|
الصاحب اللي طول عمرك توده (نبطي)
منقول
من قوافل الماضي والحاضر ( للبرق الامع ) ألصاحب اللـي طـول عمـرك تـوده ++++ وتقوم بالواجب ليا جـاك فـي الـدار وان جاك فـي وقـت بعسـرا وشـده ++++ تحميه من كـل المشاكـل والأخطـار وتقـول هـذا الصاحـب اللـي تعـده ++++ رجل صدوق الوعد مايعـرف أعـذار وتقــول هـذا كالجبـل حفـظ سـده ++++ مايعرف ألكذبـه ولا يبـوح بأسـرار وتقـول هـذا كالجمـل بعـد شــده ++++ يقوى على احموله وعلى الجوع صبار وتقــول هـذا مثـل سيفـا بـحـده ++++ يحمي على الصاحب ويحمي على الجار وتقـول هـذا مثـل بـيـرا مـعـده ++++ تسقي جميع الناس ما تنقـص أشبـار وتقـول هـذا البحـر الأحمـر بجـده ++++ في داخلـه مكنون من زيـن الأحجـار وتقـول هــذا فـارسـا مـايـرده ++++ وقـت اللظـى لا جـو بـارد ولا حـار وتقـول هـذا رجـل نــدا بـنـده ++++ حليـم وقت السلم وفي الحـرب مغـوار وتقول هذا المـدح مـن عهـد جـده ++++ لا ما هـرج فـي مجلسا يلفـت أنظـار هـذا تـرى روحـي معـه مستعـده ++++ تفديـه بالغالـي ولـو صـار ماصـار هـذا تـرى تعطيـه حـب ومــوده ++++ مثلـه تـرى بنقـول يفـدوك الأشـرار |
ا الأخ العزيز البدر
السلام عليكم ورحمة الله وبركاته يستمر عطاء البدر المعطاء لمجلس الشعر بالمنتدى كالنهر المتدفق بالمنهل العذب حفظ الله بدرنا , بدرنا الغالي انا اذا قرأت قصيدة واعجبتني تأبى الافكار الا بالمحاولة على اعداد الرد عليها لجمال القصيدة مع تقديرنا واحترامنا للشاعر البرق اللامع. لا جيت رايح خذ معك طرد وده ++++ لي عازة به يا رفيقي ولك دار من مد لك يمناه صادق فشده ++++ والوعد بعد الحج نشّد وخذ طار لا جاك مبلغ وافيا لا تعده ++++ ولا تجي درب النواقص والاعذار النشمي رجل ما يبدي الناس سده ++++ ولا يجيلك منه خرابيط واسرار والبدر عز الله رخاءلك وشده ++++ نمر مع افعاله كريم وصبار البدر لا منه لفا واش يحده ++++ يسقي النوامي كلها هي والاشجار يعد له بعض المواقف بعده ++++ ويقيس اموره بالهناديس واشبار البدر اذا فكّر بعلم بجده ++++ يحسب حساب للقريب وللجار نشمي في الساحل وللبدر رده ++++ يعرف دروب الستر والماء منه حار البدر الى منّه تسوّق ببنده ++++ يبحث عن الخضرة سريع ومغوار النشمي زار البدر في وسط جده ++++ يقيس قوله في المواقف بمنظار اذا قضى امرا تم له واستعده ++++ يدفع قليل من كثير وقد صار درب البدر كله ورود وموده ++++ بعيد عن درب السفافة والاشرار ــــــــــــــــــــــــــــــــ |
| الساعة الآن 05:01 PM. |
Powered by vBulletin® Version 3.8.9
Copyright ©2000 - 2025, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ