مجالس منتدى قرية المصنعة الرسمى

الشاعر الكبير المرحوم بإذن الله علي بن جماح . من أهالي الجلحيه
وهذه إحدا قصائده التي أشتملت على كثير من الأمثال والحكم .
http://almasnah.com/vb/newthread.php?do=newthread&f=15
يالله يالله يافتاح الأبواب *** يامن على علمنا يحضر ولا غاب

ندعوك يالله ومن يدعوك ما خاب *** ياعالي الشان
*********** تاهب معونه على الدنيا وقافيها **********

أدعوك تغفر ذنوبي فانك الغفار *** وأستر علينا بسترك فانك الستار

وأطلبك في جنتك وأعوذ بك من النار *** لا شبت أوقود
********** وكل كافر بكفره تخلده فيها ************

ياكل جاهل ترى دنياك عاره *** أحفظ صلاتك فهي عز التجاره

لا تتغافل ترى الدنيا خساره *** زوداً ونقصان
********* يا ربح من قدم أولها لتاليها *************

وأوصيك لا تتساهل عن زكاتك *** إخراجها لك زياده في حياتك

والا تحاسب عليها في مماتك *** برجع ميزان
********** إن كنت قدام بالمكيال تو فيها **********

وصوم شهراً فرض على المسلمين *** لا تتساهل عنه طول السنينا

إن كنت ترغب كتابك باليمينا *** وتشوف رضوان
*********** وجنة الخلد ياجي مقسمك فيها ************

وحج بيت بني في بطن مكه *** لا تتساهل عنه ما منه فكه

لو كنت لجله تدك المال دكه *** وقم بالأركان
********** هذي فروضك عسى إن الله يوفيها **********

إن قيل مالك فهاذي رأس مالك *** وان زدت عنها تكرم لو بدى لك

زوايد الخير تأتي كلها لك *** حيناً ورى أحيان
********* والله يات العلوم إنك توافيها *************

وأوصيك بالجود فإن الجود ممدوح *** عروه تمسك بها لو كنت مطروح

وما كتب في الجبين أوما في اللوح *** يأتيك لو كان
******* لو كان روحك في الصندوق تخفيها *************

وأوصيك لا تتعند للقبيله *** ترى القبيله كما روزه ثقيله

يا بخت من كان رادوله بزينه *** يا بخته إن كان
********* إن كان يستقري الضيفه وقريها ************

وأوصيك إلى قالو ا الضيفان في الدار *** شرف وقل مرحبا يا عز خاطر

وحمسة البن ترى ما فيها الأعذار *** لو كنت خرمان
********* إصبر وخل المقهوي ذا يقهويها ************

وأحضر مع من يقل هات المشوره *** إن كان لك رأي فأ تعجل بدوره

وإن كان عند ابن عمك عز صوره *** يلقاك صبيان
******** صبيان للضيف وإلا دون واديها ***********

وإن غبت وإلا يكن حدك بخاله *** فمن حضر قل ترى إن البيض فاله

ترى عرب دورنا رأس الرجاله *** في الشرق بدوان
******** رزوا طناب الهجر وأعطوا قواديها *************

ولا تطيع المره فيما تقل لك *** ترى المره رأس منقودك وذلك

وهي لدرب الجميله ماتدلك *** تغديك شيطان
********* تكب علمك وحجتها تمضيها ***************

وان قلت جا الضيف قالت يضهدونك *** والافياكم بعد سدك ودونك

قل المره منعت خابت عيونك *** وتحلف أيمان
******** ياهذه النيبه إنا ما نسويها **************

وان قيل جا الضيف نبغي قرص للعين *** قالت لك القرص يالمرغل بقرشين

لو كان بيتك على ذا المذهب الشين *** مليان حبان
********** لنفتقر خل بي عدله نصاغيها ***************

كم من فقير تجمل ما معه مال *** وكم غني تفشل يملك أحمال

وكم مره بعلها تغديه رجال *** لو كان طفران
*********** تقول بالخير حين الله يهديها *************

بعض الرجاجيل ما فيهم مسره *** حلفت ما ريت منه إلا مضره

قلب وتلقاه فاشل كل مره *** في كل ما كان
********* شوره مع الحرمه الله لا يباقيها ***************

إلا يكن عقلها يرجح بعقله *** فهي أعرقة لأهلها والاش لأهله

حلفت لو تضربه حتى برجله *** وإلا بسهمان
********** تربي اللاش وابوها يربيها *************

اللاش لا حد يقل بنته صبيه *** حلفت بالله ماتضوي عليه

لو كان أبوها يروحها هديه *** ويشد ميلان
******** ومن الجنيهات والماست يحليها **************

ياجي ولدها كما جده وخاله *** بالحسد والفسد والذل والبخاله

ويغير العز الأول بالخطاله *** من عرق خطلان
********* والشعبه الراخيه كل يدنيها **************

اللاش لاش ولا في اللاش عربه *** لوحق له حط قبل البيت زربه

ياخجله من بني عمه وقربه *** وعد وصدقان
********* واللاش حتى فروضه ما يصليها **********

( والقصيده طويله جداً وإن شاء الله نكملها في أقرب فرصه )