|
بعض الشيبان...شعبية (مداعبة)tne:
بعض الشيبان عفا الله عنّا وعنهم , الواحد منهم يتصيبا كأنه حُمّا بقل من الأرض , وهو في الحقيقة مثل طلحه نصها ناقز , والنص الثاني فطر فيه اللصّاق (لن أفسر كلامي ) , وتشوفهم بين الشباب يمازحون, ويخلطون الجد بالهزل , فيذهب الوقار وتضيع هيبة الكبار,وتناسوا أن لكل سن وقته وأصحابه....... فالشباب..... شبّاب....والشيبان ... شيبــــــ.... ـآن..أقولها لذاك الذي يقول باقي قلبه أخضر...وهو قد يبس وأكله النابق. (اكرر لن أفسر كلامي)
إذا مرت بك الخمسين وانته تطلب السمار فصغر السن نشطّهم وتالي الليل يذّونك يقولون إش بذا الشيبه يقول النوم يا شطّار وذا به ما يريحنا ترى باللمز يعنونك تحملنا منا قيده وشي ندري وشي ما صار وبعد اللوم لو تدري ترا بتنقّع اسنونك ترى من صجّهم حولك يجيك غبار فوق غبار فلا نومك بيهناهم ولا له هم يخلوّنك وتسمع لوم ومعاتَبْ وشي(ن) فالسما قد طار وتتوقى ولكن كيف؟؟ والشي صك بعيونك تقوم الصبح تتلوّى كأن وسادتك مسمار وهم في نومة اهل الكهف لا تحلم يطيعونك ياليتك يوم ما فكرت فالسمره وفالسمّار تدوّر ناس من سنّك من أندادك يدارونك وسلامتكم |
بسم الله الرحمن الرحيم
السلام عليكم ورحمة الله وبركاته هلا بك مرحبا ألفين يا من عـــــاش في الزمار ولو نبدع جميل الشعر يبقى شعرنــــــــا دونك وصفت الشايب اللي ما وزن عمره مع الأعمار كلام العقل يالشــــــاعر عسى ربي لنا يصونك |
ابداع متجدد من ابي سعد حفظه الله ورد ولااحلى منه من الشاعر وفقه الله واحنا مخيله
|
بسم الله الرحمن الرحيم
السلام عليكم ورحمة الله وبركاته اقتباس:
أشهد الله أنني أحبك فيه. |
مشكووووووووور اخوي
|
السلام عليكم : tne:بارك الله فيك أبا سعد القصيدة حلوة ورائعة وقعدت أفكر في سني وفي الذي مثلي ومثلك الذين زادوا عن الخمسين وأشوف اننا بعد في خير ولعلك تقصد الذين تعدوا السبعين وإلا كيف يكون حالنا إذا انطبق علينا . |
الشاعر..وعليكم السلام ورحمة الله وبركاته. الله يمسيك بالخير والعافيه ...لا تستهين بنفسك والله ما أنت بهيّن.
أبو أحمد .....عبد العزيز...الله يوفقك ويرعاك. المهاجر ...الله يخليك ......أقرأها أنت سبعين .....وفوقها فراطه. |
بسم الله الرحمن الرحيم
السلام عليكم ورحمة الله وبركاته ابو سعد... الله يمسيك بالنور والسرور, ولا تنسى بكره صيام ولا بد من السحور, ولا تنسانا من دعوة طيبة في وقت الفطور. عسى مـــــا ننحرم منك ولا طيبك ولا الأشعار وتبقى في الزمن هامه جميع الناس من دونك |
| الساعة الآن 02:40 AM. |
Powered by vBulletin® Version 3.8.9
Copyright ©2000 - 2025, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ