الحمد لله على السلامه أبـا ســـعد طالت الغيبة كثير فاهلا وسهلا
قصيدة رائعة تصف الواقع في هذا الزمان الذي نعيشه
ولكن مالعمل ؟ خلها تمشي الحياة بما لها وما عليها 0
قلت لك يابو ســـــــــعد طال الغيـاب
وقّف الكتّـــــاب عـن ما يســــطرون
كم من الضيفــــــــان راح ولاح باب
في بيــوت اهل الكــــرم ما يرجفون
للبيـوت العامـــــــرة زاد وشــراب
وادي الأفــــــلاج كم له من بطـون
من نشــــــد عن ديرته يلقى جواب
لين يعــــرف قريته حتى يمــــون
كل من خان الصديق لو امس تاب
مابيلقى العفـــــو من طبعـه يخـون
لو تخــيّر بين شـــــــيّاب وشــباب
ما هقيـــــت يـلاقي القلـب الحنـون
الزمن يمكن جــبره علـى الكــذاب
حتى لو ياصله صـوت البرج فون
من بنـى له بيت لو وصل السحاب
في ارتفـــاعه ميل دلّـو يشتـــكون
لاشــبه بين الصــقر وبين الغـراب
ما يهـاب النمـــــــر بحّــاث الدّمون
النمـر لاف الجمــــــــال ولا عتــاب
ما ســلم عــود على مـر الســنون
لـو تعـــدد كـل عشـــرة ملك لآب
لا يغــرّك ضحـــك وسـواد الدقون
لو تحــــدث كل يوم الكــــــل تـاب
قــول صـادق لاتقـــــل يتمـازحـون
مـن عرف درب الخطـايا من الصواب
كرر المعنى عســــــاهم يفهمــون
المريض في المشـــــافي لين طاب
والطبيب يناشـــــــد اللي يسمعون
التخصص للشــــــفا في كل باب
فيه جلــديّه وفي البطــن الظنون
من سـعى للصلح ما يـدور خـراب
الحواجــب ثابتــه فوق العيـــــون
الميـاه في الصحـاري كالســراب
مارتوى العطشـان حتى يبعدون
ـــــــــــــــــــــــــــــــــ