الله يجزاك بألف خير عن كل ما قلت...طبعاً لا أملك لك سوى الدعاء , وإليك ردي أرجو أن ينال رضاك.
آنا قبلت الهديه خذتها تذكار
بعض المعاني عجبني منك ترديده
الله يجنبك يالشاعر عذاب النار
يلهمك نجواه تسبيحه وتمجيده
ويكون عونك على التسبيح والأذكار
ويرفع مقامك ويعطيك الذي تريده
ويجعلْك دايم رفيع القدر والمقدار
تسعى في الخير والمعروف وتفيده
مضى بنا العمر وانحن نطرد الأفكار
نبني في الليل مبنى واثق(ن) حَيده
وإذا صبحنا دخلنا لجة المعصار
وانهدّ مبنى سهرنا لأجل تشييده
ليت المناني إذا مرّت تعيد اعمار
من قبل ما تنقلب ضحكه لتنهيده
وليت السنين التي مرت مع الأخيار
تبقى مع العمر توفي العمر وتزيده
أعرف صنوف البشر يا شاعر الشعار
وأعرف سلوم العرب فالقول وأجيده
النار تكوي ومن يقوى يطأ فالنار
غير الذي ما يميّز لين(ن) عوده
لكن إذا ما وطاها مرة(ن) يختار
درب(ن) بعيد(ن)عن النيران ويروده