كم فيك يا دنيــا العـــــــنا والـــعنا مــعنا
كم قد شكــينا ولا مــن حـــد يســــمعنا
غير الــذي ســاعة الميــقاف يجـمــــعنا
نُعْبُر شـكاوى وهــو حــلال مــا فــــــيها
يا قلب خلّك كبيــــر الــــقدر ومـــــطاوع
حتى متى وإنت تبــــدي لــــه وتتشاوع
ما دام تعـــرف عــــنـــه كــــذاب وملاوع
هيهات لك خاطره يــــصفى ويصـــفيها
اللي هَجَــرْك أتــركه قـــل لا تجي معنا
حتى ولو فــرقتـــه تــذبــح وســم عَــنَا
الموت واحــد ودرب الـــــحشر يجــمعنا
كل(ن) بصفحات فيـــها ما أنحصى فيها
ياقلب طع شور من يبغـــــى لك الخيره
ماهو الذي عيّشك بالجـــبروالحــــــيره
سلم أمــــورك لـــذا تجــــــري مقاديره
الخـــــالق اللــــي أمور الغيب مخفيها
يا قلب وش عاد ترجي من قليل الرشد
ذا يفتكـــر انه السيــــد وإنـــت العــــبد
وإذا مشى ما رضي يمشي بجـنبه حـد
لا تنتــظر حـــاجــةً ماهـــو بمقضـــــيها
قالــوا مَثَـــل من زمن ياليــــت تدري به
اللــي يبيـــعك بعـــه تسلـــم عذاريـــبه
والعيب إلى عاد طــــبعه ويش تبغي به
النار تحرق رجـــول اللـــي وطـــي فيها
التكمله عند الشاعر وأبو عبد الله