تذكرت الزمان اللي مضى
بسم الله الرحمن الرحيم
السلام عليكم ورحمة الله وبركاته
قصيده من مجموعة (أطلال), إنشاد حمد الضبعان:
تذكرت الزمـــــان اللي مضى لي يوم جن الليل
تذكرته وانا عيــــــــــــوني من ادموع العنا غرقا
تهل دموعي الحره على هــــــاك الزمن وتسيل
على خدود(ن) محرقها على أيـــــــــــامها حرقا
زمــــــان(ن) فات يا طيبه أحب اهله واحبه حيل
وله في خــــــــافقي ذكرى بدم عروقنا تسقى
ألا يــــاليل ســــامرني ترا ما عـــــاد فيني حيل
ولا لي خل يسعدني ولا لي صـــاحب(ن) يبقى
ألا يـــــــــــــــاليل أبعدنا وعقب البعد ذقت الويل
تفرقنا ولكنا نحس بطــــــــــــــــــــــــاري الفرقا
ألا ياليل أقفى جيل وأقفى فـــــي سنيني جيل
ومن حبيتهم أول؟؟.... على عهد الوفـــــا بابقى
ألا يـــــــــــاليل ذكرني بهم نجم الجدي وسهيل
وذكرني بهم نجم(ن) أجي له ضايق(ن) وارقى
ألا يـــــاليل غصب ابكي وراسي من بكاي يميل
ولامن نــــاحت الورقا؟؟... أجـاوب نوحة الورقى
__________________
على كثر الكلام وكثر مـــا قبل الكلام جروح سكت, وما لقيت الكلمتين اللي على بالي أخاف ان قلتها,ما قلتها, وان قلتها بوضوح... توسدني ملامات الرفيق وشرهة الغــــالي
مساعد الرشيدي
|