الضيف رقم (23) أ / عبد الرحمن علي احمد حسن ال شعبان
 

اشكرك اخووي سعيد بس ان شاء الله ما ثقلنا عليك بالاسئلة في الاسبوع الماضي

ونرحب بضيفنا العزيز عبدالرحمن علي احمد حسن ال شعبان

ولي رجعة ان شاء الله لكي اسئلك بعض الاسئلة

مرحـــــــــــــــــــــ1000000ـــــــــــبا


س1/ماهـــــــــــي حكمتك في الحياه؟؟
س2/ما هو اصعب موقف في حياتك الشخصيه والمهنيه؟

مع اطيب تحياتي ،،،اخوك /اسيرالليل

يالله حيه الاستاااااذ/ عبدالرحمن..

بسم الله والصلاة والسلام على رسول الله ..

أشكر لك أخي العزيز أبو عبدالعزيز حسن ترشيحك لي وانا جد سعيد بتواجدي بين أبناء عمومتي واخواني .

بطاقتي الشخصيه تقول

الإسم / عبدالرحمن بن علي أحمد آل شعبان

متزوج ولدي من الأبناء ثلاثه .. أزد .. أسامه .. الهيزم + اربع كريمات

المؤهل .. دبلوم علوم أمنيه + شهاده جامعيه متوسطه في الحاسب الآلي

البقا أخوي أبو عمر .. واتمنى ان أكون ضيف خفيف الظل غلى الجميع .

وعليكم السلام ورحمة الله وبركاته اخوي الصحيفه

ج1 - طبيعة عملي في السفاره .. المشرف على الشؤن الأمنيه بالسفاره والملحقيات التابعه لها .

ج2 - نعم أجيد اللغه التركيه .

ج3 - عملت في تركيا _ أنقره _ لمدة عشر سنوات وفي ماليزيا أربع سنوات وفي سوريا فتره بسيطه .. عدة أشهر فقط .

ج4 - مؤكد أنصح بزيارة هاتين الدولتين لوجود جميع المتطلبات السياحيه بهما .

ج5 - الإجابه على هذا السؤال تحتاج الى مجلد (طبعا ما أقصد اسمي في المنتدى ) ولكن كلتا الدولتين _ اسلاميه _ سياحيه _
تركيا طبيعه وأمطار وثلوج وبحيرات وغابات وحضاره قديمه وجديده .. اهتمامهم بالسائح جيد _ أطباق المأكولات لديهم قريبه مما لدينا ومتطابقه أحيانا .. أسعار السكن ليهم مقبول جدا كما هو حال المشتروات المختلفه ... يملكون الأراضي الخصبه وتوفر المياه وكثرة الأيدي العامله .. وصناعاتهم تبدأ من عود الكبريت وتنتهي بطائرات إف16 مرورا بجميع احتياجات الجتمع المدني والعسكري .. وأنصح بزيارة أنتاليا + كومور + دودان ( شلالات ) + كبا دوكيا + سامسونق + بورصه + وهناك الكثير مثل المتحف الإسلامي في استنبول وخلافه .

ماليزيا بلد اسلامي جيد تسعة أشهر في السنه ممطره وثلاثة أشهر الأمطار فيها متقطعه .. هي بلد الصواعق المخيفه أثناء هطول الأمطار الغزيره .. اهتماماتهم بما يحمله السائح من مبالغ نقديه .. ونظامهم هو التعامل بالمثل .. بلد ثقافه تكنولوجيه .. خليط الأعراق فيه أوجد جميع طبقات المجتمع ابتداء من السيئ جدا وصولا الى المتحضر الراقي .. ( هناك يجب أن لاتبرز كميات كبيره من النقود لكي لاتتعرض للسرقه ) من الأماكن الجيده فيها .. جبل الجنتنق .. ملكا .. بينانق .. سنوي لاقون ..كي ال سي سي .. وهي بلد مشتروات الكترونيه وتأثيثيه .

البقا أخوي اسير الليل

حكمتي في الحياة تقول ..

سدد وقارب .

من المواقف الصعبه ..

مره اعطاني الشيبه خمسين ريال يوم كان الريال ريال وقال اصرفها وجب بريالين عيش .. وفي الطريق لقيت قطعة جريده خذتوها وجلست اقرا فيها وانا رايح المخبز وبعد ما خلصت منها شققتها ورميتها .. بعد ما وصلت المخبز وخذت الخبز مديت ايدي بالفلوس وخذها صاحب المخبز ورماها في التنور .. أثاري اني شققت الخمسين وخليت قطعة الجريده في ايدي . ويعلم الله اني يوم علمت آبي بالحقيقه وجبت له اللي تلقطتوه منها ضحك وقال الله يعوض علينا يا ولدي .. لاهاوش ولاضرب الله يرحمه ويسكنه فسيح جناته .

من المواقف المهنيه

كنا طلبه قبل التخرج وكان ظابط الخفر عازم ظباط من زملائه وجاب ذبيحه واعطاها الطباخين في الميز .. بعد ما ظبط العشا وطلعه لهم الطباخ ردوه وقالوا له طلعه لنا بعدين و رده الطباخ في الفرن عشان يبقى حامي .. مشكلة الطباخ انه مر به من قدامي وريحته تنعنش القلب خصوصا وانا ممنوع من الاجازه ومحجوز معي 11 واحد .. المهم اني خليت الطباخ الين خرج وسريت على عشا الجماعه كوزي والتقطتوه ومعي واحد قلتله انته عليك الحبحبه .. وفين ما نمسحه مسح هوه والحبحبه وردينا باقي العظام وقشر الحبحب بالصحن في الفرن ماعدى راس الحبحبه ( استغفر الله العظيم ) اخترجنا اللب واستعملوها الشباب طفايه وخلوها في البركس .. وهذا اللي اثبت الجرم على المجموعه .. وبصفتي المشاغب رقم واحد أخذني الظابط على جنب وقال أنا أعرف انه مايسويها غيرك وانا في موقف ما أحسد عليه دبرني .. وهلت دمعته .. وانحرجت قلت له ابشر بالخير ولا يهمك بس ما يتعاقب أحد ، قال تم .. وعودت على رفاقتي وفرقنا حق ذبيحتين وسريت لصاحب مندي على طريق الشرقيه وجبت لهم ذبيحتين ولوازمها . بس ماراح انسى دمعته مسكين .. والآن هو برتبة أو لواء وكل ما قابلته يذكرني بالموقف .

البقا أخوي عبدالله ..

انا موجود بس سؤالك الخامس قطع عليه الطريق في المسراب وانا جاي المنتدى ..

لكن ماعليه وصلت