لاتغيرك المشاكل ياحياتي والظروف
نعنبو جد الضروف اللي تبي تأخذك مني
لاتعذر لاتعذر لا تكثر بالحلوف
يعلم الله ماحدا غيرك من العالم فتني
لا يجي داخلك شك ولا يجي بالقلب خوف
لا يغيرك التردد والحذر يبعدك عني
الليالي عاندتنا والزمن عيا يروف
كل ماقول استوت يطلع لنا عشرين جني
واضحة شمس الحقيقة ما يغطيها الكسوف
مايغطيها الكسوف ولا يغيرها التمني
محتسي للشمس ظل ومحتسي للبرد صوف
لو تطو لبنا المسافة ماختلف فكري وظني
يابعد كل الاسامي يابعد كل الحروف
والله أن الحب قبلك فاقده من صغر سني
يامعلمني التحدي في حياتي والوقوف
يامغير كل هما كان قبلك محتضني
كيف تاخذك المشاكل عن عيوني والضروف
نعنبو جد الضروف اللي تبي تاخذك مني