سـلام الله يالوادي عليك تحيـة الاســلام
وأثنيها على الديره وكل أهلي وصدقاني
سلام عدد ما مر من ساعات فالأيام
وعدد ما مر فالساعات دقايقها مع ثواني
ومن يقرأ في المصحف من البقره إلى الأنعام
ومن يدعي على أمريكا بكل الشرّ الوان(ي)
وعددما هب من مشرق هبوب (ن) وأعقبه من شام
غيوماً كنها الكحل العظيم القدر والشاني
وعدد ما خط في بيض الورق بالريش والأقلام
من أبيات يرددها بعيد الدار والداني
أنا يالوادي الأخضر أحن لديرتك أيام
وأيام أنشغل عنها وطبع الناس نسياني
وأحياناً أسافر في ظلام الليل في الأحلام
وياجي الصبح كني شفتها وآنا على مكاني
مصير الغايب اللي غاب وطالت غيبته أعوام
وجانا الصيف نتجمع ونلقى باقي أخواني