الـى متـى وأنـا عزوبـي وطـفـران
والحـظ ميّـت والمخالـيـق عكـسـي
لا قـرب المغـرب وأنـا بعـد جيعـان
أتديـن رياليـن وأشــري جالكـسـي
والضيقة اللـي مالقـت غيـري انسـان
نفسـي تخلينـي ابـا شـوف نفـسـي
أروح للـحـلاق وأقــول طـفـشـان
يقول عندي لك تـرا فيلـم .............
فلم ٍ لك الله يا فهـد " برشـا مزيـان "
قلت انكتم واخلـص عليـه يـا نحسـي
ما أريد يا ابن ال( . . . ) ذنب ٍ وعصيان
أريـد شـي ٍ عـن عنـا الحـظ ينسـي
قـال القهـاوي واسـر ياليـل يـا دااان
قلت احفظ آرائك لنفسـك و " ميرسـي"
قابلت مصـري بيننـا صحبـة أزمـان
قلت عامل ايه يامصطفى يا ابن مرسـي
قال الجهـااااد وقلـت ياحـي ذا الشـان
قال : " أبعتـك فجـر مجمـع بتاكسـي
قلت أبشر أبشر بس بأشـوف الاخـوان
فـي الداخليـة ينفضـونـك بكـرسـي
قـال اهتـدي بالله واسمعنـي يـافـلان
قلـت ِالـق شـرّ ورح لدكتـور نفسـي
وأرجع مثل ما رحت قاااافـل وزهقـااان
وأشقـق أوراقـي القديـمـة ولبـسـي
وألقى ثلاثة ريـال فـي ثـوب عدمـان
ومن دون ما أتـردد جالكسـي وبيبسـي