|
أبو محمد (عبد الله بدران)
أولا مبارك عليكم الشهر ثانياً : هذي قصيدة في أبي محمد (عبد الله بدران) أسأل الله أن يمن عليه بالصحة والعافية, ويعلم الله في هذا الشهر الفضيل أنني ما قلتها إلا محبة له ففيه من الصفات مايندر أن تجدها في سواه . يادار وش بقّــــــى من الطيــــب للغير حاز الشرف من كل قاصـــــــي وداني في مدة إيده ما تــــــــــــــقلّ المقادير وفالقول تلــــــــقى من عذيب المعاني وأما الكرم مــــــــــا نافسوه المشاهير في مجلسه الضــــــيف راضي وهاني يلقــى البشاشه والـــــرّحب والتباشير كـــنه ملك داره وما جـــــــــاه عـــــاني وأمــا الوجاهه وجه مقصـــــــــود للخير رنـــات جــــــــوالـــــــــــــه تعدّ الثواني وأمــــا المحـــــــــــبه أنشد كبير وصغير وإن كـــنت كاذب ليـــــت يقطع لساني وأمـــا الرشاده حــــــــــاز حكمه وتدبير مـــاهي دغافيل(ن) بخـــبت(ن) يماني وأمـــا النبــــــــاهه صقر ما يسبقه طير مــــا ينــــــــزل إلا عاليــــــــات المباني يابـــــو محــــــــــــــمد مابقي إلا زرازير خـــــفف جــــــناحك ضربتك شكل ثاني هــــــــم عيشـــــــونا فالمنى والتفاكير حـــــــتى لطـــــمنا مشهد(ن) بالعياني من بيننا راحــــــوا على شــــور ومشير وعــــــادوا كما مـــن قال هطل الأذاني ماعـــــــاد ينفــــــــع بعد ما شفت تبرير الله يعـــــــوضــــنا مـــــــــعا جيل ثاني الدار قلّت بعــــــد شـــــــيخ الــمناصير وعبد العزيز اللــي ســــعوا في تفاني كــــل القرى حــــــــــــولنا أصبحت غير وأنحن نراوح بيــــن ليت وعســـــــــاني اللي ســـــــعى للــــــخير مذكوربالخير واللي بغا العلـــــــياء يــــروس المكاني يابو محمد لا تـــــخلّي المحـــــــــــــايير في ساعة النشبه وجـــور العــــــواني بيدك رشا ممـــــــدود والــــــــدلو فالبير قم طــــــف للعطشى لهيـــب المحاني والناس ما تبغـــــي كثـــير المــــشاوير اللي علـــى همّه ســــــرى ما يوانــي وإذا نصـيته قابلــــــــــــك بالــــــمعاذير عذر(ن) ملـــــوّى عذر كانــــي ومــاني الناس تبـــــغي مــرجلة ســــــالم الزير ومن الأدب حـــــــكمة بديـــــع الزماني هـــــذي الرجاله لا تـــــقل بعــدها خير وآبو مــــحمد حـــــــــــازها أول وثـاني الله يشـــهد له مــــــــــــودّه وتقـــــدير والشــعر قصّـر عـــــن بلوغ المــــعاني |
يستاهل ابو محمد ويعطيك العافيه يابو سعد
|
[b] أبـــــدعت يـا أبـــــا ســــــــــــــــعد بيّض اللـــه وجهـــــك على هـذه الرائعـة الجميلة
وأبــــا محمـــــد رجـــل محبــة وســـلام وفيّ مـع وللجميــع نســـأل اللـه تعالى ان يحفظــه وان يمتعــه بالصحـــــة والســــــلامـــه . الــــــــــــــــــــــــــــــــــــــــــــــــ ــــرد يـابـو ســـعد قـــولك عـدل دوم بـالخــــير تنطـــــق صــحيـح القـــول أول وثــانـي مــاردك عـن الصــدق عـــذر المعــاذيـر ولا انتقـــاد يجيـــــك مـن صـــوب عـاني اخـترت نشـــمي ســــمعته طـافت أوهـير هــذا زمـــــــان الطيـــــب والكــل فـــاني حظــه تمــام وقســـمته في المعــاشــــير مـــا يـــدّرق عـن ضيفـــه ابعـــد مكـاني يفـــزع لــذا يعــرف وهـو فـزعتـه غــير تــروي العطـش يـا كـل مـن جـا ضمـاني مــرحـب(ن)بالضــيف لـو يـذبـح بعــــــير يقـــــدمــه للضيــــــــف نـاجــــح ولا نــي ان جيــت ســـدّه ســدّه اعمـق مـن البــير مـا هــو كمـــــا مـن يتبعـــون الحصــانـي رأيــه عــــدال ومثــل خــــط المســاطــير يبنــــي علـى رأيــــه ملقّـــف وبــــــــانـي لاشـــرّف المعــــراض رحّــب بـه الــزير وردد الشــــــــــعار عــــــــذب المعـــاني ســـيفه في المعـــراض مــاهــو بـواكــير في يــــــده بـالميــــدان لـــــه لمعتــــــاني لاصــار حكـي النــاس مثــل المنـاشــــير أبــــو محمـــــد مـا يجــــــــامـل عـلى نـي ميّــــال للأتــــي ولـــو جـــــــاه تقــــريـر عـــن كــالـديرون شــكّل وعـش يـازمـاني لــه هبـــة بالخـــــير مثـــل المعـــاصـــير يلحــق بهـــا مــن كــان شــامي ويمـــاني لاهـــب للمجلـــس تقـــل كنـــه الطــــــير ســــــــديده اقــواله مـا عنـــده أمــــــاني الـــرأس مــرفـوعـه وللشــــور في خـــير العقــــــــــل حكمـــــه قـالهـــا الأولانــي ســـارت علـــوم الشــيخ واللــه مســايـير مـــن جـــاء محــرم واصـلت لـرمضــاني يحســـب عـلى الأبيــــار بــير ورى بـــير خــلى الـــدويني في الخـــــلا يلمحـــانـي يغـــــير في الـــوادي وحـــوله مغـــاويـر نشــــــمي في الـــديره ولـــه نـومســـاني مـــا تــوقفــه ضيعــــــه كبــيره بهـا ديــر دائــــم حضــــوره مــا يجــــي متــــوانـي النــاس تبغـــي الفعــــــل قبـــل التيـــازيـر تبغـــي الكـــرم والعـــز ذكــر الـــزمـاني أبــــو محمــــد دوم ســـــــــباق للخــــير مـــالــه عـــذور ان كــان مـاجـاك جـاني هــو قـــــدرك التقــدير ويشـــير ويــديـــر الســــيف وســـــط المعـــركــه يلمعــاني (اوهــير : مطار شــيكاغـــــــــو العـالمي) /b] |
صح الله لسانك
وابو محمد يستاهل |
يستاهل ابو محمد
ويعطيك العافيه |
يعطيك العافيه أخوي / محمد سعد الكريمي
وأهنئك بختيارك لبعض رجال القريه الذين يستهلون شعرك تحياتي للعم / عبدالله بدران أسال الله أن يمتعه الصحه والعافيه |
شكراَ للشاعرين على هذه الابيات التى تثنى على اخونا صاحب مسيرتنا الشبابيه ابو محمد .
واشهد الله أننى احبه فيه فسلام لك من القلب وكل عام وأنت بخير .وشعارنا الكرام |
الإخوان الإعزاء :
أبو سويد ......مصنعي وأفتخر....فرحان ...أبو عهود ....الحبيب عبد الله مرزن . آسف على التأخر في الرد عليكم..... مبارك لكم الصيام والقيام إن شاء الله . أمّا أنت يا( أبا عبد الله) فقد أضفت ما يستاهله أبو محمد جزاك الله خيراً وعهدي بك وفياً. |
| الساعة الآن 05:02 AM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ