مالليالي طعـم والكحـل معنـى
يا كحلها يا احلى الليالي والاسرار
غابت وليت الشوق لحظه نفعنـا
والليل غاب وغاب في القلب زوّار
سال الحزن لين انتبه له وجعلنـا
الله واثر الجرح في الحب جَبّـار
وانا وحبّك والجـروح اجتمعنـا
نسأل طيوفك علّها جابت أخبـار
عنّك نبي نرضى مشاعـر ولعنـا
اللّي تبيح لعينك قلـوب واعمـار
كِنّا نتعاتب بـس محـدٍ سمعنـا
انا وكل اللّـي تعرفـه والاعـذار
وشلون تذكر وانت ماكنت معنـا
يوم الليالي تنتظر منـك مشـوار
رحنا من البارح ولا لـه رجعنـا
وجينا نعرف ان الزمن حيل غَدّار