مجالس منتدى قرية المصنعة الرسمى - خواطر غائب عن مرتع الصباء (بالبلدي)


	ذهبت للــــدار والقرنيــن والقرنــــــــه والوادي اللي يجيني الشوق من حبُه الفارعــه هي رضاء الاجداد والجــده الماء زلالي وبير الشـــعب تشــهدبه صـــليت في مســجد القرنين ياحبُـه وبعد ماشــــفت ذا حوله وذا بعــــده هلت دموعي على أوجاني بها حرقه جتني الخواطر من الشــباك والثمــه فين الفقيه بن مسفر صاحب الذمـــه ياما تحـدث في المحـراب والظلــــــه وفين مرزن وفين الشيبه بن ســبله وفين باقي الجماعه ياهل العـــــزوه سادوا وبادوا وربي يرحـم الامــــــه بيــوت متهدمــه وأبيـار مردومــــــه لاشــفت زارع لتالشَــقَه وتالبلـــــده لاشــفت بيراً لها عــده ولا رعلــــه وصحت ياشـــيبت الامثال ياحمـــزه واحمد حزام اللذي هو فالق الصخره والا أبن عيشان عالمبنى وله رنــه والا علي أبن مسـفر راعي الحكمــه جاني الجواب ماالطرق والبير الجله ياذا تنــــادي على منذا تناديلـــــــه على اللذي في لحود القبر مدفونــه أدعي لهم يغفر الله ذنبهــم كلــــــه عشرين عاماً وعشر اعوام معدوده ماعاد حــد مرنا ماعـد لنا قيمـــــه ماعاد لاســــانيه شفنا ولا لومـــه ولاغنم ســاقها ســالم معا نايـــــه ولا حكاوي من الكهلــه مطيريـــه والله والله لو لي دمـع لاســــــقيبه من المقاصر الى أبو ورد ســـنديه ومن قرينه الى الحجمات والسـيله لكن ربـــي خلقنا مالنــا دمعـــــــه ورحت الى بيت قاضي العلم فالقرنه لقيتــه مقفول بالاقفـال والضبـــــه البيــت ذا ماخبرته تنطفـــي نـــاره وصحت يا أحمد وياعبدالوهاب أنته مارد لاذا في القرنـــه ولا مكـــــه رجعت محزون من عنده وبي غصه ذهبت للــدار والزمار هو خاصــــه وليتني ماذهبت أشوف ماشـــفته ماعاد باقي منه مذود ولا حفــــده والزير صيــاح راع اللحن والونــه يقول فين انــت يابارود ياســــــله فين أبن قدوم راع الشعر في العرضه والدار أطلال سارت تطلب النجده ولابقي الا حصـون الدار منســيه تحكي لنا قصة الاجداد والهجـــه واللي بناها ذهب ماعاد له رجعه درجت في الدار للقهوه معي خرمه ولا لقينا لنا قهـــوه ولا تمـــــره ولا لقينا لنا من يفتــح الصُفــــه وكوني جمّال بالميراث والفطره رجعت خت الجمل ركبت له خيه وقلت معتوق لو وصلتني جـــده

بعض التفسيرات لبعض الكلمات التي لايعرفها بعض الشباب .

الفارعه : اسم وادي المصنعه .

الثمـــه : هو الباب .

الظلـــه : هي الباحه اللي امام المسجد .

الشَقــه : هي الارض الصغيره .

والبلده : هي الارض الاكبر من الشَقه .

الرعله : هي خشبتين تركب على البير وبينها عود مخرق يربط بين العودين ويسمى الوساد اللتي تركب عليه عدة البير وعن طريقها يتم اطلاع الماء من البير بواسطة الثيران او الجمل .

(( جاني الجواب ماالطرق والبير والجله )) اي انها هي التي قامت بالرد .

الطرق : جمع طريق .

الجلــه : مجرى السيل .

السانيه : التي تطلع الماء من البير .

اللومه : المحراث اللذي يحرث به الارض .

نايــــه : الصفريقى او (الزميره) .

المقاصر ، ابو ورد ، السنديه ، قرينه ، الحجمات ، السيله .. اسماء بعض المواقع في الوادي .

ماتنطفي ناره : من كثرة الضيوف .

(( أحمد المنصوري رحمه الله مدفون في القرنه .. وعبدالوهاب رحمه الله مدفون في مكه ))

مذود : هو المكان الذي يوضع العلف الذي تأكل منه الدواب وهي قائمه ، ارتفاعه اقل من متر وبعرض 50x50 سم تقريبا .

صياح : أسم زير المصنعه .

الصُفه : المجلس الصغير .