راسه معه ولا سبح مامعه راس
 

أربط مراسي
مركبك (مَنْتْ) بحار
البحر له ناسه
ومثلك معه ناس
هم ينهجون أفكار
(وإنته) لك أفكار
لو صادفك تيار
عودت محتاس
حاذر من الإبحار
فالبحر غدار
ياما غرق في لجته
نوع وأجناس
اللي سبح (فابيار)
يشتاق الأبيار
من (قُفَّها)* يُنْقُزْ
تُقُل شِبل نسناس
واللي سبح فالبحر
لاشك بحار
يعرف (شِرَاعتها)
وفي البحر غطاس
لو عانَدَتْ نفسك
وساقتك الأقدار
(عودتْ)
من قََََرْش البَحَرْ
ما معك رأس
ويعودون أهلك
يقولون وش صار
رأسه معه
وِلاّ سَبَحْ ما معه
رأس

*قُفّ البير مكان إفراغ الغرب للماء
(لا يجيء واحد يقول فسر الماء بعد الجهد بالماء) هل نسيتم الأبيار والسواني ؟؟؟؟

تسلم يا شاعرنا الفاضل . أعطاك الله عافيه.

مشكور والله لا يهينك
وصح لسانك

صح السانك ........

والف شكر ...

السلام عليكم :
بارك الله فيك البحر غدار والبير في الدار والولد جبار والماء يطفي النار
ولاتحسب السباحة في البحر مثل اللى تعلم الففز من قف الأبار
التكملة في لقاء جديد عند بئر أبو ورد

صح لسانك ......

صح لسانك ويعطيك العافيه قصيده اكثر من رائعه وفالك الخير

والله ما يعجبني الا من كانو ينقزون من القف لو تاهب للواحد مليون اليوم ما نقز تدري ليش يابو سعد على شيان ابيارنا ماعاد فيها ماء.

صح لسااااااانك يالغالي.... بعض الابيات تجبرك توقف عندها.منتظرين جديدك.