــــــــلام عليكم ورحمة الله وبركاته شـــكرا على المـــلاحظة بــس لاتطــوّل الغيبــات تـــاجر تجــــر تجــــــــرة من الهنـــد خشـــــخاش الســـــوق فيــــه مـخـضـــرم فيــــه نـــــــــاشـــي يفــــــرح بطــــــاري مـــاذكـــــر كــل حشـــــاش تـــــــراه يبحـــــث مـــن حــــواش لحــــــواشـــي ليــــــا جيـــــت للملعــــب حكــــم كــان غشــــاش الفــــاول يحصــــل والحكــــم مــــا يــــرى شــــي لاعــــب وســـــط مــــوهـــوب هــو بــس ينحـــاش ليــــــا مــــا ركــــض يشــــبه لقــــرحان حـــاشي فـــي دفــــــــتر الإمـــــــلاء مـســـــوح وغطــــاش ليــــا جـــــاع مــــا بقّـى لحـــــد مالعشـــــا شـــي علـــى جبـــــل بـــركــــوك عــــاش العــــلم عــاش مشـــــــــجعـا للســـــــــالمـي والخـــــــــــراشـــي |
عساكم على القوة دائماً.. >> ابو سعد يبلغكم سلامه وهو حالياً في فترة راحة واستجمام وسيعاود نشاطه قريباً ومن ذلك رده المرتقب على قصيدة الشاعر الجميلة.. >> دعائي للجميع بالتوفيق << |
الســــلام عليكم ورحمة الله وبركاته
الصـــيف جــاء حــل الســــفر والجســم عــاش بنــــاخـــذ الأغــــراض نطــــوي الفــــراشــي نجــــــــدد المــــــوتر بـــــــــدولاب وقمـــــاش فلـــــــتر جــــــديد والــــزيت بالميــل مــاشـي خيـــــامنــــا معنــــا عــن الغيــــم ورشــــــاش امــــــا الجنــــــوب والا الشــــــمال التمــاشـي اســـــبوع مـايكفــــــي لـــــــــدلة ومهبــــــاش طــــوي الــــدروب الخضـــر ولــه ارتبــــاشـي واحـــات بالصحـــــراء لهــــا القلـــب ينحـــاش تجمّــــــع الأصحـــــاب كــــــثر الهـــــواشـــي جنــــــوبنــــا الاخضــــر علـى الخــاطر بــلاش فيــــــه الـــــــبرود الشــــــافيــات العطــــاشـي أفــــــراحنـــا تـــــــزداد بالحــــب بالجـــــــأش ارض الكـــــــــرام الــــزاهيـــــة والمنـــــاشـي لقيـــــــت في الدنيــــــا منــــاصـح وبكـــــــاش مــــــرفعـــــين الشــــــاص جلــــد الحـــواشـي ليــــا مــالقيــــت الشـــــهم ترحيــب وبشــــاش يستــــــــاهل النشـــــمي العلـــــوم البشــــاشـي شـــــفت البيـــــارق راكـــــزة فــوق الاحــواش الـــــوانهــــــا تـــــبرق بـــــروق الفــــــلاشـي ياللـــــه نســـــال اللطــــف والســــتر في راش فـــي تهمنـــــــا الخــــــيرات زرع ومحــــاشي ـــــــــــــــــــ |
| الساعة الآن 01:13 PM. |
Powered by vBulletin® Version 3.8.9
Copyright ©2000 - 2025, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ