أسعدتم مساء" غالياتي أول مره أنزل لي طبخه بالمنتدى بصراحه مع اني كثير اطبق طبخات مع الدادا والحمد لله تضبط معي بس للأسف ماصور وأندم اذا انتهيت وهالمره طبقت ودعت الكسل ومافاتني اصور وكلمة روعــــــــــــه قليله عليها طعم خيال انصحكم تجربوها ... وهذي تجربتي بالصور والخطوات لعيونكم وكانت المقادير كالتالي : 1 ونص بسكويت اولكر 1 علبه قشطه 2 جالكسي 1 ملعقه كاكاو 2 ملعقه نسكافه 1 علبه حليب نستلى المركز [[ وسط ]] 4 حبات جبنة كيري [[ انا عني استخدمت جبنه مثلثه لانه ماكان عندي كيري ]] نيجي للطريقه : اول شي نطحن البسكويت كويس طبعا بس علبه واحده بسكويت الي نطحنها ويكون بهدي الطريقه بعدين نحط في الخلاط علبة القشطه وجبنة الكيري وملعقه كاكاو بودره ولمى تخلص نصبها فوق البسكويت ونعجنها كويس وراح تكون بهدا الشكل بعدين نجيب الفنجان ونغطيه بنايلون انا عني غطيته بقصدير وراح يكون كدا ونحط عجينه البسكويت بداخل الفنجان ونضيف على كل فنجان قطعه من الجالكسي بعدين نخلط بالخلاط 4 حبات جبنة كيري مع علبة النستله المركز مع ملعقه النسكافه ونحط بمقدار ملعقه ونص في كل فنجان كدا بعدين نجيب حبة البسكويت ونغطي فيه الفنجان بعدين نحطها بالثلاجه لمدة لا تقل عن ساعتين [[ عشان تجمد ]] ولمى نخرجها نقلب الفنجان ونفك القصدير عن الحلى ونحطه بصحن التقديم ونصب فوقه شوكولاته سايله وبسسسسسسسسس وبالعافيه وراح يطلع شكلها كدآآآ اتمنى يكون الموضوع نال على اعجابكم والتصوير واضح لأني صورت بجوالي الكاميرا ماكانت موجوده ... وان شاء الله بعد مااخلص الاختبارات راح انزل لكم [[ أم علي على طريقة المطاعم ]] الصور حصريه بقرية المصنعه لا أحلل النقل ابدا " ... مودتي لكم جميعا"