مجالس منتدى قرية المصنعة الرسمى

- مجلس الشعر والخواطر الأدبية (http://almasnah.co/forumdisplay.php?f=15)

- - مني نصيحه (http://almasnah.co/showthread.php?t=23591)

مني نصيحه

مني نصيحه يا رفيقي ودونك ..

مني وأنا اللي بالموده مصافيك ..

أختر صحيب بالخفا مايخونك ..

ماهو من اللي بالخفايا يعاديك ..

تشوف صدقه في غيابك يصونك ..

فعلآ تحس إنه من القلب يغليك ..

وقت الشدايد أول اللي يجونك ..

ماهو من اللي بالشدايد يخليك ..

عونك على دنيا وسلوة حزونك ..

في ضيقة الخاطر بجنبك يواسيك ..

ذيب الذيابه ما يخيب ظنونك ..

واليا نصيته قال يامرحبا فيك ..

لله دره يرتفع في عيونك ..

هذا مكانه وأحتفظ به بعينك ..

وغيره تراب القاع لو هم يبونك ..

كذب المظاهر لايغرك ويعميك ..

لو شفت ضحكتهم فلا يخدعونك ..

ترى المصالح جمعتهم حواليك..

واليا أنتهى واحدهم أنكر معونك ..

حتى إتصال وكيف الأحوال ناسيك..

صحيح بعض الناس يسوى عيونك ..

والبعض والله مايساوي مواطيك ..

هذي نصيحه يا خليلي ودونك ..

معها تحيه من محب مصافيك

أحسنت أخي الكريم

نسأل الله أن يحبب إلينا الكرام الأوفياء الأبرار ويبعد عنا اللئام الأشرار

مشكور اخى على هذا الطرح الجميل مع التحيه .

ما شاء الله عليك اختيار موفق .. وكلمات في غاية الروعه .
الله السعدك وبالجنة يوعدك .

كلام لا يعلى عليه والاولين يقولون النصيحة كانت بجمل
واليوم يا أخي( بيني وبينك) تغير الدهر كثرت النصايح وقل المنتصح
وأنا أقول ما دام نصحتاه وما أنتصح فخله يا خذها براسه