ياليت الزمن يرجع ورى ولاالليالي تدور..
ويرجع وقتناالأول وننعم في بساطتنا..
زمان أول أحس إنه زمان فيه صدق شعور..
نحب ونخلص النية وتجمعنا محبتنا..
زمن مافيه لاغيبة ولاحتى كلام زور..
ياليته بس لويرجع ونسترجع طفولتنا..
صغاروقلوبنا بيضاء تعيش بعالم محصور..
ولانعرف أبد أغراب ماغيرعيال حارتنا..
صحيح صغار في التفكيرلكن ماعلينا قصور..
نخطط نكسراللعبة وتسعدنا شقاوتنا..
نروح للمدرسة بدري ونضحك داخل الطابور..
نحاول نزعج العالم بروحتنا وجيتنا..
وعشان نأخرالحصة نخبي علبة الطبشور..
.. نشاغب بس في الآخرتميزنا براعتنا..
نحب الضحك والبهجة نحب ننط فوق السور..
نفرفش!وليه مانفرفش مادام الضحك عادتنا؟؟
لكن دارت الأيام وبان الخافي والمستور..
وصارالهم متعلق على قمة سعادتنا..
كبرنا وصارت الدنياتصف أحزاننا بالدور..
تهادينا الألم والهم غصب عن عين رغبتنا..
تعبنا من بلاوينا،أحد ضايق وأحد مقهور..
وكل غارق بهمه و بالآخر تشتتنا..
وأنا ماأقول غير: ياليت الزمان يدور..
ويرجع للورى فترة نعدل وضع عيشتنا...