بسم الله الرحمن الرحيم
السلام عليكم ورحمة الله وبركاته


تدري ...!!!!!.

تجيني بليلك وانــــــــــا منتظر عصر
تهديني اشواكك وانـا اهديك زهرات
حفظ العهد عندي ومــن عندك الغدر
تضحك الا مـــن شفت بالعين عبرات
تزعــــــــــــل الا مني كتبت الغلا نثر
تبغى قصــــــــايد كلها وصف نظرات
لا تحسب ان الود يا صـــــاحبي جبر
ولا تحسب ان الـوقت يبقى مسرات
تعبت اداري وارتجي واطــلب الصبر
وانته بفكرك ســابح(ن) في مدارات
ترى ثمـار النخل يــــــــا صاحبي تمر
وترى اللبــــاس اللي يدفيك شعرات
ترى الثلـــــــــــوج تذوب وتكوّن النهر
احذر من المعنى ترى السيل قطرات
واحذر من الرجـــــــال الا صابه القهر
وترى رماد النـــــــار من فوق جمرات
تدري... ترى بعدك ظلام(ن) وله فجر
وتدري.... ترى قربك فرح ثم حسرات
تدري... ترى طول المسافة بها قصر
وتدري ترى الغـابات من بعض بذرات
ابعد وانا ابعد جعل مـــــــــا بيننا بحر
والا بعــــــــــــــد بيني وبينك مجرات
حطيت لك نقطه بهــا ينتهي السطر
والغيت لك من صفحة الـــــود فقرات