المهم الأيام الحلوة ماتستمر على طول ... مرض مشمش وانسل كما عود الريحان حتى بدت ضلوعه وأصبح شكله يخرع وريحته تكرِّه البساس فيه ... حتى تفاحة ماعادت تحوم عليه ... وافلحوا يدورون له على علاج ... حتى انهم ربطوا على إيده حلتيته ... وما نفعت .. فنصحهم جارهم مقطوع الذنب ... بالذهاب به إلى قط يلقبونه بالمتيِّن ولازم ياخذون معهم شوية فيران محمصه ... وفعلاً احتملوه وافلحوا به ... إلى المتيِّن ... ومن أول ماشافه ... قال لهم إنه مسحور ... ولابد من واحد يفك السحر ... ونصحهم بقط يقال له المخرِّع المعروف بفكه للسحر وأنه ماياخذ فلوس فاحتملوا معهم وزغ مقلية على داحوسه وخنافس وجراد ... ولما وصلوا إلى المخرِّع ... ودخلوا عنده ... ومن أول ماشافهم بدا يمارس شعوذته عشان يثبت لهم إنه شاطر في فك السحر ... شرم برم ... سأجعلك تحت سيطرتي وفي خدمتي وإلا باخليك تنفقع بالقنبلة ... ولما انتهى من طقوسه ... قال ... إللي سحرت مشمش ... اسمه مشمش وإلا أنا غلطان ... قال أبوه عداك العيب مشمش ... وفي سره تمشموا إللي في بالي ... يفكرني غبي كنه ماسمعني وأنا اطلب من مشمش يجلس قدامه ... دخل عليهم سكرتيرة الوارم عشان ياخذ منهم المعلوم ... إللي سحرت مشمش اسمها صيده (( قطه مربربة متفق معها المشعوذ عشان يحبك القصة )) ... ولازم تروحون وتجيبون أثر منها عشان أفك السحر ... سأل أبو مشمش ... وين هي صيده ؟! حندر فيه المخرِّع شوي وقال له : ... شرم برم ... وهو مغوص ... أول ماتخرجون تلقونها في طريقكم منسدحه ... والباقي لديكم .... تحياتي للجميع .
http://turkialgamdi.blogspot.com/