مجالس منتدى قرية المصنعة الرسمى

- مجلس المواضيع الـعـــامــة (http://almasnah.co/forumdisplay.php?f=12)

- - بعد ماجا التلفزيون (http://almasnah.co/showthread.php?t=14569)

بعد ماجا التلفزيون

السلام عليكم
ياربي حيهم أول وتالي

كنا زمان في فظاوتنا نتلاقي مع بعض ونتهرج ونعطي علم وناخذ علم ونوسّع عن خطرنا ونعرف

الاعلام كلها عن البلاد والامطار والحلال والسوق والزرع ونتسامر وكل واحد يروح وهو منشرح خاطره

وبعد ماخرج علينا التلفزيون صار كل واحد قاعد ركبه ونص قدامه يتلمّح في التماثيل وفي الاخبار

على قولهم وما عدنا نتسلى وننبسط زي ماكنا وكل ماواحد قال كلمه قال الثاني أصّه خلونا نسمع

الاخبار والا التمثيليه وصرنا والله ماعاد لنا نفس حتى نقابل بعض بعد ماكل واحد صار ماودّه إلا

يقابل تلفزيونه
الله يرحم اللي ماتو ليتهم عاشو وشافو الجوالات اللي ماعاد الواحد يتهنّا بهرجه والا يسمع هرجه

ماتسمع إلا دقدقة الجوالات في جيوب الناس
تنقطع هرجة الرجال عشرين مرّه في المجلس من كثر المكالمات وكلها مكالمات مامنها ولا عليها

ويارب لطفك وكان

علم ابوكم الشيبه وعفاكم

الشيبه بجوال
والكهلة بجوال
والمرأة بجوال
والسفان كل واحد بجوال
والشغالة بجوال
والسواق بجوال
وعامل النظافة بجوال

والشكوى لله ...

صار التنافس في اقتناء احدث الانواع ..

والتواصل انقطع

حسبنا الله ونعم الوكيل ..

لا حول ولا قوه إلا بالله

وش نسوي الزمن هاذا كل واحد لازم بجواااال

مشكوووور ابونا الشيبه

الووووووووووووووووو
معنا اتصال من عرعر
بعد اذنك ابونا الشيبة لوسمحت
الوووووووووووو
مشكوووووووووووووووووور ابونا الشيبة كلام مليان ولا عليه غبار
تصدق قبل يومين بالضبط كنت ابغي اكتب موضوع مشابه لموضوعك هذا
لفت إنتباهي اب يتحدث مع ولده أبن الربيع الخامس عشر
وفي إثناء الحديث دق الجوال في جيب الأبن
وأنصرف وخرج من المجلس قبل أن ينهي الأب حديثة معه,,, فما كان من الأب إلا أن ابتسم إبتسامه عريضة ودعا له بالهداية ,,,
بعد أن هز راسه وكتم أنفاسه ,,,وردد عبارة الغاضب الحنون
(جيل اليوم الله يعطينا خيره)
يعطيك العافية ابونا الشيبة تقبل مروري مع التحية ودمت والإبداع
سحاااااااااااااااااااااااااابة صيفــ

تقدمنا المادي سبق تقدمنا الفكري بدليل أننا - إلا القليل- لانحسن
التعامل مع معطيات العصر بما فيها وسائل التقنية والاتصالات
فأصبحنا نشعر بأنها عبئاً كبيراً وحملاً ثقيلاً.. والله المستعان,,,,,