انا باقول لكم قصتي مع النظارة :
في بداية تعييني معلم طلبت ادارة التعليم من كل خريج اجراء كشف طبي ومشيت الامور تمام عند جميع الاطباء
حتى جاء دور طبيب العيون 
.....
وكنت وقتها لاألبس نظارة ولايحزنون 0000 كان الطبيب مصري والاخ مستعجل بسبب كثافة الخريجين ...
جاء دوري قال : اؤعد وغطي عينك اليمين 0 وبدأت اشوف لوح الاختبار وكله حرف c باحجام مختلفه والطبيب يسال : الفتحه دي على فين؟ وانا ماشاءالله تبارك الله اخبص تخبيص ياسلاااااااااااااااااااام 000000 اللي فوق اقول يسار واللي تحت اقول يمين ....... وهكذا 0( مدري عن فتحات بقعاء فين)
طالع في وقال : انت بتشوف تمشي ازاي يابني ؟
كتب لي ورقة عليها المقاس ... وقال : تروح عالبشاوري ( في جدة طبعا ) ويعمل لك نظارة 0
رحت للبشاوري قال تعال خذها بعد يومين 00
بعد يومين كان الوقت بعد العشاء ..... ولبست النظارة الطبيه وخرجت الشارع ...
اش صار ؟
اول مرة في حياتي البس نظارات - وطبيه ! صرت اركز على الاشياء البعيدة وهاتك ياتخبيط في الناس .
اللي يقول : فتح عينك ماتشوف؟ ( موداري انه صار عندي 4عيون ) واللي يسب ...............الخ
وانا فرحان بالنظارات كاني اشوف جدة للمرة الاولى 0
كنت معجب باللوحات وتغيرت اشكال الاشياءاللي اعرفها لانها صارت تبان بوضوح 0
وسلامتكم 0