مجالس منتدى قرية المصنعة الرسمى - قصيدة راح مني نصف عمـري

والله انه راح مني نصف عمـري فـي غيابـك..
واعرف إني شلت همي تاركن حبـي علـى الله..

كني أبعد من نجوم الليل وأقرب مـن ثيابـك..
ياعسـاك وياعسانـي وياعسانـا وياعسـا الله..

ياعسى الدنيا تموت ومـا يعيـش إلا ترابـك..
يا أحبك واعشقـك واهـواك وإلا يفتـح الله..

ماتعودت افتخر باحساسـي إلا تحـت بابـك..
ايه أحبك والقضيـة واضحـة والشاهـد الله..

يطرد المظلوم خصمة وأنت خصمي ياهلا بـك..
ياهلا بك يـوم تجـرح خافقـي ويسامـح الله..

ياهلا بك يوم تلحق غيمتـي والحـق سرابـك..
جابك الله فـي حياتـي ياحياتـي جابـك الله..

ليش مدري وين مدري كيف مدري بس جابك..
كل ماقلـت ابتدينـا فـي المحبـة قلـت يالله ..

مادريت ان النهايـة بيـن بعـدك واقترابـك..
إنظلمـت ولا شكيـت ولاتركـت الأمـر لله..

كان همي انتظر باقـي عذابـك فـي عذابـك..
الله الله انتـبـه واحــذر وفـكـر والله الله..

مثل ما أحسب حسابي في هواك أحسب حسابك..
ماطلبـت المستحيـل ولا رجيتـك شـي لله..

ما طلبتك ارتفع من حجرتي واسكن سحابـك..
يصرخ القلـب المعـذب يالمعـذب وكـل الله..

شاب حبك في عيوني وانت توك فـي شبابـك..
رحت شي وجيت شي مختلـف ياحسبـك الله..

صدق إني مابغيت اجلس مع حضرت جنابـك..
غيـرك ذاك الزمـان ويازمـانـي مـنـك لله..

ليش ماغيرت فيني شـي يـوم إنـي أهابـك..
ليـش ماعلمتهـم عـن قصتـي وتوحـد الله..

يعرفون انك سؤال ويعرفـون انـي جوابـك..
ويعرفون اني حلفت ولا أعرف أغلـى مـن الله..

والله انه راح مني نصف عمـري فـي غيابـك..
واعرف اني شلت همي تاركـن حبـي علـى الله.

أخترتها لكم إن شاء الله تعجبكم