هلا اختي الفجر الباسم النور نورك


نعم انا معك بأن الأسلام كرم المراءه .. والحمدلله أكبر نعمة نعيشها اننا فطرنا على الأسلام


لكن لا ادري ما شعور ذالك الاب وهو يزوج أبنته بريال واحد .. في عصرنا الحاضر ؟

نحن في زمان غير عن زمان الرسول صلى الله عليه وسلم والصحابة

كان الشاب لا يلتفت للاشياء الملموسة .. مثل شبابنا الان ..الذين ينتقدون الزوجه في لبسها وشكلها .. وحتى اسلوبها

لاننا في عالم منفتح


أنا لا اعرف الكثير عن اهالي هذه المنطقه بصراحه

لكن مهما كان يكون المهر معقول

بالنسبة انو هو يشتري لها ... اتوقع صعب

انتي بنت وعارفه انو مهما اشترا لها مايقدر يعرف وش تبي وش ذوقها

احيانا الوحده اختها وامها يكون ذوقهم غير ذوقها ..

. اما اني اقولهم روح اشتري بجامات .. وبلايز واطقم خرجه وللبيت واكسسوارات .. وجزم وشنط ..و .. ... صعبه صراحه


طيب معناته المشكله هنا مو المهر على كذا ... المشكله عدم ثقتهم ان البنت بتصرف فلوسها ع اغراضها


خايفين انها تاخذها ؟؟؟


عشان كذا هو يروح يشتري بنفسه !!!


دام بيدفع ويشتري لها اللي تبيه واللي تطلبه ... ليه مايعطيها المبلغ ويخليها هي تشتري وتقيس و تشوف اللي يناسبها


ومثل ماقلتي اذا العطر قيمته توصل 400 و 500 ريال


واحنا بايام انفتاح يعني الشاب مايبغاها تلبس له اللبس كل مره .. ولا العطر تستخدمه سنه ..


يعني خسارة بزوجتك 30 الف ولا 25 الف .. وتلاقينه يشتري فيها ناقة بـ مليون


سبحان الله ..


/


اشكرك اختي كثيرا

كان حوارك راقي ... واسلوبك جميل

تشرفت بالمرور على متصفحك للمرة الثانيه

اعذريني يالغلا على الأطاله