|
إقتراحات العطاء لمهرجان الإخاء
بسم الله الرحمن الرحيم هذي اقتراحات ربما تحوز على رضاكم أن يحمل شعار صيفالمصنعةالممتعللشبابالمبدع لأنه من غير إبداعات الشباب والاشبال ماراح ننجز شي في المهرجان كذلك ياريت تاخذوا مشاركات الأطفال والشباب والشياب وتعملوها على شكل لقاءات معهم وراح ننزل صور الاطفال بالمنتدى<<< وتحلم أي أم ماشاركت تشوف صورة ولدها كمان ياريت تكون فيه كاميرا خفية تصور المواقف والبروفات وتكون في نهاية شريط العرض من خلف الكواليس ويكون التصوير من أكثر من كاميرا وفي الاخير يتم مونتاج لشريط واحد يحمل مهرجان المصنعة ونقوم بتنزيله بالمنتدى كمان في الاخير يتم جمع اللقاءات والمشاركات القيمة وتعرض في الحفل الختامي مباشرة جائزة لأفضل مشاركة تخدم المهرجان هذي مالدي الان وربما أعود وفقكم الله |
افكار رائعه من المبدعه جود
مشكلتنا ان اغلب الاخوان لازالوا مسافرين وموعد حضورهم بداية رجب الذي يصادف بداية المهرجان !!!!!!!!!!!!!!!!! نحن سوف نرتب ونجهز للمهرجان واول مايوصلو يبشرون بالشغل :) ============= تحياتي لك |
اقتراحات جميلة وشعار أجمل .. إعطاء أفضل مشاركات تخدم المهرجان جوائز عينية قيمة أهم اقتراح .. الله يوفقك يا د. جــــود على اهتمامك الرائع تحياتي ،.. |
الأطفال *** الأطفال *** الأطفال..........
هذي أهم نقطة .... الأطفال أكثر ناس يفرحوا بهذي اللقاءات والأجتماعات ... سهولة تقريب الأطفال مع بعضهم البعض لبراءتهم .... الأطفال مستقبل القريه وأملنا فيهم كبير ...... بس أتمنى تكون المسابقات المقدمة للأطفال فيها شوية إثارة ومشاركة وجرءه .. ترى بعض المسابقات قديمة وتصيب الأطفال بالملل ..... مثل سؤال وجاب أو لعبة الكراسي...أو البالونات ... الأطفال الحين وصلوا للألعاب الديجتال.. ويمكن بعضهم عنده أفكار أحسن من بعض الكبار هذي حقيقه.. أخوي الصغير أحيان الاقي عنده أفكار أحسن مني .. يحرجني ودي أمصل رقبته .. وأدق خشمه .. :lol: الشغلة الثانيه ليه ما يكون فيه مسرح قصة بسيطه فكاهيه.. يقوم فيها بعض الأطفال بعد تدريبهم على الألقاء وحفظ النص... المسرح مهم ...يعطيهم جرأه ... وثقة بالنفس .. يكفي أنك تكتشف شخصية الأطفال وما يحملوة من مواهب .. وإذا تبو أحبك لكم قصة أحاول .. وأنتوا تختارو الشخصيات وتوزعوا الأدوار وتصيغوا الحوار.... وأنا متأكد السنة الجايه يوم تعلنوا عن الخيمة الناس تبي تشارك بالحضور لأن عارفين في شي جديد .. في شخصيات جديده .. في تفاعل.. الظاهر أني كثرت في الحكي .. إنشاء الله الفكرة وصلت.. حتى يصير الشعار ليس مجرد شعار بل حقيقة. وتحياتي لكاتب الموضوع على إهتمامة وحرصة.... |
شكرا لك على تفاعلك اخي العزيز
ونحن في حاجة ماسة لجهد كل فرد فالعمل جماعي ولا ننتظر من اللجنه المشرفه ان تتولى كل شئ ونحن نتفرج ؟ اتمنى ارى ابداعك فيما يختص بالطفل 0 =================== تحياتي لك |
اقتراحات في الحقيقة هذي مهرجان كامل .... لو اني موجود بالديرة كان تبنيت الاقتراحات هذي وعملتها مهرجان برعايتي .... الف الف شكر على هذا الاهتمام منك الاستاذه الدكتورة جود وهذا ان دل فإنما يدل على انتمائك القوي للقرية وحبك الخالص لها ولأهلها .. كثر الله من امثالك ... |
احلى الليالي ياهلا فيك والله يوفقكم ويعينكم أملنا فيكم كبير وإن شاء الله مثل حماسك هنا بالمنتدى تقدم كمان للمهرجان |
أبو فيصل أشكرك على مرورك الكريم وياهلا فيك |
العضو الماسي بصراحة مشاركتك وإضافتك قيمة وتوزن بالماس وأتمنى يستفيدوا منها المسؤولين عن المهرجان وياريت ترفق على أخوك الصغير وأساله اش عنده افكار العاب وايش يتمنى وبالنسبة لك اذا كنت متواجد في الديرة ياريت تساعد أهل المهرجان وتتولى ألعاب الاطفال ونشاطاتهم بس بدون ماتمصع رقبة أحد الناس تبغى عيالها |
المسحراتي الله يعطيك العافية وماتقصر وشكرا لك على مرورك الكريم أسعدنا تواجدك |
الاخت / جود العطاء
حماسي اقل الموجودين وانا وجدت الشباب هنا متحمسين لدرجه كبيرة لجعل المهرجان لاينسى وما انا الا واحد من كوكبة العاملين يحدوني الامل في تحقيق النجاح للخروج بنتيجه مرضية لكل ابنائنا وشبابنا وشيبنا 0 وولانستغني عن افكاركم ومقترحاتكم ابدا 000 سلمت ودامت افكارك النيرة 0 =========== تحياتي لك |
ياهلا فيك وربنا معاكم وفقكم الله لما فيه الخير والصلاح للقرية |
أخي أحلى الليالي يعطيك العافيه... وحماسك في نجاح المشروع والقائمين عليه يدعي إلى التفاؤل ... بصراحة أنا احب أساهم عن طريق المنتدى أما بالأفكار أو الإقتراحات... وذلك لعدم تواجدي بالديره ... ونادرا ما أطلع الديره ...ليس كره في الديره ولاكن كل إنسان له ظروفه .. لاكن اخبار الديره حريصين أن نتابعها أول بأول ... ونتمنى أن تكون القريه أكاديميه في جميع المجالات وسبق أن حضرت أحد المهرجانات وكان التفاعل فيها مميز .. ولاكن أتخيل الموقف وشكل المهرجان لابد أن يكون هناك شئ جديد... وما أنقله من أفكار ليس لزاما أن ينفذ ... ولاكن ربما يطلع أحد على الموضوع ويتبنى الفكرة ... وهذا اقل ما نساهم فيه.... تحياتي لك ... |
يعطيك العافيه جود العطاء على هذا الإطراء...
اما بالنسبه لمشاركتي.... الأخوان فيهم الخير والبركه ... اما الأفكار اللي عند أخوي الحمد لله ... أرتحت منها ... :lol: أستخدمت معه أسلوب القمع :evil: إحراج أنا الكبير... :shock: إذا عنده شي يراسل المنتدى... |
العضو الماسي ياهلا فيك وفي أخوك ننتظر أفكاره |
| الساعة الآن 08:58 PM. |
Powered by vBulletin® Version 3.8.9
Copyright ©2000 - 2025, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ