مجالس منتدى قرية المصنعة الرسمى - العيد في الديره زمان

- مجلس المواضيع الـعـــامــة (http://almasnah.co/forumdisplay.php?f=12)

- - العيد في الديره زمان (http://almasnah.co/showthread.php?t=14310)

العيد في الديره زمان

السلام عليكم
كنا نهار العيد نقوم نصلي الصبح في المسجد ونسلّم على بعض ونعوّد البيت نتجهز ونتلبّس ثيابنا

حقت العيد والسفان يتلبسون ثيابهم الجديده وتشوف الناس طول الوادي مع الشرقه مفلحين

المشهد يصلون صلاة العيد وبعد الصلاه نقوم نعيًد على بعضنا في المشهد ونزور البيوت القريبه من

المشهد ونعيّد عليهم ونعوّد بيوتنا اللي معه ذبيحه يذبحها ونجهّز الفال ويجتمعون العول كلهم عند

واحد يتفاولون ونزيد نتغدى عند واحد من العول ونتعشى عند واحد دغابيس والا من الميسور

والناس كلهم الكبار والصغار فرحانين بالعيد والسفان يتلعبون مع بعضهم واللي معه لعبه يتلعب بها

واللي يعيد على الجيران واللي يزاور أقاربه ويعيّد عليهم ويقول:

اُم العايدين

ويردون: الله يعيدنا وانت

وكنا نعيد على اهل القريه من طرفها الى طرفها من الدار إلى القرنين إلى القرنه كل ناس اربعه

انفار والا خمسه والا أكثر يزورون البيوت ويعيدون ويشرب كل واحد فنجال قهوه ويتلقّط اما حبه تمره

ويغطها في السمن اللي يهنا بالهنا والا من الميسور ويتوكلون على الله ويجي غيرهم والناس

يتقابلون في الطريق ويسلمون على بعض ويتعايدون والنسوان يعيدن على بعضهن والجيران

يتزاورون ومبسوطين وفرحة العيد مابعدها فرحه

سقا الله ذيك الايام

أما عيد تالحزّه......... والا اقل لكم كان من الهروج اخاف يجيلي جلطه من جيل اليوم وعيدهم0

علوم ابوكم الشيبه وسلامتكم

سلامتك أبونا الشيبة من أي جلطة ... وماتفضلت به عن العيد في الأيام الخوالي جعلتني أشعر به يحدث الآن خاصة عندما كتبت يغط التمرة في السمن على الفور عانقت أنفاسي رائحة السمن زمان .. تلك الرائحة البكر بما فيها من نية طيبة وتعب يتلذذ به أهلنا ليسعد الجميع .

الله يهديك يا شايب الرحمن ذكرتنا في العيدزمان الله واكبر على ذيك الايام كان فيه واحد من

اهل القريه نروح لبيته ويخرج لنا الصحون مليانه حلاوه ونا كل ونشيل الباقي في جيوبنا.

هذا البيت لازم نروح له في كل عيد..

ام اليوم زين اذا شفت جارك وواحد رد السلام على الثاني.

الله يرحم حالنا..

الله على زمان وايام زمان..

مشكو ر ياشيبه..

سقا الله ذيك الايام....

أثرت الشجن يابه الشيبه ..

تفضل هذي الصورة هدية لك :: (((( الجماعة في المشهد زمااااااااااااااااااان )))) :::

http://www.angelfire.com/ma3/almasna/Alaeeed.JPG

لك احترامي وتقديري ,,,,,

صراحه حلوه ليتنا لحقنا الايام ذي كان تمتعنى احسن من الحين..

الله الله عليك ابوطلال على الصوروالله العظيم حنيت لل ايام هاذي وخا صه المشهد..

رحم الله والد ي وجميع اموات المسلمين..

الا ليت الزمن يرجع ورا ولا الليالي تعود

http://9daa.net/up//uploads/images/d...abb464d773.jpg

الله يعطيك العافية ( أبونا الشيبة ) ماقصرت
عدت بنا إلى الوراء سنين ليست بالقليلة
كان لها حلاوتها وطعمها الخاص بلا شك..

ابي الشيبه كيف حالك ونبي قصص جميله..

اه على العيد زمان اما الحين يجي العيد ويروح والعالم نايمه وخاصه المدن