ماكل من يضحك بدنياه مسرور
لو ضحكته دايم تحرك حجاجه
وماكل من يبكي من الناس مقهور
بعض الدموع رخاص علشان حاجه
وماكل صادق لوحكالك من شعور
ياكثر من زيف المشاعر خراجه
وماكل ورد تزرعه ينثر عطور
لو ماه صافي مايخالط هماجه
وماكل مرهف قلب لو يزرع زهور
قلب يحب الورد وجواه صاده
وماكل من يخطي من الناس معذور
البعض يخطي من علوم العواجه
وماكل من يسكت على الحق مجبور
لجل الغلا ساكت ويدعي أنفراجه
وماكل من شاور حكيم خذا الشور
بعض البشر مايقنع إلا مزاجه
وماكل من سمي صقر يشبه صقور
كم من صقر وقت الشدايد دجاجه
وماكل من يفزع لجل مدح ومشكور
البعض مرجلته وسامه وتاجه