بسم الله الرحمن الرحيم
السلام عليكم ورحمة الله وبركاته

الليالي تموت ببردها(الشاعر المبدع مساعد الرشيدي)

في زمـان(ن) كنه البرد شبيت القصيد
قلت ابدفا والليـــــــــالي تموت ببردها
في طريق كنّه الموت والحـــالي وحيد
قلت ابحيا والمنــــــــــــايا تبوح بسدها
آتقـــــــــارب هقوة العمر لو كانت بعيد
وآتغني بالمقــــــــــابيل واخطب ودها
لاقــــــديم الجرح يقوى ولاجرح الجديد
يخلف النــــاس العزيزه عن اللي ودها
والله اني ماتنــــازل ولي راي(ن) عنيد
لين اداعب غــرة الشمس والثم خدها
وانزفي يــــاوردة الشعر من دم الوريد
لاتجفي في عــــروق(ن) تراجف يدها
ياقصيدي كان الأشعار ســادات وعبيد
والله انك من بحـــــــــور ..غريبٍ جدها
مـــــــاتقاود مهرة الحرف للقلب البليد
يـــــــــاقصيدي خذ رسنها وخلك قدها
في طريق كنه الخـوف سليت القصيد
قلت ابحيا والليــــــــالي تموت ببردها