بسم الله الرحمن الرحيم
وعليكم السلام ورحمة الله وبركاته
اخي الشاعر :
جزاك الله الف خير على تقديم هذه المعلومه المفيده .. فبعض الاشياء ماعرفتها الا من خلال هذا الموضوع .. النيص والوبر سبق واكلناه .. وكنا نعلم انه حلال من خلال بعض الاخوان المطلعين في هذا الامر .
ولكن عندي سؤال مهم جدا ارجو ان يكون له جواب .. اكل لحم الضبع ( الجعري ) هل هو حرام ام حلال .. فما لدي من معلومات هي عن طريق بعض الاخوان يقولون اذا تم تجعيره قبل ما يطلع منه ريح اكرمكم الله يكون لحمه جائز واذا طلع الريح من بطنه يفسد لحمه .. وهناك قصه حدثت ارويها لكم .
في احدى الايام تم اصتياد جعري في عن طريق دعسه بالسياره ثم الحقوا عليه بالبندق المهم تم تجعيره وتقسيم اللحم .. سهرنا ذيك الليله والوالده الله يرحمها ويسكنها فسيح جناته تطبخ في لحم الجعري .. من فرحتنا بالحمه واللي ماكنا نشوفها الا من الاسبوع للاسبوع او المناسبات سواء طينة بيت او زواج اكلنا لين شبعنا .. والباقي كانوا يعلقونه في المرزح حيث انه لم يكن هناك ثلاجه ايام زمان فالحم يملح ويعلق ويبقى شهور لايضره شىء .. المهم بالنسبه للحم الجعري رغم ان الطبخ ما خلص الا اخر الليل قمنا في الصباح نطالع للحم المعلق إلا وكله ( دود ) ومن يومها وبطني خربان مالقينا له دواء .
لذا ودي الاقي من يعطينا الرأي الصحيح والفتوى الصحيحه حول اكل لحم الجعري .
وجزاكم الله كل خير .