مجالس منتدى قرية المصنعة الرسمى - الصمت حكمه والحكي مصدر إفلاس

علامك صامت وقلت ياناس
كثر الكلام يقل لاجله مقامي
:eh_s(10):
الصمت حكمه والحكي مصدر إفلاس
ولقيت في صمتي يزيد احترامي
:eh_s(17)::eh_s(17):
الصمت له معنى وله ذوق وإحساس
مركب نجاتك في بحور الظلامي
:eh_s(10):
ترى الرجل صوره من الراس للساس
ثم يتبين جوهره بالكلامي
:eh_s(17)::eh_s(17)::eh_s(17):
إما نطق في كلمة ترفع الرأس
تضفي على شكله جديد الاسامي
:eh_s(10):
وإلا يعود معدنه معدن نحاس
يرميه سهمه بعد ماكان رامي
:eh_s(17)::eh_s(17)::eh_s(17):
لا صار عندك من ثمينات الألماس
خله بصدرك لين وقت التمامي
:eh_s(10):
أخاف يطلعلك من الناس بلاس
وإلا سفيه ما يرد السلامي
:eh_s(17)::eh_s(17)::eh_s(17):
الله خلق خلقه على عدة أجناس
وكلن يسوقه مذهبه للأمامي
:eh_s(10):
والله خلق بالطير قمري وقرناس
ووقت الهدد ما ينغزي بالحمامي
:eh_s(17)::eh_s(17)::eh_s(17):
لا جال في صدرك من الهم هوجاس
وعينك يحاربها لذيذ المنامي
:eh_s(10):
ونفسك عليله والفكر صار محتاس
اترك طمان القاع وارق السنامي
:eh_s(17)::eh_s(17)::eh_s(17):
عليك بالعالي ليا هب نسناس
يبري الجروح الخافيه والعظامي
:eh_s(10):
وخلك لربعك دايم الدوم نبراس
وخص القريب وخص ولد العمامي
:eh_s(17)::eh_s(17)::eh_s(17):
خلك لهم في داجي الليل مقباس
ولصاحب أصدق من حقوق الغمامي
:eh_s(10):
ربعك ذراك ليا لحق راسك الباس
قدو لهم شربك ولو كنت ضامي
:eh_s(17)::eh_s(17)::eh_s(17):
وخلك لثوب الطيب والعز لباس
واترك دروبٍ تنتهي بالحرامي
:eh_s(10):
وفعل الجميل وواجب الضيف نوماس
ومن لا نفع بالضيق نفعه عدامي
:eh_s(17)::eh_s(17)::eh_s(17):
بيت الكريم أبوابه بدون حراس
وبيت البخيل يعد مثل الهدامي
:eh_s(10):
كلٍ بها الدنيا نصيبه بمقياس
ياخذ نصيبه لو جفوه الأنامي
:eh_s(17)::eh_s(17):تحياتي همس الوجدان:eh_s(17)::eh_s(17):