|
الشعر صار اليوم محتاج لانعاش
بسم الله الرحمن الرحيم
السلام عليكم ورحمة الله وبركاته بعد أن كتبت عدة أبيات لهذه القصيده, وكانت بوزن مختلف, ولكن بنفس القافية, قمت ببحث على النت عن بعض كلمات القافية, لأرى إن كان هناك قصيدة شبيهة. فوجدت قصيدة غزلية رائعة لملك شعراء النبط (خلف بن هذال), بنفس القافية وبوزن مختلف, يقول في مطلع القصيدة: يقطعك يا حب(ن) توقف على ماش ومن حب حلوين المظـــاهر بلاشي اللي يبيعون المـــــــــــودين ببلاش حلوين الالسن والقلوب الغشاشي فغيرت وزن هذه القصيدة, لتصبح معارضة لقصيدته. الشعر صـــار اليوم محتـــــــاج لانعاش لانه غــــــــــــدا يشبه طريح الفراشي والا شبيه مصــــــاب من طلق رشاش جسمه غدا ملفوف قطن(ن) وشاشي بعض العرب وزنه على طاش ما طاش والا كمـــــــــــــــــا بردان زاد ارتعاشي يكتب قصيده مثل قـــــــــول الدمرداش حرفه بلا معنى ولا وزن مــــــــــــاشي مــــــــــا نبغي السبّه ولا نبغي هواش لكنّ ودّي نرتقي بــــــــــــــــــالنقاشي الشـــــــــعر مثل اللي ينقّي بمنقــاش والا كما رامي يصيد المنــــــــــــــاشي وبعضه غريب احساس من قلب رعّاش في وصف صــــــوره زاد منها انتعاشي وبعض العرب من حلو الاشعــار يعتاش مــــــــــــــاله وظيفه مغنيه أو معاشي هذي علوم الشعر واقـــــــــــولها كاش امــــــــــا حفظت الــــــوزن والا بلاشي |
يعطيك العافية اخوي على الابيات الشعرية
|
الله يحييك ياشاعرنا ويحيي علومك
البركة في شاعر المليون وشاعر المعنى وشاعر العرب وشاعر بإحراج ..........الخ اش رأيك نسوي ( شاعر المصنعة ) والجائزة : قطعة ارض في ناوان 600م مقدمة من مكتب ابو بندر للعقار - ؟ منتظرين ابوسعد يرد عليك والحمدلله على السلامه -------------- همسة : ترى غيابك طال بس المشكله انك تجيب اعذار تشفع لك 0( تِحْرُجُنّا : على رأي اهل جيزان ) ======== دمت لأخيك ابوطلال |
الأخ AAALSHAER
السلام عليكم ورحمة الله وبركاته انت دائمــا تطــوّل الغيبــة ولكنـك ماشــــاءالله تعــود بروائع جميلة بارك الله فيــك : لا جيـــت مســـــتشـفى بهـــا غــرفة انعـــاش لــــــزوم تعـــــرف مـن يكــــــــن بالفـــراشي لاشـــفت معصـــوب اســـأله اش ورى الشــاش مــــرضـــــاننــا مـا بــين جبــــس وشـــــاشـي واذا نــــزلت الحفـــــل تلقـــى الطلــق طــاش اعصـــاب مــــافيهــــا غلـــــط وارتعـــــاشــي بعـــض العــــرب صـابه مــن الحكــي دش داش مــا يســـــتمع قـــــول الغــــريب المـــــواشـي علــــوم بعــــض النــــــــاس يـــاواش يــــاواش قلـيـــــل مـــــا تلــــقى بســـــوق النقــــا شـــي لا مــا تعـــــب شــــــوفك فــــدوّر علــى قـــاش والا علــــى مشـــــــفى بجـــــــــدة بــــــلاشـي دائـــــم نقــــــل بالصــــدق عـــاش الملك عــاش مـــــادام بــــــــاقي راتبـــــي والمعــــــــاشـــي في معمــــــل التحليــــــل نبحــــــث عـــن الاش الآش فـــي المعمــــــــل لحـــــال اومـــع شــــي مــــا حـــــدن بســـــامع لك ليــــا كنـــت بكـــاش صــــــدق الحـــــديث تحققــــــه او بـــــــــلاشي |
بسم الله الرحمن الرحيم
السلام عليكم ورحمة الله وبركاته حياك الله يا (عبدالله), وشرفتنا بمرورك وتعليقك. أخي الكريم أبوطلال, الله يحييك ويبقيك يا ذوق, وترى ما أغيب الا مجبور, والله يعين على الدنيا, بس بصراحة والله لضحكت من كلمتك (تحرجنا). حيا الله ابو عبدالله, وحقيقة فيه تطور في شعرك ملحوظ, ولكن ركز أكثر على المعاني, موفق. مسكين ياللي شغلته بس تنخّـــاش ولا يميز يبن شـــــــاعر ونــــــــاشي اذا كتب تقرا كتــــــــــــــابه لحشاش مضيع(ن)... حرفــه شبيه الحواشي اللي يبيع الكذب نعرفه غشــــــــاش واللي عطا الرشوه نقول انت راشي لا ما يفرق بين جــــــــــــاهل ونحاش ولا فرق عنده بعير(ن) وحـــــــــاشي عينه بها شبه المرض أو بهــا غطاش مثله تقل مجنون ســــاكن عشاشي خله يردد اسم من قــــــــال له عاش والا يردد عاش عـــــــــاش الخراشي |
الأخ AAALSHAAER
الســــــــــــــلام عليكم ورحمة الله وبركاته شـــكرا على المـــلاحظة بــس لاتطــوّل الغيبــات تـــاجر تجــــر تجــــــــرة من الهنـــد خشـــــخاش الســـــوق فيــــه مـخـضـــرم فيــــه نـــــــــاشـــي يفــــــرح بطــــــاري مـــاذكـــــر كــل حشـــــاش تـــــــراه يبحـــــث مـــن حــــواش لحــــــواشـــي ليــــــا جيـــــت للملعــــب حكــــم كــان غشــــاش الفــــاول يحصــــل والحكــــم مــــا يــــرى شــــي لاعــــب وســـــط مــــوهـــوب هــو بــس ينحـــاش ليــــــا مــــا ركــــض يشــــبه لقــــرحان حـــاشي فـــي دفــــــــتر الإمـــــــلاء مـســـــوح وغطــــاش ليــــا جـــــاع مــــا بقّـى لحـــــد مالعشـــــا شـــي علـــى جبـــــل بـــركــــوك عــــاش العــــلم عــاش مشـــــــــجعـا للســـــــــالمـي والخـــــــــــراشـــي |
عساكم على القوة دائماً.. >> ابو سعد يبلغكم سلامه وهو حالياً في فترة راحة واستجمام وسيعاود نشاطه قريباً ومن ذلك رده المرتقب على قصيدة الشاعر الجميلة.. >> دعائي للجميع بالتوفيق << |
الســــلام عليكم ورحمة الله وبركاته
الصـــيف جــاء حــل الســــفر والجســم عــاش بنــــاخـــذ الأغــــراض نطــــوي الفــــراشــي نجــــــــدد المــــــوتر بـــــــــدولاب وقمـــــاش فلـــــــتر جــــــديد والــــزيت بالميــل مــاشـي خيـــــامنــــا معنــــا عــن الغيــــم ورشــــــاش امــــــا الجنــــــوب والا الشــــــمال التمــاشـي اســـــبوع مـايكفــــــي لـــــــــدلة ومهبــــــاش طــــوي الــــدروب الخضـــر ولــه ارتبــــاشـي واحـــات بالصحـــــراء لهــــا القلـــب ينحـــاش تجمّــــــع الأصحـــــاب كــــــثر الهـــــواشـــي جنــــــوبنــــا الاخضــــر علـى الخــاطر بــلاش فيــــــه الـــــــبرود الشــــــافيــات العطــــاشـي أفــــــراحنـــا تـــــــزداد بالحــــب بالجـــــــأش ارض الكـــــــــرام الــــزاهيـــــة والمنـــــاشـي لقيـــــــت في الدنيــــــا منــــاصـح وبكـــــــاش مــــــرفعـــــين الشــــــاص جلــــد الحـــواشـي ليــــا مــالقيــــت الشـــــهم ترحيــب وبشــــاش يستــــــــاهل النشـــــمي العلـــــوم البشــــاشـي شـــــفت البيـــــارق راكـــــزة فــوق الاحــواش الـــــوانهــــــا تـــــبرق بـــــروق الفــــــلاشـي ياللـــــه نســـــال اللطــــف والســــتر في راش فـــي تهمنـــــــا الخــــــيرات زرع ومحــــاشي ـــــــــــــــــــ |
الله يحييكم ويقويكم ويطرح البركه فيكم .. وما شاء الله عليكم الله يوفقك .
مشاركه بسيطه وعساها تنال استحسانكم .. وسامحونا . بعض العرب تلقاه للعِرض نهاش ياكل لحـوم الناس يحسبه حاشي اذا لقيته يظهر الـود .. غشاش ماله امان وصحبته لـك تماشي الله يكفينــا ويكفيـك الاوباش اللي الى غبتم يقرمشك قرماش |
الأخ البـــــــــــدر
السلام عليكم ورحمة الله وبركاته محاولة جيدة منك واضحة المعـاني والاهـــداف ,أســـتمر بســـخاء بارك الله فيك : ليــــا قــال قـــول البــــــدر مافيــه هـش هاش مـــا بـــين الأســـــطر لاتـــدور محـــــاشــي الـــود مـــا ينبــــاع لـــو كنــــت قشـــــــاش الجهـــــل مــا يـــــرفع شـــــفه وانت مــاشي جنّـــــب عـــن علــــوم الــردى والتخــربـاش بعــــض العــــرب مــايقـــر تلــــقاه مــاشـي |
بسم الله الرحمن الرحيم
السلام عليكم ورحمة الله وبركاته الله يحييك يالبدر, الظاهر ابو عبدالله يفهمك أكثر من غيرك, الله يديم لك محبة الجميع. الشعر من داخل فؤادي ترى جــــــــــاش مـــــــــا هوب مثل اللي علومه هطاشي مني حروف الشعر تنبت لها اريــــــــــاش وغيري تعب يبني بيوت(ن) هشـــــاشي الشعر يشبه سبع في وسط الاحــــراش ويشبه نعومة ماء هــــــادي ومــــــاشي يشبه صفا عين(ن) تغطت بالارمـــــــاش ويشبه لحقد انســـــــــان يسمع لواشي هذي قصـــــــــــــــايد شعر ما قالها لاش ولا نسج بخيوط شعره خيـــــــــــــــاشي سمّعت حتى الطير في وسط الاعشاش واقلّها تكفين منّي تحـــــــــــــــــــــاشي |
السلام عليكم ورحمة الله وبركاته
أبـــو نضـــال اليـوم أجــا والا مــا جــاش الكـــرم يتمــايل ويشــــكي العطــــــاشـي الكــــرم ما بيطــــير لـــو ينبـت أريــــاش لـــوركـــب مـــراوح بمـاركـة هيتــــاشـي فـــلاّح مســتأنس ليــا جـاء الفـــرح راش يقــــول مــافي الــــراس مـربــط قمـاشـي عـــين(ن)تنـــام وعــين تغمــز بـرمـاش لا تقـــــرب اوذانــــك لقـــــول المــواشـي الشــــوق مــن شــــوقي لك الـــود وبــلاش أســـــــوق لك اطنـــــان منــه وكبـــــاشـي قبــــل العــــــلا لازم تقيّـــــل بالاعشـــاش وبـــر العبــي مصنــوع مــن جلــد حـاشـي |
يعطيكم العافية على هذي المحاورة
|
اقتباس:
الله يبقيك ويحفظك .. بالنسبه لابو عبدالله نعم هو كذلك ويعلم الله انه قريب جدا من نفسي لذلك هو يعرف ماعندي واعرف ماعنده .. أسأل الله ان يديم المحبه بيننا جميعا وان نحسن الظن ببعضنا البعض .. اما بخصوص الكلمات التي قلتها فتأكد ان منبعها من الشفاه ولاتتعداها ولم تكن موجهه والله لأحد فلست بشاعر ولا استطيع ان اعبر عما بداخلي .. واستمتاعي الحقيقي هو معكم فيما تقولون وتكتبون .. وما عندي وانا اخوك الا خشاش . الله يسعدك . وبالمناسبه ابو عبدالله هو من المتفائلين جدا ويحب تشجيع الاخرين في اي ميدان كان .. مثل مدرب اللياقه البدنيه يحاول يحمس الافراد حتى تكون لياقتهم عاليه .. ولكنه يصتدم معنا ببعض العوائق تضيع مجهوده .. أسأل الله الا يخيب له رجاء . اخي الغالي : الشعر يشبه سبع في وسط الاحـراش ويشبه نعومة ماء هـادي ومــاشي اعجبني هذا البيت كثيرا لما فيه من التشبيه الجميل الرائع .. فالشطر الاول تشبهه بقوة السبع والثاني النعومه والهدوء مثل الماء الذي يأتي من بعيد في انسيابيه هادئه لايعكر صفوه شىء وما عليك الا ان تطم وتروي عطشك .. ذكرتنا بالعيون والنجول بل والماء يجري في الفلجان عندما تكون البير بعيده قليلا عن مكان ما تسوق ذكريات لاتنسى . وفقك الله وسدد خطاك وجعل الجنة مثواك . |
السلام عليكم :
بارك الله في الجميع عسى الله أن يجعل أياكم سعادة وآخرتكم قي جنة الفردوس . |
| الساعة الآن 12:05 PM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ