مجالس منتدى قرية المصنعة الرسمى - عرضه في احتفالات المصنعه

حبيت اشارك وأنزل إحدى القصايد اللي في زواج ال غدران وال سفلان

وكانت من أجمل القصايد وهي للشاعر فهد بن محفوظ

سلام ٍ وابتدي قولـي بذكـر الـرازق الرحمـن
إلـهٍ مالنـا غيـره إلـى اصتكـت مغاربـهـا
حفيظ ٍ نعبـده دون الوجـود ونطلبـه غفـران
عسى النفـس الدنيّـه يـا إلـه الكـون نغلبهـا
يا ربي نلتجي لك وانـت يـا حنـان يـا منـان
ولـك روس الجبـاه تعوفـر القـاع بترايبهـا
حضرنا والفرح نـور الليالـي والبـدور تبـان
على سطح القمـر ضـوّت محاسنهـا مآربهـا
هنا ليل الفرح والشعـر لاجلـه يفتـح البيبـان
هنا سعـد السعـود وليلـة ٍ مـا مثـل طالبهـا
هنا الجود وهنا العود المعتق والبخـور الـوان
هنا البدر اكتمل نـوره وضـوّى فـي غياهبهـا
هنا الشيخه مراجل والرجوله سعيد بن غـدران
هلا يابـو عصـام وفرحتـك مـا دون واهبهـا
وقفت ولاجلكم توقف معاني الشعـر كالعمـدان
تجف احبارنـا فـي مدحتـك وشلـون نكتبهـا
سعيد ٍ والسعد وجهـك كريـم وللكـرم عنـوان
كبيـر ٍ والكبـر لله حروفـي لـك مخضبـهـا
مشاريعـه تنامـت بالوفـا والصـدق والايمـان
خفه .. في قلبه وعينه أبد مـا ضـاع مشربهـا
الى جابو لك الطاري دعينا يـا كثيـر احسـان
يمينه مـا درت عنهـا شمالـه ويـش مكسبهـا
يا مكسبنا يا تاج ٍ معتلي فـي غامـد وزهـران
يا مضرب للمثايل لو رجال العـرف تضربهـا
بنيت البيت بجهودك بديـت مـن الصفـر والآن
كتبت اسمك على صفحة نجاحات الزمن يبهـى
ترى الرجال لو ما هو عصامي يمتلي عصيـان
وجيـه ٍ مالهـا فـاقـه ولا تـاريـخ ينسبـهـا
يا سدره عنّها المسك الرحيق بخلطـة الريحـان
يا غيمـه لـو تخايلنـا بـروق العـز نرقبهـا
وانا شاعر وامثل ديرتي فـي عابـر الأزمـان
باسم جدي حضـرت الليلـه ولا غـاب غايبهـا
باسم شيخ ٍ فتح بيتـه وبيبانـه علـى الضيفـان
وتشهد له ميادين العـراض وطيـب مضربهـا
باسم عبدالله بن محفوظ ابـارك للولـد غـدران
عريس المجد والفرحه تجـي ماهـوب يطلبهـا
وقفت وموقفي يبغي وصوف ٍ ما انوصف لانسان
وكن للشعر فـي غـدران هيبـه مـا تقاربهـا
عسى الله يحفظك ويبارك بعرسك باهل واخـوان
واذا حبيـت نـاس تدعـي بعالـي مراتبـهـا
يا نعم الرجل والتاريخ يشهـد لـك وذا الميـدان
يا بـر بوالدينـك والدعـا لـك مـن سبايبهـا
من اللي قال بان الفرح ذا في فنـدق الظهـران
لا بالله والفرح في نجد فـي جـده وفـي ابهـا
تعال وشاهـد افـراح القريّـات وبعـد نجـران
لأنـك يالوفـي نـور السعـاده يـا مواكبـهـا
شبيه ابوك ومن يشبه سعيـد الا الولـد غـدران
ولاهانـو عصـام وأحمـد وعبدالعزيـز بـهـا
بيوت ٍ من يشـك انهـا تعلـت للسمـا غلطـان
لا بالله وصّلت حـد الشمـوس بطيـب مرقبهـا
فخر واهل الفخر لو تمتدحها مـا كفـى ديـوان
سموّ العز فـي عـز السمـو ّ اللـي يجاذبهـا
فخر واهل الفخر مهمـا تـداري عزهـا ينبـان
عسى الله يحفظ بيوت الرجـال ومـن يناسبهـا
فتحت الباب يا شيخ المشايخ يا علـي السفـلان
رجل والمرجله لا ما تجيـك الا انـت صايبهـا
مواقفـه الكريمـه مـا لهـا مثليـن يالعربـان
لزومه فـي الشدايـد محـزم الجنبيـن جانبهـا
الى منه ضحك تبسم مسافـات الحـزن طربـان
والى منه وعـد يوفـي وعـوده مـا يجانبهـا
تعلمنـا منـه معنـى الرجالـه والوفـا لاهـان
تربينـا علـى كفـه وجـادت مـن جلايبـهـا
الى مني ذكرت اسمك أبـات بليلتـي سهـران
لأنك بـدر يـا نـور الليالـي السـود مذهبهـا
وانا لي سر مكتـوم ٍ وابـي تفتـح لـي الآذان
أحد شاف البشوت اللـي تفاخـر فـي مناكبهـا
عريس المجد ابو خالد يا كنز اللولو والمرجـان
ولا تعرف الرجال الا عزيـزه فـي مناصبهـا
من امريكا إلى باريس إلى لنـدن إلـى اليابـان
عمل واصل العمل عنـده متـاع ولعبـة ٍ نبهـا
من بيوت الفخر واخوالي اهل المصنعة تـزدان
على روس الحصون اللـي تحامينـا مضاربهـا
وله بالمجـد والشيخـة بعـزه أربعـة أعـوان
هذا خالـد والـى منـه بـدا للشمـس يغربهـا
وذا عبدالعزيـز اللـي غـدا للباخـره ربــان
وذا محمد على راس الجمـوع يطيّـب ارقبهـا
وذا طارق ذهيـن ويعجـز العـراف والذهـان
ولا انس اخت ٍ تعيش العز يـا مسعـد كسايبهـا
يشيلون امهم شيل الغمام اليـا فطـر ثـم حـان
وابوهـم عزهـم والعـز لـه يمحـي نوايبهـا
عساها تعتلي فـوق النجـوم الفرحـه وتنهـان
عيون الحاسد اللـي جعلهـا تحـرق حواجبهـا
ولا اوصيك يا غدران بالديـن وصـلاح الشـان
ومثلك ما يوصى لكـن الذكـرى لـك اوهبهـا
تراها غاليـة وانـت الغـلا والعـز والتحنـان
فـدللها وعطهـا مــا تـبـي ولا تحاسبـهـا
عسى الله يبارك بوجهك ووجه اللي جمعنـا الآن
بـدار الخلـد يجمعنـا بفرحـه مـا نغايبـهـا
بسم جدي وقفت وموقفـي مـا تحملـه سيقـان
وقفت وبارك الله فـي ليالـي الأنـس نطربهـا
وصلى الله على محمـد نبـي الامـه العدنـان
عدد ما عافـرت روس الجبـاه اوفـى ترايبهـا