السلام عليكم ورحمة الله وبركاته

في العاده الطريقه التقليديه لتنزيل السياره هي قص اليايات أو تسخينها ، وهذي من عيوبها انك ماتقدر ترجع السياره مثل ماكانت الا بشراء يايات جديده وما فيه حل وسط (( يافوق ياتحت ))
أو الهيدروليك ولكنه مكلف جدا


ولكن فيه طريقه ثانيه تقدر تنزل السياره وترفعها وقت ما تبغى في خمس دقايق


الطريقه هي اليايات الرياضيه

وهذي اليايات تحطها محل اليايات العاديه الموجوده عندك في السياره
وشكلها يشبه اليايات العاديه ولكن لها صامولتين من فوق ومن تحت ولها ألون عديده
ووقت ما تبغى تنزل السياره ترفعها بعفريته الين يرتفع الكفر عن الأرض ويظهر لك الياي وبعدين تلف الصاموله العلويه لتحت اذا كنت تبغى تنزل السياره أو لفوق اذا كنت تبغى ترفعها

مميزاتها :
1- طريقه سهله لرفع السياره زي رفعة الوكاله وزياده أو تنزيلها الين يدخل الكفر في الرفرف .
2- اذا نزلت السياره بشكل قوي تمتص الإهتزازات (( النطنطه )) .
3- تعطي ثبات وطابع رياضي رائع للسياره .

عيوبها :
1- عيوب التهبيط عموما وليس التهبيط بهذي الطريقه (( وهذي بنفرد لها موضوع خاص ))
2- أحيانا تمتلي الصاموله بالتراب وتعلق معك وتحتاج لتزييت عشان تمشي .


بقي أن نشير الى السعر
سعر الطقم كامل 4 يايات يتراوح ما بين 800 ريال الى 1100 ريال وتضيف عليها اجرة التركيب



أتمنى أكون أفدكم بهذا الموضوع



أخوكم ومحبكم ......... عبدالله:p