يايمة
 

وكـنـه حـلـم قـدامـي يقيـدنـي مـــن الـصـرخـات‏
‏ أبي اصحي ولكنـي عجـزت ألقى الـي يصحينـي
‏ فـداك القلـب يا يمه ومهـمـا قـلـت مــن كلـمـات
‏ صغيـره فـي كبـر حـقـك بــس أتمنى تعذريـنـي‏
‏ نهبت الفرح من بيتي صحيح أني خسيس ألذات‏
‏ صحيح أني ولـد طايـش وكـل مـا أسمعـه فينـي‏
‏ تـجـول عيونـهـم فيـنـي تفـصـل مـنـي قيـاسـات
‏ وتشيـح وجوهـهـم عـنـي وكـنـي مغـيـر ٍ ديـنـي‏
‏ يظنـوا حزنهـم اكبـر وهــم أصحاب هالمـأسـاة‏
‏ وأنا أتحدى إذا فيهـم ربــع مــا يحـتـرق فيـنـي‏
‏ نقـص قـدري بعـد موتـك وغابـت نشـوة اللـذات
‏ وصـــار الـهــم عــكــازي ابـاكـيــه ويبـاكـيـنـي‏
‏ عطيتيني بدون حساب ولا سمعتك تقولـي هـات‏
‏ وأنا اشـرب حيـل مـن دمـك ودمـك مـا يكفيـنـي‏
‏ يا يمه ارجعـي كافـي ابجلـس معـك لـو لحـظـات‏
‏ واقبـل ايـدك ورجلـك وافـرش لـك رمـش عينـي‏
‏ يا يمه مـا تحملهـم يقـولـوا فــات مــا قــد مــات‏
‏ تعالـي غيـري هالقـول وأطيعك بـاقـي سنيـنـي‏
‏ واتـرك عـادة التدخيـن وانفـذ مـا تـبـي بسـكـات
‏ واصلي الفجر في المسجد قبـل منتـي تصحينـي‏
‏ يا يمه ارجعـي تكفـيـن وطغي شمـعـة الآهــات‏
‏ أبيك أنتي ولا غـيـرك عـلـى مـوتـك تعـزيـنـي‏
‏ وضمينـي وداوينـي مـثـل مــا كـانـت الهـقـوات
‏ مـا أبي أحدن يواسينـي أبيك أنتي تواسيـنـي‏
‏ دخيلـك بـس لا تبكـي إذا شفـتـي بــي الدمـعـات‏
‏ أنا مـقــوى أبكيك .... .إذ ا أنتي تبـكـيـنـي