وابل : حياك الله .......كل واحد منا له مشاغله ...وجيد منك أن تتابع الله يحفظك , أنت أحسن مني .
أبو طلال الحبيب : يوم شفت هدرتك أول مره قلت ماشاء الله تبارك الله ....شجاع
وفي الرد الثاني تحول الزواج لمسيار , وأظن والله أعلم سينزل المستوى لزواج مراسله .
على كل حال أنت ذكرت السواطير والمثل يقول بعض الأحيان (الشرده كل الشجاعه) هذا مثل من تأليفي طال عمرك وسلام المذكور وصل .
البدر : حياك الله وحيا علومك ...أسمعني.....والله وبالله أنني أدخل المنتدى وأنا أمني النفس بعودة الشاعر ..فأرجع ونفسي مكسوره.
((من بعض درر الشاعر))
ألف وقبله نــــــــــــون من بعده الرا
لا شــــــــــــافها الساري علينا تورد
نار(ن) بجوفي تشتعل مـــــــا تورى
والا خبت نــــــــــــــاري جمرها توقد
عشت الزمــان اللي مضى واتحرى
يجي زمـــــــــاني لكن الصبر له حد
أعطيت ومــــــا قصرت وعمري ومرا
وخذ يــــــا صديق العمر مني بلا عد
مـــــــــــاني بمن يبدا الزلل أو يضرا
كريــــــــم نفس وطيب القلب والجد
لكن زمــــــــــاني ما رحمني واصرا
على نهــــــاية روح في جسم منهد
بعض الليالي سودها مــــــــا يسرا
وبعض الليـــــــالي ريحها ريحة الند
العمر رايح مثل حــــــــــــب(ن) تذرا
والعقل وافي والمعــــــــــارف تزايد
سنين عمري بين كــــــــــر(ن) وفرا
وعودي مع الأيـــــام يقسى ويشتد
القـــــــــــــــول والمقصد تثبت وقرا
والبدع الا جبناه مــــــــا يصعب الرد