|
بنات اليوم والله المستعان
هذي بنـات اليـوم برقـع وجـوال ولاعبايـة كتـف هـم يلبسـوهـا والراس فوق الراس طرحه مع الشال حتـى الخصـال الطيبـة افقدوهـا يوم البنات اللي غدٍ سبـت اهمـال ويـوم السبايـب اهلهـا هملـوهـا الأم نامـت والاب صـار تمـثـال والبنت راحت ويـن مـا يسألوهـا بالليل تسهر بيـن هاتـف وجـوال والا عـلـى الـشـات سهـروهـا اللبس تلبس كل مـا يطـرب البـال وفلوس لو تنقص عليهـا عطوهـا من شافها باللبس يا ساتـر الحـال يسبهـا ويسـب مــن خلفـوهـا كومة لحم وعيون والرمـش قتـال ولما مشت كـل الشبـاب اتبعوهـا هم ما دروا لـو البراقـع بتنشـال ونشوف وش تحت البراقع خفوهـا وين البنات اللي بهم تضرب امثـال ليت العلـوم الطيبـة مـا تركوهـا البنت زين البنت لا زانـت الحـال ما هـو بلبـس ولا علـوم خذوهـا وين المراجل ما بقى غيره ارجـال يليت الشـوارب واللحـى حلقوهـا اللي على عاره رضي الـذل ينقـال ليـت الكرامـة ليتهـم يرفعـوهـا ما عاد ينفع قـول فيهـا ولا قـال لا الأم والله ولا الأبــو انفعـوهـا اصبح ضياع البنت بسبـاب جـوال البنت ضاعـت والأهـل ضيعوهـا |
صح لسانك يالوادي الأخضر..كلام سليم وهو حال بعض فتياتنا ، والله يصلح الحال والمآل..
وحقيقةً يجب الإنتباه من الوالدين والمتابعة لأن الثقة الزائدة ربما تكون نتائجها وخيمة !! |
صدقت يا الوادي الاخضر ولكن اين الوالدين عنهم |
صح لسانك والله ما أخطأ لسانك بل أصاب كبد الواقع
ولكن الله المستعان خرجولنا جيل اللهم لك الحمد ينزل الراس إلا من رحم الله وحتى إن كانوا المحافظين قليل بس فيهم الخيروالبركة وإن شاء الله يكون نصر الأمة على أيديهم ،ونسأل الله أن يهدي ضال المسلمين ويثبت الملتزمين والسالكين على الصراط المستقيم ....اللهم آمين. (مع تحياتي^_^).......... |
كلامك على متمه ياوادينا الاخضر ولكن لاجيب التعميم فكل مجتمع فيه الطيب والبطال وليس كل من لبس عباءة وبرقع منا وصدقني اغلب هالسافرات من خارج هذه البلاد الطيبه باهلها
|
علي جمعان ـــ القناص ـــ أحمد اصغير ـــ هاوي3333 عطرتم صفحتي بمروركم الرائع دمتم بحب |
| الساعة الآن 05:02 AM. |
Powered by vBulletin® Version 3.8.9
Copyright ©2000 - 2025, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ