|
تنبيه للجميع - مع احترامي للكل 0
لوحظ في الآونة الأخيرة ان كثيرا من الاعضاء - وبعض المشرفين - يقومون باقتباس الردود دون التعليق على الموضوع المطروح 00 السؤال المطروح : مالفائدة من الاقتباس دون الرد ؟ بالطبع : البعض يطمع في زياردة عدد مشاركاته ونقاطه ......وهذا طموح ولا شك ولكن ماهكذا تكتسب الرتب 0 لذا فانه من اليوم ستحذف اي مشاركه مقتبسه فقط 0 دون التعليق على الموضوع 0 وقد اعذر من أنذر ..... وبدون زعل 00 واعتقد توافقوني الراي ان يكون منتدانا متميزا وان تكون مواضيعه اصلية لامنقولة وردودها اصلية ايضا لامقتبسة 0 |
اعتقد يابو طلال انها لن تنفع المنتدى اكثر من انها تضر ......
احيانا يكون الرد كافي ووافي للموضوع وليس هناك كلمات تعبر اكثر فيستخدم الاقتباس اختصارا للوقت والجهد معا ... وليس شرطا ان يكون طمعا في زيادة المشاركات .... هذا رايي الخااص ..... بالتوفيق |
كلام ابو طلال صح
وكلام سعيد صح ------------- لكن انا الاحظ انه فيه اكثر من عضو -- مشاركاته تعدت الـ500 وعادت بتصك الـ1000 واقدر احلف ان كلها اقتباس ((((انحن وش نبغاب ردودك يوم كلها اقتباس)))ـ اذا على كذا المفروض المنتدى يسير فيه عضوين فقط واحد يكتب وواحد يرد==> مايحتاج لأعضاء يكررون الرد ------------------ وغير كذا -- انا الاحظ انه بعضهم يتنخش المواضيع القديمه -- عشان يزيد مالمشاركات |
ياكافي صار المنتدى كله تنبيهات وتحذيرات كأنناطلاب في مدرسة
ياويلكم .........ولانفس الرجال في مجلس الرجال والحريم في مجلس الحريم كأننا دخلنا بيوت الجماعه ولابنعرض صورنا في المنتدى لاتقتبسون ........يعني لاتغشون الرد(مدرسة) :shock: المواضيع اصلية كأننافي نادي الموهوبين فقط الله يوفق الجميع والله دخلنا المنتدى من حبنا للقرية فرجاءلا............. |
والله يا كافي من النسوان الي الواحدة من هن تبغى تغلب بصوتها الرجاجيل وش حشرك بين تيه الردود.
ما قلنا لك ولخواتك خلوكن في مجلسكن الخاص بكن هيه خذولكم من الخريط والمريط انحن منحن في مدرسة صار المنتدى كله تحذيرات تنبيهات كنا دخلنا بيوت الجماعة كنا بنعرض صورنا وهو انتي تسطين تسوين شي من هذا تبغى الاخت تورينا انها تعرف تحانك وتهاوش وانها ما تستحي. قلنا لكم احشروهن في مجلس النسوان الا ذي بتلزم ادبها. |
سعيد بن علي ال سعد
ولد المضاحي غنى بارود اشكركم على مروركم وتشريفي بالردود الجميله التي تنم عن حبكم لمنتداكم وقريتكم ,,,,,,,,,,,, [B] ارجو من الاخت / غنى تفهم الموضوع حيث ان الاقتباس يجعل كاتب الموضوع محبطا لعدم الرد على ماكتب 0 والهدف هو النقاش للخروج بنتائج مرضية 00 انما الذي يقتبس فهو كمن يهز راسه فلا نعلم هل هو موافق ام غير موافق ! لابد من المشاركة اذن على اية حال ....... ان شاءالله الصورة وضحت لك . وكلنا ابناء المصنعة 0 لافرق بيننا............والزعل ممنوع 0[/B] |
انا مع ولد الضاحي لأنه كلامه واقعي 100%100 الصورة وضحت للجميع والله يعطيك العافية يابو طلال |
:evil: لاحول ولاقوة الابالله العلي العظيم من جد بارود اسم على مسمى الله يكفيناالشر والشراسه المنتدى عام للنساء والرجال ويابارود رقي فكرك شويه المراءه اصبح علمها يفوق علم الرجل وهي تفيد مجالس الرجال قبل مجالس النساء واول مره واخر مره ياباررود نسمح لك اناوبنات قريتي بالأسلوب الرجعي الناس اتطورت وتنورت وانت باقي شكلك في اسفل العقبه تستنى الحطابات والرعيان رجاااااااااااء خاص ارتقو بالفاضكم واساليبكم وتفكيركم ودمممممممممتم سالمييييييين
|
ابوطلال المثل يقوووول شارك ولو بابتسامة ... :mrgreen: :mrgreen:
ياليت تعمل استفتاء ... وشوف من يؤيد الفكرة ومن يعارض وبالتصويت .. والربحان هو اللي يمشي كلامه .. لاجل يتم العدل في الموضوع .. ولو ترسل لجميع الاعضاء الكرام رسالة لكي يشاركو بالتصويت .. ابو طلال مع احترامي كنت اتمنى ان يكون اسلوبك في طرح الموضوع بشكل اقتراح وتطلب من الاعضاء المشاركة لطرح رايهم بالاقتراح ... ولكن اسلوبك كاان كأمر أو كعقوبة لمن يستخدم الاقتباس اعتقد المنتدى للجميع لذلك رأي الجميع مهم ... ومن حق الجميع المشاركة وابداء الرأي بالتوفيق |
انا شخصيا اعتبر الاقتباس كالغش في الاختبار تماما ......
هل ترضى ان تكتب ردا جميلا وياتي عضو آخر وينقل كل ماكتبت دون ان يعلم ماهو الموضوع المطروح اصلا؟ ------------- لا أعتقد انه من المناسب طرح الموضوع للاستفتاء لانه سيشجع على الكسل ياعسل 0 بالمناسبة ( البسة اعجبتني والف مبروك ) |
بسم الله الرحمن الرحيم
من رأي أنه لا يحذف الإقتباس مو شرط إني إلي يقتبس ما يكون قرأ الموضوع يمكن واحد يكتب (موضوع جميل مع الشكر)ومثل هذه العبارات وتلك ،وأصلا ما قرأ الموضوع ويمكن واحد يكرر رده أكثر من مرة ...... ولكن يرجع إلى ضمير الشخص وهدفه إن كان تحصيل نقاط وإلا إفادة المجموعة ولكن تحذف الردود المكررة ........والله ولي التوفيق..... (مع تحياتي^_^)......... |
| الساعة الآن 09:42 AM. |
Powered by vBulletin® Version 3.8.9
Copyright ©2000 - 2026, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ