..ليت الزمن يرجع ورى واعرف الناس **عرفن يبدد من خفوقي ظلامه
واعرف اللي خوته ترفع الراس **ومن خوته باشه تجر الندامه
واعرف اللي صادق وكاذب إحساس **ومنهو الوفي اللي وفى في كلامه
واعرف اللي لا تضايقت ينحاس ** واللي ليا من ضقت زاد الملامه
واعرف الله للوفا دوم نبراس **ونت خان خلانه وسدد اسهامه
ويا ليت منهو عارف طيب الساس ** وياليت راع الطيب بوجهه علامه
المشكله لامن غشى العين عوماس **ما عاد تعرف نوره من ظلامه
ومن عزني شلته على هامة الراس **وحفضت قدره لين يوم القيامه
ومن باعني بعتته مثل سائر الناس **وترى بوسط القلب عالي مقامه
ما دام الوفاء دايم الدوم نبراس **ما همني غدرن لي بري سهامه
وترى الوفاء ما هو كلام بقرطاس **اصل الوفاء فعل يصدق كلامه
وترلى الوفا للخلق عز ونوماس **يعطي جميع الخلق قدر وكرامه
مير البلاءفي وقتنا صارينداس **وخلو الخيانه تعتلي فوق هامه
واللي يدور عالوفاء بين هالناس **يمكن يحصل بعد يوم القيامه