اللـه اكــبر على نمـــر يجـــوب الفيافي والقفار
ما يوقفـه لا ســــيل عريض ولا ليــــل طــــويل
ما توانى عن الاشعاب والاودية روس الجبال
مخلبه ثابت متوثب (ن) لا عزم لاشيء محال
ما حد ينكر صفات النمر في صيف والا في شتا
ما يقابله في دربه يكن فارس قلبه شــــــــجاع
الفوارس كثير من البشــر غير للنمر المخالب
من تمنى يلاقي النمـــر لازم يفكر في العواقب
قبل ما ينحـــرج في موقفـه في قليل من كثـــير
كل من جاء على استعداد متزهب مافي خلاف
لكن الغش من واجــــه له النمر ما يدري عنه
ما معه غير مشعاب(ن) وسفره بها زاد يسير
هذي ورطه وقع فيها غريب الديار المسـتجير
ماله الا يشــــد العــــزم باللـه ويتوكــــل عليه
من توكل على اللـه كان حسبه ولا خوف عليه
السلامـه ملامـه بعض الاحيان في بعض الشعاب
اما نمر العقـــاب اللـه يخشعه ما عنده سـلوم
لا يقدّر جوار ولا يهــاب البنادق في العقــــاب
كلنا سار نمـــــر في الفلا والشعايب والعقاب
اللـه يســـتر علينا من سباع العقاب وغيرها
بعضنا لا مسك له نمر شد المسالخ والجليــد
وخذ الجلـــد للاســـواق يبتاع بالسـعر الوفير
من هنا شدت النمران واختارت مكان(ن)بعيد
البشر ما تكل الصيد بالارض والمطلب عسير
عاده هذي لدى العربان ساروا عليها واصلين
اصبحت عند بعض الناس عادة لها متسابقين
ياللـه الحمد لك والشكر ياللـه رب العالمين
ـــــــ