مجالس منتدى قرية المصنعة الرسمى

- المجلس النسائي الـعــــام (http://almasnah.co/forumdisplay.php?f=37)

- - عيب وشق جيب (http://almasnah.co/showthread.php?t=17513)

عيب وشق جيب

الزمان يتغير والحكاية تعيد نفسها
عقول متحجرة وعقول متفتحة
//

\\

//
زمان عيب وشق جيب بنت البيت ترد على التلفون الثابت وشوي شوي صاروا يتسابقون بنات البيت على رفع السماعة
ويكون الأبوا حاضر ويترقب من اللي راح تتوج بالانتصار
//

\\

//
زمان كان الدش خراب وإن دخل البيت ماتعدى مجلس الرجال واليوم في غرفة السنيورة ستلايت والراعي راضي
//

\\

//
زمان كان الجوال بيد رجال وإن لزم الأمر كان بيد متزوجة واليوم الجوال صار حافز للنجاح تلقى الطفل والطفلة
بثالث إبتدائي ونجاحتهم جوال والغريبة يدرون انه ماراح يستخدموه
//

\\

//
زمان كان جوال أبو كاميرا شيء يخوّف وتكنالوجيا مرعبة حتى أنه منع من الأسواق وشوي شوي صار شيء عادي
بيد البنت قبل الولد وهاتي n70 وn80 وعدد ماراح ينتهي من مقاطع خربت بيوت
//

\\

//
زمان كان السواق ما يتحرك مع بنات البيت إلا بمحرم وغرفته معزولة عن الحي كله اليوم صار السواق هو المحرم
البنت تطلع معه بسيارة مظللة وحجرتة بوسط البيت وصار يدخل ويطلع وأبو البيت في سبات بالاستراحة مع شلة الأنس
//

\\

//
زمان كانت الأسواق ساكنة تجي الوحدة تشتري أغراضها وتمشي واليوم صارت منتزة وأيادي ماسكة الجوال
برموز فاتنة وهاتي بلوتوث ورسايل وغراميات مع هذا وذاك حتى أبو هنود صار له نك نيم (( كل شيء بعشرة ))
//

\\

//
زمان وزمان

أنا ما أزكي الشباب

بس المشكلة صارت في ازدياد
اختلط الصح بالغلط
وصاروا يسايروا الوقت
يتعصبوا بالبداية والناتج رضا بالنهاية
كذا التكنلوجيا
ولا حنا ماعندك أحد
ولا سبت ولا اثنين

المهم السموحة ما كتب أعلاه مجرد تنفيس لفتح نافذة للنقاش معكم
من خلال تعقيباتكم
تحيتي بابتسامة

إيه والله زمن العجايب وباقي ما شفنا شئ ..

مشكوره زهرة الربيع عالموضوع الهادف ..

,,,,,,,

شكرا على ردك اختي احاسيس مبعثره

قلتيها بكلامكـ زمآآآآآآآآن..
يعني فعل ماضي.!
والوقت ديناميكي ليس مستقر على حال واحد يا أختي..
كُل شئ صآر عــادي عند أغلب الناس..
يعني الرد على التلفون..والجوال..والدش..
لكن لا اعتقد أن هُناك من يرضى بأن ابنته تصول وتجول مع الســائق في الاسواق بدون رقيب!
وجوال أبو كاميرا صدقيني مو كل البنات يقدرون ياخذونه..
وأنا أجزم ان فيه بنات مايروحون السوق الابطلوع الروح من شدة حرص الأهل...
يعطيكـ العافية يالغلا..

ويــــــــــــــــــــــن البنات ما أشوف أحد ناقش بالموضوع مع أنه يستحق النقاش!

زهرة الربيع شاكره لك موضوعك الاكثر من رائع

انا مايقهرني الا اذا شفت بزر معه جوال احس انه ماله داعي
اما بالنسبه للاسواق انا اروح اتمشى في السوق مع زوجي واولادي مافيها شيء اروح العب الاولاد بزون اللعب واكثر الناس كذا

اما خرجت البنت لحالها والله هذي على حسب تربية الاهل ومراقبتهم ومحاسبتهم لاولادهم

اما بالنسبه للتقنيه فهذي لابدمنها كل شيء تغير مو مثل اول بس الواحد لازم يعرف حدوده ويستخدمها في المفيد