بعض اللقافة والكلمات اللي ترفع الضغط
ونفسكـ تذبـح اللي يقولهـاا
مثلا :-
أنت بغرفتك منسدح بالسرير ومطفي النور ومتلفلف اي متغطي بالبطانيه
يجي أحد أخوانك ويفتح الباب عليك ويقول :- بتنام ! ! !
(( لا أبرقص أيش رايك يعني أكيد أبنام ))
لووووول
أنتم معزومين عند ناس ورحتو لبيتهم وأول ما فتحوا الباب لكم , قال ولدهم :- " جيتــوا العزيمـه "
(( لا رحنـــا ,, أكيد جينا وأنت أيش تشوف ))
والعكس :- أنت لابس ثوبك وكاشخ بالشماغ وماشي في البيت رايح لباب الشارع ,,
يجي أحد من أهلك وينادي بصوت عالي >>> بتطلع ! ! !
(( لأأبدخل ,, إيوا أبطلع ))
أو مثلا راكب السياره وشغلت الموتر شوي وتدوس على البنزين يطلع لك واحد ويدق على الطـاقهـ.,,
أنت بكل ذوق تفتح الطاقهـ وتقوله :- آمر يالحبيب ؟
يقولك :-بتمشي با السياره ! ! !
(( لا أبفحط وأسوي خمسات . . . . أكيد أنا ماشي ))
عزيزتي الفتاة مثلا أنتي بالكليه وقمتي من الطاولة بعد ألف سالفه وسلافه يتخللها الحش والضحك
وكل شي ورحتي عند الباب تلبسي عبايتك . . .
تجي وحده ملقوفه من البنات وتقولك : - فلانه بتروحي البيت ! ! !
(( لا أبطلع برا أشم هواء , , أكيد أبروح لـبـيـتـنـا من زين الكليه جالسه في استاربوكس ونا مدري ))
مثلا ماسك سماعه التلفون وقاعد تضغط بالأرقام يجي أحد من أهلك ويقولك :-تكلم بتلفوون ! ! !
((لا بصور معه كم صوره تذكاريه , , أكيد أبكلم ))
مثلا :- ماسك مذكرة أو كتاب وقاعد تحفظ ومتحمس . . جاء أحد وقالك :- قاعد تذاكر ! ! !
(( لا أفرش اسناني , , , ايوا أذاكر ))
أو مثلا تسبح في المسبح بالإستراحه يجي واحد من أصحابك يمر عليك ويقول :- فلان تسبح ! ! !
(( لا أتروش . . . اللي يسمعك ما تشوف إيوا قاعد أسبح ))
ولا تعالــو شوفو قنواتنا وأسئلتهم البديهيه البايخه . . , ,
برنامج أهداءات يتصل واحد يطلب أغنيه ؟
ترد عليه المذيعه بكل سخافه :- أنت بتحب هذه الأغنيّة ! ! !
(( لا ما أحبها بس طالبها أستهبل , , إيوا أحبها ليش أجل متصل ))
أو مثلا بالعيد جايـيـن يقابلون مع الناس شوفو حوارتهم :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- وش تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( أكيد يبي يقولهم هالعباره , أجل وش تبونه يقول بهالمناسبه ))
والأسخف من هالبديهيات اللي تضيع وقتنا إذا قابلو مع الأطفال
يقول المذيع للولد :- أنت تحب ماما وبابا ! ! !
(( أإيوا يحبهم أجل تبى يقول لا ))
المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !
(( لا أبروح أصفقهم وأسوي رجهـ, , , أكيد أبعايدهم ))
واحد شاايل شنطته ورايح لبوابه المطار ويشووفه صاحبه با الصدفه هلا والله كيفك اخبارك أيش تسووي في المطار
(( والله جاي اشوف مباراه الهلال والأهلي... اكيد اني بسافر ))
هههههههههههههههههههههه
انتظر ردودكم
دمتم بخير