اليوم جمعة والصلاة على النبي مستحبه..اللهم أجعلها نصرة لنبيك وأرفع بها درجتي
 

[poem]
أنا أشهد إننا إن ما وقفنا نصـــــرةً للـّــــه = وقمنا بيرقاً يحجب شعاع الشمس يخفيها
وقلنا يا كلاب الروم هذا خير خلـــــق الله = هذا اللي جاته الدنيا مطيعه وما رغب فيها
هذا اللي أرسله رب(ن) كريم(ن) داعياً لله = وبلّغ دعوته نشــــــــهد وبإذن الله نوديــها
إلى منّا تقاعسنا على نصرة رســـول الله = بطون الأرض خيرْ لْنا من الدنيا وما فيها
إلى منّا رضينا مركب الخسران والـــــذلّه = وصرنا بالربا نشري وحتى الناس نطغيها
وضيعنا صلاة الفجر بالسهرات والهمــله = وقمنا بعدما الأرزاق صارت بأيدِ راعيها
ياخوف الله لا تغدي المهانه عندنا ســــهله = ولا تتمعرّ أُوْجِيه(ن) إذا أنهانت مقـــاديها
ومن غيره بحبه يكتمل إيمان خـــــــلق الله = ومن غيره على الكوثر لجمع الناس يسقيها
ومن غيره في الموقف يكن نجدة عباد الله = يقول آنا لها والناس ما تترك مواطيها
ومن يفتح محامد بعدها يشفع بحيل الله = ومن ينصا جنان الخلد وأول داخل(ن) فيها
ومن نُكْرَم على دربه ونُصْدر قبل خلق الله = وحنًأ آخر الدنيا وآخــــــــــر أمّةً فيها
ألا يالله تنصر من نصر فينا رسول الله = ومن دافع عن الملعون نارك تحشره فيها[/poem]