|
البنت اللي مآتعرف تطبخ .. هل تصلح تكون زوجة!!!
البنت اللي مآتعرف تطبخ .. هل تصلح تكون زوجة!!! السلام عليكم ورحمة الله وبركاته....، هذا الموضوع قلت بطرحه عليكم وبشوف آرائكم فيه....، البنت اللي ماتعرف تطبخ.. هل تصلح تكون زوجة؟؟!! تعال يا شاب يامقبل على الزواج.. هل راح تقبل شريكة حياتك بهذا الشكل؟؟!! تخيل نفسك وانت راجع من الشغل ساعة 2 واكيد تعبان ومرهق.. وفجأة تكتشف انو مافيه غداء....، والسبب أن زوجتك العزيزة الغالية ماتعرف تطبخ ....!!! وين المدرسة ومنهج التدبيرالمنزلي من هذاا !!! يعني كله راح ؟؟؟ انا اتسآل وين دور الام في تعليم بناتها الطبخ ؟!! يعني البنت ماجلست مع امها ولا مره وهي تطبخ ؟؟؟؟ فيه منهن أحسن حالا ويعرفن يسوون البطاطس والبض بأنواعه ( مقلي ، مسلوق ، وعيون ) وأحيانا يسوون شاهي ولو انه مره ،، يكون مره ، ومره كله سكر يعنى عسل ...!!! أنا هنا أتكلم عن جزء من البنات ولو انه صار عددهن يزيد....، في السنوات الأخيرة.. هناك أسباب لهذي المشكلة وأهما: 1- وجود الخادمة 2- الأنشغال بالدراسة يمكن يرد علي واحد ويقول الزواج مش طبخ .. حلووو بس بتصومون طول عمركم ، وتقدروون تعيشون من بدون طبخ؟ راح تقولي : فيه حاجه أسمها مطعم ؟ حلو بس راح تعيش طول حياتك كل يوم اذا جعت تروح المطعم . والصباح تروح المطعم والظهر تروح المطعم والعشاء تروح المطعم.. هل راح تستحمل هذا؟؟؟ في الآخير أتسآل سؤال بريئ.. اذا هذي البنت ماعرفت تطبخ فكيف راح تربي عيالك! !!!! ويش رايكم في هالكلام؟؟؟ * * |
والله السبب الاول والاخير هم الاهل المفروض كل واحد قد المسؤلية والا لايتزوج اصرف له
واذا الانسان تورط يصبر ويحتسب الاجر ومع مرور الوقت سوف تكون ماهرة في الطبخ والله اعلم وكذالك الزوج اذا موب قد المسؤلية لايتزوج تحياتي لك ابن المملكة |
يعطيك العافيه أخوي أبن المملكه
موضوع يطرح الكثير من الجدل والآراء أعرف أكثر من زميل زوجاتهم ما يعرفو يطبخو وأمورهم ماشيه والحمد لله اذا كان الزوجين راضين خلاص الوضع عادي ومحد يموت من الجوع الايام هذي وهذا نعمه من الله تحياتي |
ومن قال ان الزوجة مسؤولة عن الطبخ والنفخ ؟ والغسيل ؟ ووووووووو
هذا مجرد عرف اجتماعي اضطهد الفتاة الزوج مسؤول عن النفقة والا يقعد عزوبي احسن له 0 والعتب مرفوع |
عادي جداً
تتزوج واحد مسوي رجيم وخلاص |
والله اللي مايفكر الا ببطنه بالنسبه له ماتعتبر زوجه بس اللي يفكر انه الحياه مو بس اكل وانه ممكن تتعلم الطبخ حتى لو بعد سنه مع انه مو صعب هذا بوجهة نظره تصلح تكون زوجه مو مشكله ,,يعطيك العافيه اولا واخيرا على الطرح ,,دمت بحفظ الباري
|
اقتباس:
يعني يجيب شغاله وهي تقعد تسدح وتبطح من غرفه في غرفه!!!!!!!!!!!!!!!!!!!!! غريبه هالكلام يابو طلال ؟؟؟؟؟؟؟؟؟ لا وبعد اضطهاد للفتااااااااه!!!!!! اذا كان ماتعرف البنت تسوي صحن رز وتغسل ملابسها وملابس زوجها تعنس أحسن لها ماقول ان الرجال يكرفها في البيت زي الخدامه لكن تخدم نفسها وتخدم زوجها والرجال الله يعينه عالتعب خارج البيت |
وووووووووووووووووووووه صفقه واحلى صفقه لأبو طلال ولضوء القمر هذي الناس الفاهمه الحياة صح من جد الحياة مو بس طبخ ونفخ يمكن فيها حاجات احسن من انه تطبخ وماتلاقيه فوحده احسن طباخه
|
الزمن هذا اغلب البنات مدللات مدلعات في بيووت اهلهم وما شاء الله الخدم ما عليهم قصور ابدا << بسم الله عليك اما انتي ما كأنك منهم :D لكن ساعة الجد والزواج خلاص البنت ما شاء الله عليها قدها وقدود\ وبعدين البنت اذا تحب زوجها لوعمرها ما شلت شي من الارض بتصير احلى طبااخه لزوجها ولكن اهم شي يكون برغبه منها ولو تزوجت وهي ما تعرف تطبخ راح يكون العيب على امها تزوج بنتها لرجال وفي الاخير يكتشف الزوج انها ماتعرف تطبخ :evil: طيب ليش كذى ليش ماتعرف الام ان بنتها بتصير عندها مسئوليه وعندها بيت ورجال وعيال المشكله والمسئول الوحيد هي الام ماعلمت بنتها من اول قبل لاتزوجها للرجل الي يبي الراحه ويبي يعزم ويبي يتفااخر بزوجته قدام اهله وعاايلته واصحااابه ويبي ويبي المرأة عند الرجااااال هي .. وزارة الغذاء والدواء .. وزارة التربية والتعليم .. الحبيبة .. نبع الحنان باختصار هي عصب البيت المتين والاساسي .. اذا ضعف انهار البيت على ساكنيه ... / :mrgreen: وحبيت اضيف شي هذي كلها قشور وسطحيات لا تعتبر مقياس لزواج لانه الزواج اكبر من طبخ وكذااا على ماا اعتقد ;): هذي من وجه نظري مع اني بااقي بنوته لاكن الصح صح والخطأ خطأ وكل شي واااضح قداام البنت بس يبغاالهاا شويه تفكير بعقلهااا والحمد لله افتكر ان ماما الله ييحفظها مسكتني مسكه بعد ما خلصت المتوسط ودخلتني المطبخ ويلا يا ( ..... ) شوفي كيف اسوي الحلى ذا وسرت اعرف كل شي بالذااات رمضان هذا سرت اعرف كيف اسوي رز ومثريه وشووربه وخبزه ودجااج بالفرن وايدام وقهوه واشيااء كثيرره وترى يا بنات والله الطبخ يجنن متعه ومن جد تتفنني فيه <<< الله يكملك بعقلك خخخخخخخ :cry: وسلامتكم وتعبت من كثر ما اكتب :twisted: |
آلزوآآآج يآآليت يوقف ع آلطبخ ! كــآآن صآرت كل الآزوآآج بأأحسن حآآل وقفت ع الطبخ مش راح نقول الاكل مش مهم لا اكييد مهم ولو كانت البنت ماتعرف تطبخ مو مشكله شخصيآ لي نآس والله ماتعرف الطبخ لمده سنه والحين سايره آآحلي طبآآخه وفنآآنه ~ ،‘ آنآ آقوول يآآآآآليييت وقفت ع الطبخ كآآن سهلت الاموور ْ~! يعطيك آلعآفيه آخوي العزيز دمت بسعآده ×،‘ |
تحيه لكم
لكل شخص في هذه الحياه وظيفه لابد ان يؤديها الرجل =العمل +المسئوليه +التربيه +يودي ويجيب المرأه=العمل داخل البيت +الحمل والولاده+التربيه +وكل صغيره وكبيره داخل البيت على رأسها ويا ويلي لو تكون موظفه زادت الطينه بله :razz: هاه يا رجال من اكثر عمل ومسؤليه المرأه او الرجال :evil:؟؟؟؟؟؟؟؟؟؟؟؟ لكن نحمد الله فعملنا هذا داخل بيوتنا يعتبر جهاد اما موضوع الطبخ فهذا اهم وظيفه للمرأه وانا ارى ان المرأه التي لاتطبخ فما هو دورها في بيت الزوجيه ولا تكثرون كلام يا بنات هذه كلمة حق ولا تضيعون نفوسكم وبناتكم وتسمونه اضطهاد للمرأه aasa ليه هي ما تأكل ولا تأكل امها او ابوها الاكل ضروري لتقوية الجسم لنستطيع العباده ونقوم بدورنا في هذه الحياه ولا تقوم الحياة الزوجيه على الطبخ فقط لكن الحياه الزوجيه لها اركان دورها رفع هذه الحياه الى القمه ومن اركانها الطبخ وعدم معرفت كيفيه الطبخ لا يهدم الحياه الزوجيه ولكن برئيي انه يشوهها مما يجعل ركن من اركان الحياه منهار مع انه بسيط لايشوه هذه الحياه الجميله :arrow: ودددددمممممممممتم |
| الساعة الآن 08:11 AM. |
Powered by vBulletin® Version 3.8.9
Copyright ©2000 - 2025, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ