|
بنت فقدت والدها في حادث عمرها 9 سنين
بنت لم تكمل عامها التاسع فقدت كل فرحة وكل أمل مع فقدانها والدها في حادث مروري
عندما ألقت هذه الخاطرة يابيــه ... عمري ... حبيبي لا تأخر أبي ترجع قبل ماأنام أبي اتلحف حنانك في تصبحين بخير مع بوسة على خدي ...... يبـــه وانام وقبل ماانسى يبـــه اســـــــــمع ابي دفتر رسم أحمر وابي أقلام للتلوين وابي فستان .... مثل لون الشمس أصفر وابيك انت تلبسني تحمل يبه أرجوك تمهل يبه أرجوك شوي ... شوي ..يبه وينك ؟ تعبت أنتظر تعبت اتخيل ايدينك يبه وينك ؟ تعبت أسأل زوايا البيت تعبت أسئل ثوبك المكوي تعبت اشم عطرك واحضن غيابك تعبت أكذب على دمعي وارتب عيني وثيابك يبـــه وينك ؟ ألف الدار واتذكر هنا يمشي ..... هنا يجلس .... هنا يضحك .... يبه وينك ؟ ويقطع حزن هالأفكار باب الدار واصيح بصوت واتحشرج ..... منو بالباب ...منو اللي دق هذا الباب أنا ماابي لعب .....و أقلام انا مابي هدايا انا مابي اشوف اصحاب يبـــه وينك ؟ يبه يرضيك حالي الحين كرهت المدرسة والدرس ولا حد فيني حس تذكرني بغيابك شهادتي ... ومعلمتي ... وباب المدرسة والدرس ... اصحابي وعلاماتي يبــه وينك ؟ كلامي يبه حارق كلامي مر وأنا أقرا في الدفاتر هنا (يوقع ولي الأمر ) مين لي فرحتي تتكحل بعينه وضحكاته يبــه ... وينك ؟ نجحت وتختنق فرحة وسط صدري تجيني الناس وتبارك وهذا الحزن بي حارث ولاتدري أني يتيمة والسبب حادث مؤلم جداً |
خاطرة شعرية مؤثرة ... أسأل الله تعالى ألا يري مسلم مكروهاً في عزيز لديه ... ومهما حاولنا تصوير مشاعر من فقد عزيز لديه يظل هو من يتألم .
شكراً أخي أبا يارا |
الله يرحمه
يعطيك العافيه على الابيات الحزينه تحياتي |
شكرًا أخي ابا يارا وبوالطيب على مروركم الكريم والله يخليكم لعيالكم
|
شكراً جلونار على الخاطرة الشعرية ... ومعذرة على عدم التركيز أثناء التعليق الأول ... لأنني كتبت التعليق بعد تعليق آخر للأخ أبا يارا .
|
| الساعة الآن 04:46 PM. |
Powered by vBulletin® Version 3.8.9
Copyright ©2000 - 2025, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ